RÚV-framboðið gegn Sigmundi Davíð

RÚV var fyrst til að tilkynna framboð Sigurðar Inga gegn Sigmundi Davíð. Fer vel á því, forsætisráherra fékk áskorun frá RÚV að verða rúsínan í pylsuenda Wintris-aðfararinnar.

Að baki Sigurði Inga stendur fyrrum formaður Framsóknarflokksins, Guðni Ágústsson, sem atti aðstoðarmanni sínum á foraðið til að ryðja brautina að hásætinu.

Framsóknarflokkurinn velur á milli foringja og verkfæris.

 

Sigurður Ingi ætlar í formanninn

Athugasemdir

[Wilhelm Emilsson, 23.9.2016 kl. 20:09]

Það væri kannski einfaldara ef síðuhafi teldi upp hverjir eru ekki með í Stóra samsærinu gegn Sigmundi Davíð.

[Sigfús Ómar Höskuldsson, 23.9.2016 kl. 20:34]

Um leið og ég minni á þau mannréttindabrot sem starfsfólk RÚV undirgengst, með miklum og dyggum stuðningi höfundar, sem hreinlega elskar að hata, ekki bara RÚV, heldur ALLA starfsmenn þar, þá þannig að starfsmenn mega nú ekki tjá sig á samfélagsmiðlum, ólíkt höfundi, þá eru skrif höfundar einkar ósnotur hér í kvöld. Lengi hélt ég að höfundur væri nokkuð snotur en er að hallast á að svo sé ekki. Það fer greinilega ört fjölgandi á launaskrá hjá RÚV. Síðast var það Guðni, nú Sigurður Ingi. Líklega fjölgar þeim svo umtalsvert  um næstu helgi. Fróðlegt verður að sjá hvort höfundur mæti á berji bumbur fyrir sinn heitt elskaða á flokksþinginu. Skárra væri það nú...

[Rafn Guðmundsson, 23.9.2016 kl. 22:36]

já - auðvitað - öllu rúv að kenna. en að því sögðu þá vona ég að trúðurinn vinni og haldi áfram að skemmta íslendingum hér og erlendis.

[Ómar Ragnarsson, 23.9.2016 kl. 22:48]

Augljóst var að Sigurður Ingi var að bíða eftir fréttum af þingflokksfundinum, sem bar á sér allt yfirbragð áfalls margra þingmanna yfir málflutningi SDG í beinni útsendingu í gærkvöldi. 

Það var ekki RUV sem skipulagði hvað SDG segði né að neyðarþingflokksfundur var haldinn og skipulagði heldur ekki að Sigurður Ingi væri á Akureyri. 

Þar hafði RUV aðstöðu til að geta talað beint við Sigurð Inga. 

Gaman væri að fara að telja upp hve mörg hundruð atriði stór og smá bloggsíðuhöfundur telur RUV bera ábyrgð á, bæði hér og út um allan heim, samanber kenninguna um að RUV hafi stjórnað úrvinnslunni úr lekanum úr Panamaskjölunum. 

Þessi RUV þráhyggja er farin að verða ískyggileg varðandi sálarheill þess sem er haldinn henni. 

Því miður er Spaugstofan ekki lengur með sína þætti og vænisjúku týpuna sem Örn Árnason lék svo vel og bloggsíðuhöfundurinn gæti fallið svo vel inn í. 

[Guðmundur Ásgeirsson, 23.9.2016 kl. 23:30]

Ég held ég kunni ráð sem getur gagnast við þessu ástandi.

Það sem síðuhafi þarf að gera er að mæta með tóma tunnu fyrir utan höfuðstöðvar RÚV og mæta þangað í öllum sínum frístundum til að berja í tunnuna. Það tekur misjafnlega margar vikur og mánuði þangað til útrás er fengin en það gerist alltaf á endanum. Svo róast þetta, viðkomandi hættir að mæta og berja í tunnuna, og fer að hugsa um eitthvað annað í lífinu heldur en það sem tunnuslátturinn beindist að í upphafi. Þetta hef ég séð gerast með undraverðum hætti hjá fleira fólki en ég hef tölu á, af báðum kynjum, öllum aldri og úr flestum geirum samfélagsins.

