Bjarni foringi

Eitt einkenni foringja er að þeir höggva á hnútinn, taka af skarið þegar óvissa er uppi. Með því að umræður urðu um slæma útkomu kvenna í prófkjöri sjálfstæðismanna í Suðvesturkjördæmi skapaðist óvissa um kjörþokka framboðslistans.

Óvissan jókst þegar klofningsframboð úr Sjálfstæðisflokknum, Viðreisn, ákvað að tefla fram fyrrum varaformanni móðurflokksins, Þorgerði Katrínu Gunnarsdóttur, í fyrsta sæti.

Bjarni Ben. formaður Sjálfstæðisflokksins, ákvað að við svo búið mætti  ekki standa og fékk listanum breytt í kjördæmisráði í þágu sterkara kynsins án þess að nokkur segði múkk. Það er annað einkenni foringja.

Bryndís færð upp í annað sæti í SV

Athugasemdir

[Halldór Björgvin Jóhannsson, 30.9.2016 kl. 08:39]

Ég er mjög ósáttur með sjálfstæðiflokkinn þarna að fara standa í þessu kynjakvóta rugli, það hlýtur að vera ömurlegt fyrir Bryndísi að vita það að hún komst áfram ekki á verðleika heldur kvóta. Bjarni sýnir þarna að hann er ekki rétti maðurinn í foringjasætinu.

[Guðmundur Ásgeirsson, 30.9.2016 kl. 15:17]

Er semsagt í fínu lagi að flokksforysta breyti með geðþóttavaldi niðurstöðum lýðræðislegs prófkjörs, þegar um Sjálfstæðisflokkinn er að ræða, en ekki þegar um aðra flokka er að ræða?

Eða gilda ekki sömu viðmið fyrir alla þegar slíkt er annars vegar?

[Steindór Sigurðsson, 30.9.2016 kl. 15:32]

Þetta er ekki lýðræði þetta er svínræði. Bjarni mynnir alltaf meira og meira á félaga Napóleon í sögunni um svínin. Í sögunni: ANIMAL FARM.

[Helga Kristjánsdóttir, 30.9.2016 kl. 17:05]

 Hvers eiga þeir að gjalda sem hafa staðið sig vel í stöðu formanns nefnda. Þarna varð Jón Gunnarsson í öðru sæti, og hefur sýnt að hann er gott ráðherraefni.

[rhansen, 30.9.2016 kl. 20:59]

 Sem foringi þá átti BB ekki að ansa svona  KELLINGA VÆLI !.það heitir að lúta i gras fyrir frekju gangi !