Táradalur fjölmenningar og síðasti maðurinn

Endalok sögunnar er bók sem kom út fyrir aldarfjórðungi og spáði sigri frjálslyndrar heimssýnar. Bókin kom út í lok kalda stríðsins sem sýndi fram á gjaldþrot kommúnisma.

Fjölmenning er birtingarmynd frjálslyndra stjórnmála síðustu áratugi. Í húsi fjölmenningar áttu femínistar og múslímar íbúð hlið við hlið. Enn trúa sumir á fjölmenningu jafnvel þótt múslíminn sé löngu búinn að kveikja í íbúð femínistanna, gott ef ekki afhausa íbúana í leiðinni.

Siðvitund frjálslyndra fjölmenningarsinna er mannhverf. Undirtitill bókarinnar Endalok sögunnar er ,,síðasti maðurinn". Mannmiðjukenningunni yfirsást eitt atriði sem trúuðum - hvort heldur kristnum, gyðingum eða múslíum - er alla tíð fullljóst: maðurinn lifir ekki á brauði einu saman. Trúarsiðferði byggt á manneskjunni einni saman er hús reist á sandi.

Maðurinn er þrátt fyrir allt aðeins kjötklumpur og í þokkabót fjarska ódýr í framleiðslu. Aðeins þeir með alvarlegt heilkenni vantrúar láta sér detta í hug að setja manninn á stall og tilbiðja kjötklump.

Fjölmenningin er orðin að táradal vegna útvötnunar á siðagildum sem héldu saman menningarsamfélögum. Útvötnuðu gildin sóttu réttlætingu í æðri hugmyndakerfi, s.s. kommúnisma og kristni. Á árinu sem er líða mátti sjá viðspyrnu gegn fjölmenningunni. Næstsíðasti maðurinn er ekki búinn að segja sitt síðasta orð. 

Sönn fjölmenning í jólaguðspjallinu

Athugasemdir

[Wilhelm Emilsson, 25.12.2016 kl. 23:08]

Mér finnst þessi pistill stangast á við fyrri athugasemd höfundar, þar sem hann er á húmanísku/mannhverfu róli:

"Trú er einkamál í kristni og haldið aðskilinni frá lögum og reglum samfélagsins. Kennisetningar í kristni eru ætlaðar til persónulegrar íhugunar án boðvalds yfir breytni manna."

[Páll Vilhjálmsson, 26.12.2016 kl. 11:30]

Jólin eru tími íhugunar og endurskoðunar, Wilhelm.

[Ragnhildur Kolka, 26.12.2016 kl. 18:17]

Mér finnst dálítið fúlt að vera af síðustu kynslóð sem naut þess að kalla sig vestræna. 

[Wilhelm Emilsson, 27.12.2016 kl. 06:20]

Takk fyrir svarið, Páll. Já, það er hið best mál að líta yfir farinn veg yfir hátíðarnar, íhuga og endurskoða.