Stjórnarsáttmáli Píratastjórnarinnar í dag - fyrstu viðbrögð

Píratar og hinir vinstriflokkarnir boða að stjórnarsáttmáli þeirra verði birtur í dag, í beinni útsendingu RÚV ef af líkum lætur. Kosningarnar eru reyndar ekki fyrr en eftir tvo daga en valdatökufólk vinstrimanna er ekki þekkt fyrir þolinmæði.  Í gestaframlagi til síðunnar eru fyrstu viðbrögð við Píratastjórninni. Gerið svo vel.

 

„Mig dreymdi draum.  Ríkisstjórn hinna ósnertanlegu tekur til óspilltra málanna í nóvember.  Þeir hinir sömu og gátu ekki rætt við núverandi vegna spillingar.  Hinir ósnertanlega og óspilltu ætla að gera allt í nafni gagnsæis og siðapostular setjast í hvert ráðuneyti, hvert þeirra með sérfræðiþekkingu á sínu sviði.

 

1.       Forsætisráðherrann sem er ekki stærðfræðingur og hefur rekið umfangsmikla atvinnustarfsemi í þágu sprotafyrirtækja á kostnað atvinnuleysistryggingarsjóðs verður Pírati.  Píratinn er sérfræðingur í vopnaburði og lærði á sínum tíma Langtíburtistan meðferð og notkun árásarvopna íklæddur talibanakufli í þjálfunarbúðum í Afganistan og var á þeim tíma á atvinnuleysisbótum frá Íslandi, nokkuð sem er brot á lögum og reglum um atvinnuleysissjóð fyrir alla Íslendinga.

 

2.       Fjármálaráðherra verður í Ham í við tiltekt í skattsvikunum.  Hann var í Ham og kemur úr svartri þátíð inn í bjarta framtíð með sérfræðiþekkingu úr listamannageiranum um hvernig afla á lífsviðurværis með því að þiggja greiðslur fyrir lístaflutning án þess að greiða af því opinber gjöld inn í samneysluna.  Hann verður væntanlega proppfullur af hugmyndum um hvernig bara sumir eigi að greiða allt fyrir alla hina.

 

3.       Utanríkisráðherrann verður svo helsti sérfræðingur okkar úr jarðfræðigeiranum.  Sá hinn sami og byggði flugvöll á Langanesi við hlið hins gamla því bróðir hans þurfti að selja jarðvinnsluefni úr námu fjölskyldunnar, sá hinn sami og tók yfir skuldir óreiðupésanna úr sparisjóðunum og ríkisvæddi þær, hann tók líka tæpa 4 milljarða úr vegafé landsmanna til að niðurgreiða fjárfestingu útlendinga og boraði holu á Húsavík, gaf líka erlendum hrægömmum fjármálakerfið okkar og reyndi að lokum að ríkisvæða 800 milljarða skuldabagga Icesave á okkur.  Aðstoðarmenn hans verða þeir sömu og áður, stundum í teymisvinnu kallaðir Svindlriði.  Fyrsta verk þeirra verður væntanlega að skipa fyrrverandi forsætisráðherra sem sendiherra aflandseyja og síðan þarf að skipa alla fyrrverandi ráðherra fylkinganna sem ekki komust á þing sem sendiherra án lands og umboðs því eitthvað verður blessað fólkið að hafa fyrir stafni fyrst lýðræðið hafnaði þeim.

 

4.       Líklegt má telja að sú sem átti sér ekki Viðreisnar Von verði mennta og íþróttamálaráðherra.  Hún stendur sérstaklega sterkt í þeim geira að endurmennta þá sem eru ekki á sama máli og hún og íþróttaheiminum getur hún fært okkur hið fræga H7 leikkerfi sem snerist um að flytja tapið yfir á samfélagssjóði en einkavæða gróðann.

 

5.       Flokkurinn með 8 fyrrverandi formenn sem kemst ekki á þing fær utanþingsráðherra fyrir að hafa grafið eigin gröf.  Líklegt má telja að það verið kirkjumálaráðherra, trúleysingi sem muni þjóðnýta allar eigur kirkjunnar og breyta helming kirknanna í leikskóla og barnaheimili til að ná upp nýtingu fastafjármuna.

 

6.       Dómsmálaráðuneytið/Innanríksráðuneytið mun sigla undir miklum byr, glitta mun í annan Pírata sem er sérstakur áhugamaður um persónuvernd, hugverkarréttindi og eignarrétt.  Sá hinn sami og nafni gegnsæis tók upp af götunni „frjálsri hendi“ trúnaðarögn sem bara lágu þarna óvart og gleymdi síðan tölvunni sinni á Alþingi en ekki í þeim tilgangi að njósna.  Sérstök skattlagning verður til við niðurhal ólöglegs efnis þannig að samfélagið fá nú tekjur af atvinnustarfsemi lista og menningaheimsins sem er svo mikilvægur að þátttakendum þar er í sjálfsvald sett um framlag sitt í samfélagssjóðina.

 

Komst í raun um það þegar ég vaknaði að í grunninn var þetta ekki draumur.  Þetta var martröð.   Gatan á milli Alþingishússins og Ráðhúss Reykjavíkur heitir Vonarstræti.  Líklegt má telja að í bjartri framtíð muni verða nafnabreyting yfir í Martröð.  Og Reykjanesbrautin verður endurnefnd sem Örtröð vegna þess landflótta sem mun bresta á.“

Athugasemdir

[Helga Kristjánsdóttir, 27.10.2016 kl. 09:13]

  Ætla frelsisunnandi Íslendingar að láta eyðileggingaröflin greiða Íslandi náðarhöggið. Maran hefur legið lengi yfir,en loksins eru ugglausir Íslendingar að vakna og trúa því sem er margbúið að benda þeim á. þessi nútíma hernaður er ekki auðlesinn,en þegar kemur að seinustu orrystunni opnast augu þeirra og nýsta inn að hjartarótum. Kjósum ekki þessa ESB útlendinga-hersveit.

[Ívar Pálsson, 27.10.2016 kl. 10:32]

Páll, hafðu heilhugar þakkir fyrir þessa skondnu snilldargrein, sem því miður á sér alltof mikla stoð í raunveruleikanum.

[Ragnhildur Kolka, 27.10.2016 kl. 10:37]

Þarna eru saman komnir miklir hæfileikar; vanir menn; sannkallað stjörnulið spillingarinnar.

[Ívar Pálsson, 27.10.2016 kl. 10:54]

Já, Ragnhildur. Takk líka fyrir mjög góða grein í Morgunblaðinu í dag um Viðreisn ofl. Það er þörf lesning.

[Villi Asgeirsson, 27.10.2016 kl. 15:34]

Nokkrar spurningar. 

1. Ertu með einhver gögn sem sýna að Smári hafi svikið út atvinnuleysisbætur?

2. Ertu að gefa í skyn að Óttarr Proppe sé skattsvikari? Ertu með eitthvað sem styður við þá staðhæfingu?

5. Hvaða flokkur er þetta og hvar hefurðu heyrt að til standi að þjóðnýta kirkjur og nýta sem leikskóla?

6. Hver stal hvaða gögnum og hvar segir viðkomandi að listamenn þurfi ekki að greiða skatta? Ef niðurhalsskattur er í deiglunni (sem ég hef ekki heyrt af), hvernig er hann annars eðlis en skattur á harða diska?