Vald verkalýðshreyfingarinnar til góðs og ills

Verkalýðshreyfingin er sterkt þjóðfélagsafl og jók styrk sinn verulega eftir hrun. Í heildina fer verkalýðshreyfingin varlega með völd sín. Það má þakka verkalýðshreyfingunni að hér hélst friðarskylda á vinnumarkaði árin eftir hrun.

Í gegnum lífeyrissjóðina jukust áhrif verkalýðshreyfingarinnar eftir hrun þegar einkaframtakið var meira og minna lamað vegna gjaldþrota og ofurskuldsetningar. Og lífeyrissjóðirnir hafa í megindráttum reynst farsælir í fjárfestingum sínum eftir hrun, þótt sumir þeirra voru nánast glæpsamlega mistækir fyrir hrun.

Samtenging verkalýðshreyfingar og lífeyrissjóða er að því leyti jákvæð að hún er með innbyggða hvöt til jafnvægis á milli launakrafna í dag og getu sjóðanna til að greiða lífeyri í framtíðinni.

Ef verkalýðshreyfingin og lífeyrissjóðir temja sér varkárni og vönduð vinnubrögð getur þetta þjóðfélagsafl orðið kjölfesta í samfélaginu. En um leið og verkalýðshreyfingin ætlar sér dagskrárvald í samfélaginu, eins og hún gerði með stuðningi við misheppnuðustu pólitísku tilraun lýðveldissögunnar, ESB-umsókn Samfylkingar, er friðurinn úti. Verkalýðshreyfingin á ekki að stunda pólitík nema á mjög þröngu sviði.

87% telja launafólk þurfa sterk verkalýðsfélög

Athugasemdir

[Hrossabrestur, 25.2.2017 kl. 16:21]

Verkalýðshreyfingin þarf að losa sig ESB trójuhesta á borð við Gylfa Arnbjörnsson og hans nóta, þeir eru ekki þarna til að verja hag hinna vinnandi stétta frekar en móðurksipið ESB sem fótumtreður réttindi vinnandi fólks en dansar í kring um gullkálfinn með peningaöflunum, sem sagt allt fyrir fjármagnið en þjóðfélagslegar skyldur mega fara fjandans til.

[Jóhann Elíasson, 25.2.2017 kl. 17:50]

Og verkalýðshreyfingin verður að endurskoða "verkfallsvopnið", því það veldur MUN meiri skaða en gagnið sem það gerir og það verður að skoða það vel og vandlega hvað geti komið í staðinn.  Man einhver eftir verkfalli sem hefur skilað einhverjum ávinningi??????

[Helga Kristjánsdóttir, 25.2.2017 kl. 22:51]

Nei Jóhann minn,engu sem elstu  manneskjur muna.