Vinstristaðreyndir á válista

Þrjár staðreyndir, sem vinstrimenn ganga að sem gefnum, eru á válista. Sú fyrsta er að frjálslyndi (kynjajafnrétti, réttur samkynheigðra ofl) samrýmist múslímatrú. Vinstrimenn halda í þessa staðreynd vegna þess að hún er forsenda fjölmenningar. En reynslan sýnir að trúarmenning múslíma og frjálslyndi fara ekki saman, eru olía og vatn.

Önnur vinstristaðreynd er að Rússland, Pútín forseti sérstaklega, sé ógn við heimsfriðinn. Þetta viðhorf er markleysa. Sovétríkin féllu fyrir aldarfjórðungi og Rússland hefur síðan lengst af verið í nauðvörn og engum ógnað.

Þriðja vinstristaðreyndin er að frjálslynd alþjóðahyggja sé uppskrift að velmegun annars vegar og hins vegar friðsamlegri sambúð. Alþjóðahyggjan skilar vaxandi misrétti innan ríkja vesturlanda og varanlegum ófriði, samanber miðausturlönd.

Vinstristaðreyndirnar eru á válista vegna þess að andstæð pólitísk öfl, s.s. Brexit, Trump, þjóðernisflokkar i Evrópu, kalla þær réttu nafni: draumóra.

Athugasemdir

[Ragnhildur Kolka, 23.1.2017 kl. 09:26]

Í hvert sinn sem vinstrimenn eru minntir á staðreyndavillur sínar grípur um sig frumstæð hystería. Þess vegna hanga þeir núna tímunum saman yfir myndskeiðum af innsetningarathöfn Trumps og þatttökutölum eins og um snuð eða elskaðan bangsa væri að ræða.

[Jón Bjarni, 23.1.2017 kl. 10:45]

Hafa Rússar ekki "ógnað" Úkraínu.. ?

[Ómar Ragnarsson, 23.1.2017 kl. 12:55]

Voru þátttaka Bandaríkjanna í tveimur heimsstyrjöldum, stofnun Sameinuðu þjóðanna og Marshallaðstoð þeirra við lönd í Evrópu bara rugl og "draumórar"? 

[Ragnhildur Kolka, 23.1.2017 kl. 16:31]

Ómar Bandaríkin hefðu átt að slíta öllum þessum tengslum þegar sóvétríkin féllu. Jafnvel fyrr. SÞ hafa glatað öllum trúverðugleika og Það er ekkert eðlilegt að þjóð, sem byggir á trú á framtak einstaklingsins, sé að halda uppi velferðarkerfum annarra þjóða, m.þ.a. Niðurgreiða varnar kostnað þeirra.