Súr vínber Vinstri grænna

Vinstri grænir áttu þess kost að mynda ríkisstjórn með Sjálfstæðisflokknum. En þingflokkur Vg var sjálfum sér sundurþykkur og bjó ekki að siðferðisþreki til landsstjórnar.

Í stað þess að horfast í augu við eigin mistök freista Vinstri grænir þess að vekja reiðibylgju vegna skýrslu um aflandseignir Íslendinga. Ekkert í skýrslunni er nefnt sem rök fyrir reiðibylgjunni - aðeins tímasetning á útgáfu hennar.

Svandís Svavarsdóttir þingflokksformaður Vinstri grænna er gefin fyrir stórkarlalegar yfirlýsingar. Ásakanir um brot fjármálaráðherra á siðareglum ber að skoða í því ljósi að þrúgurnar í stjórnarráðinu eru súrar, éti maður ekki af þeim sjálfur.

Telur Bjarna hafa brotið siðareglur

Athugasemdir

[Ragnhildur Kolka, 9.1.2017 kl. 16:56]

Ég renndi yfir þessa skýrslu og á afar erfitt með að sjá að almenningur hafi farið á mis við mikið varðandi birtingu hennar. Þvert á móti megum við þakka fyrir, því seinkun birtingar hennar tryggði okkur frið yfir jólahátíðina.

Skýrslan tekur á þeim leiðum sem opnar voru til fjárfestinga erlendis og skýrsluhöfundar gera ýtarlega grein fyrir þeirri aðferðafræði sem notuð var við gerð hennar. En hún inniheldur engin smáatriði og jafnvel niðurstaðan er ekkert annað en gróf (afar gróf) nálgun. 

Það er því sannarlega tilefni til "þjóðarsorgar" hjá RÚV að hafa ekkert annað en tímasetninguna til að grenja yfir.

[Ómar Gíslason, 9.1.2017 kl. 18:21]

Var ekki Álfheiður nokkur í VG með fyrirtæki skráð þarna úti.

[Helga Kristjánsdóttir, 9.1.2017 kl. 20:37]

 Ó,já enda skyldist mér að þessi skýrsla væri bráðabirgða,eftir eigi að birta þá endanlegu. Rétt heyrði Birgittu í viðtali hjá Rúv;það var eins og hún hefði gleymt rullunni sinni og ekki vitað hvort ætti að byrsta sig.--