Múslímar í Bandaríkjunum og Rússlandi

Forsetar Rússlands og Bandaríkjanna eru sammála um að herskáir múslímar séu ógn við þjóðaröryggi.

Múslímar í Bandaríkjunum eru um 3,3 milljónir eða eitt prósent mannfjöldans. Í Rússlandi eru múslímar 16,5 milljónir og nær 12 prósent mannfjöldans.

Af þessum tölum mætti ráða að múslímar í Rússlandi væru til meiri vandræða en múslímar í Bandaríkjunum. En því er þveröfugt farið. Hryðjuverk herskárra múslíma eru framin í Bandaríkjunum en lítið fer fyrir þeim í Rússlandi.

Nærtæk ályktun er að opið og frjálslynt bandarískt þjóðfélag henti múslímum verr sem heimkynni en lokað og íhaldssamt Rússland. Og hvers vegna er það? Líklegasta skýringin er að trúarmenning múslíma, sem er bæði lokuð og íhaldssöm, lendir í tilvistarkreppu í frjálsu og opnu samfélagi. Tilvistarkreppan brýst út í ofbeldi.

Múslímar eru heima hjá sér í lokuðu og íhaldssömu samfélagi, hvort sem það er í Rússlandi eða Íran. Í frjálslum og opnum samfélögum, t.d. Bandaríkjunum, Frakklandi og Þýskalandi rata múslímar í ógöngur. Þeir taka upp ósiði eins og að drepa saklaust fólk í nafni trúarinnar sem afneitar vestrænum lífsháttum.

 

 

 

Trump: „Gengur ljómandi vel“

Athugasemdir

[Jón Bjarni, 29.1.2017 kl. 12:37]

http://www.vox.com/world/2017/1/27/14412420/terrorism-muslims-america-islam-trump

[Hörður Þormar, 29.1.2017 kl. 13:46]

Hvað með Tsetseniu?

[Ómar Ragnarsson, 29.1.2017 kl. 14:40]

Sem sagt: Taka upp Pútínska stjórnarhætti og málið er leyst!

[Ásgrímur Hartmannsson, 29.1.2017 kl. 17:18]

Það að múslimar eru til friðs í Rússlandi hefur meira með það að gera að Spetznas myrðir fjölskildur og vini þeirra sem eru með einhverja stæla.

Kananum hefur ekki enn dottið það í hug.

[Gunnar Th. Gunnarsson, 29.1.2017 kl. 22:38]

Sammála Herði Þormar. Tsetsenia er gróðrastía hryðjuverja og skæruliðar þaðan hafa herjað á Rússland. Það vekur bara ekki eins mikla athygli og þegar islamskir hryðjuverkamenn herja á Vesturlönd