Guðlaugur Þór og móðgunardeildir Vg og Pírata

Bandaríkjaforseti var kallaður fasisti í ræðustól á alþingi þegar hann framkvæmdi stefnu sem hann boðaði í nýafstaðinni kosningabaráttu. Meirihluti Bandaríkjamanna styður stefnu forsetans, samkvæmt könnunum.

Guðlaugur Þór utanríkisráðherra Íslands fór óvægum orðum um innanríkismál Bandaríkjanna í fasistaumræðunni á alþingi.

Móðgunardeildir Vinstri grænna og Pírata óska eftir rýmri heimildum til að móðga þjóðhöfðingja. Eins og þær séu ekki nógu rúmar.

Þegar móðgunardeildir vinstriflokkanna fara offari ætti utanríkisráðherra í umboði Sjálfstæðisflokksins að kunna nógu mikið í pólitík til að halda aftur af sér.

Löglegt verði að móðga þjóðhöfðingja

Athugasemdir

[Guðmundur Ásgeirsson, 1.2.2017 kl. 16:19]

Þetta er að sjálfsögðu eitt brýnasta hagsmunamál Íslendinga og ekkert gæti á þessum tímapunkti verið mikilvægara verkefni fyrir Alþingi.

Eða þannig.

[Tómas Ibsen Halldórsson, 1.2.2017 kl. 16:59]

Íslenskum stjórnmálamönnum ferst ekki vel úr hendi að sinna málefnum okkar Íslendinga, hvað þykjast þeir þá ætla sér að stjórna erlendum þjóðum og ég tala nú ekki um þjóð sem er 1000 sinnum stærri en við.

Já miklir menn eru þeir þessir sjóræningjar og aðrir vinstrimenn.

[Kolbrún Hilmars, 1.2.2017 kl. 17:34]

Okkar kjörnu íslensku alþingismenn vilja greinilega frekar stýra Bandaríkjunum en því smotteríi sem þeir sitja uppi með. 

[Theódór Norðkvist, 1.2.2017 kl. 18:08]

Að hugsa sér að fyrrum forsetaframbjóðandi, Ari Trausti Guðmundsson, sé á meðal flytjendanna. Hvernig getur virtur fræðimaður og fyrrum forsetaframbjóðandi fallið í svona fúlan pytt?

Ég hef misst allt álit á honum. Það þarf að rannsaka Háskóla Íslands. Þessi svokallaða æðsta menntastofnun landsins virðist stunda fjöldaframleiðslu á vinstri öfgamönnum og guðleysingjum.

[Ívar Pálsson, 1.2.2017 kl. 20:03]

Eins gott að vinstri pakkinn myndaði ekki ríkisstjórn hér, þar sem þingmenn Pírata og VG ausa óhróðri yfir forseta Bandaríkjanna með uppnefnum sem koma í veg fyrir að þau komist þangað. Ekki auka þau hróður Alþingis eða koma með nýja nálgun sem eykur virðinguna.

Svo gleymast alveg praktísk atriði eins og þau að BNA eru efst í að auka túristatekjur Íslendinga.

[Helga Kristjánsdóttir, 2.2.2017 kl. 00:41]

Theodor ég er þér svo hjartanlega sammála varðandi Ara Trausta, En ég missti álit á honum einmitt þegar hann kom fram í forseta kosningunum.Ég hafði alltaf virt hann sem fræðimann,en framkoma hans í sjónvarpssal er svo eftirminnilega yfirlætisleg og gekk fram af mörgum.

[Borgþór Jónsson, 2.2.2017 kl. 02:35]

Ég er eigilega sammála VG í þessu máli.

Við ættum að taka upp stjórnarskrárákvæðið í Bandarísku stjórnarskránni og leyfa frjálsa orðræðu.

Við eigum að geta móðgað alla ,líka þjóðhöfðingja.

Hinsvegar er spurning um hversu skynsamlegt það er að t.d. ráðherrar eða þingmenn fari að móðga erlenda þjóðhöfðingja.

Ég hugsa að það sé betra að þeir séu diplomatískari.

[Hrólfur Þ Hraundal, 2.2.2017 kl. 18:04]

 Teódór Norðkvist, hver sagði að hann væri virtur?  Það er annars sérkennilegt að horfa til þess að Guðlaugur Þór og sperri leggurinn Ari Trausti séu komnir í sömu hripleku skektuna með Ástu Guðrúnu og RUV meðsér að ausa út hroðanum .

[Hrólfur Þ Hraundal, 2.2.2017 kl. 18:16]

Ég sé enga ástæðu til þess að gefa vanþroskuðum heimildir með lögum til að ausa úrsér hroða okkur öllum til vansæmdar.