Birgitta fær umboð eftir lokun markaða - RÚV spuni

Eftir að markaðir lokuðu í dag fékk Birgitta Jónsdóttir leiðtogi Pírata umboð til að mynda ríkisstjórn. Forsetinn vildi síður valda hruni á mörkuðum með veitingu umboðs til Pírata yfir hábjartan daginn.

RÚV bjó til fréttaspuna sem líkist krýningu þjóðhöfðingja með tímasettum atburðum upp á hverja mínútu. RÚV hyggst verja ríkisstjórnarmyndun Pírata vantrausti í fjölmiðlum og hleður framtakið lofi með fréttatækilegum aðferðum sem almannatenglar nota.

Ef tekst að halda lífi í stjórnarmyndun Pírata fram yfir helgi munu markaðir, þar sem lífeyrir landsmanna er ávaxtaður, láta á sjá. Sú leiðrétting verður þó hátíð í samanburði hrunið sem yrði ef smáflokkaríkisstjórn Pírata verður að veruleika. En leyfum helginni að líða og hugsum með hlýhug til fréttamanna RÚV sem verða kallaðir út á aukavakt að halda spunanum á floti. Jólin koma snemma á Efstaleiti.

„Mun byggja á góðum grunni“

Athugasemdir

[Anna Sigríður Guðmundsdóttir, 2.12.2016 kl. 19:11]

Þjóðin sem heldur ríkjum uppi vinnur heiðarlega láglaunavinnu og borgar glæpsamlega háa skatta. Og það vinnandi þjóðfélaganna-starfsfólk ætti ekki að halda uppi spilavítum Kauphalla Íslands og annarra ríkja!

M.b.kv.