[Helga Kristjánsdóttir, 24.9.2016 kl. 00:31]

Æ,hvað þú ert fyndinn Guðmundur tunnuslátturinn er sérgrein Samfó og Vg,sem héldu konserta á Austurvelli eftir að hafa glutrað niður  bænaskjalinu,þú veist "Viltu vera memm Barrosso". Greyin táruðust í taumum,því ESB kommissar vissu meira um Stjórnarskrána íslensku heldur en fólkið sem hafði 30,ára þingmennsku að baki. Kannski ýki ég þetta með árin ,en það er aldrei tekið hart á því hjá vinstrinu,einmitt þeim megin sem hjartað er,þau láta það alltaf ráða.- Bíddu; var þessi pistill ekki um Sigurð Inga,? Er hann nú farið að langa líka í hlutverk VVinstrisins? Hlutverk Goða pulsunnar ræður hann ekki við,en rúsínan passar honum ágætlega...hann er svo mikið rassgat!! 

[Jón Bjarni, 24.9.2016 kl. 00:58]

Þeir sem verið er að bjarga frá drukknun berjast víst oft mikið gegn því að vera bjargað - viðbrögð margra framsóknarmanna við tilraunum fólks til að bjarga flokknum frá tortímingu virðast vera svipuð.. grátbroslegt

[Jón Bjarni, 24.9.2016 kl. 00:59]

Helga og Páll - gerið þið ykkur ekki grein fyrir því að Sigmundur sagði það í sjónvarpinu í gær að hann hefði aldrei átt Wintris og að ísland væri með tvísköttunarsamning við Bresku Jómfrúreyjar?

[Helga Kristjánsdóttir, 24.9.2016 kl. 01:04]

Gráttu þá! Og lestu síðan skýrslu Guðbjörns Jónssonar á vef útvarpi Sögu...

[Jón Bjarni, 24.9.2016 kl. 01:12]

Hvaða skýrsla er það? Og hvað á ég að gráta? 

[Jón Bjarni, 24.9.2016 kl. 01:13]

Ertu þú á þeirri skoðun Helga að SDG hafi sagt satt þegar hann sagði í beinni útsendingu að hann hefði aldrei átt félagið Wintris?

[Helga Kristjánsdóttir, 24.9.2016 kl. 01:17]

 Grátbrosa, þarf að þýða skrifin þín??

[Jón Bjarni, 24.9.2016 kl. 01:21]

Þýðir orðið grátbroslegt að maður sé að gráta?

[Jón Bjarni, 24.9.2016 kl. 01:21]

Hvað sem því líður.. Ert þú á því Helga að SDG hafi sagt satt eingöngu í sjónvarpinu í gær?

[Jón Valur Jensson, 24.9.2016 kl. 04:49]

Vesalings Ómar Ragnarsson heldur hér áfram meðvirkni sinni með sínum illa valda flokksræfli, Samfylkingunni, sem og með vinnusvikara-liðinu sem hefur tekið Rúvið við Efstaleiti hers höndum -- já, rænt því frá þjóðinni (enda hefur ekki verið við það komandi, að löngu dauði þátturinn Þjóðarsálin fái að heyrast þar aftur, en ritskoðarar passa upp á, að engir með "röng" viðhorf fái að komast að þessar fáu mínútur sem opnað er á raddir hlustenda í síðdegisþætti Rásar 2).

Já, Ómar er jafnvel í stuði með sínum guði Rúvinu um þessar mundir þegar minnzt er 50 ára tilvistar þess og krónísku atvinnumennirnir þar að rifna sundur af monti og sjálfsánægju, baðandi sig í frægð og sjálfshóli í dýrum þáttum sem þó er ekki með öllu óhorfandi á.

Þetta stuð hans dregur sízt úr gagnrýnisleysi hans á gerðir Rúvara, jafnvel þá meinvillugjörð að ryðja forsætisráðherra landsins af valdastóli, manni sem verður ekki sóttur til saka fyrir neitt og kona hans ekki heldur.

Og í stað þess að taka eftir því þetta föstudagssíðdegi, hvernig Rúvarar misnotuðu jafnvel unga fréttastúlku til að vera þar með ítrekaðar efnislega tómar uppspuna-"fréttir" um víðtæka óánægju innan þingflokks Framsóknarflokksins, þá vogar Ómar sér að fimbulfamba hér um "áfall margra [Framsóknar]þingmanna yfir málflutningi SDG í beinni útsendingu í gærkvöldi [þ.e. panelumræðunni með formönnum flokkanna á fimmtudagskvöldið]".

Áfall þeirra yfir málflutningi Sigmundar Davíðs!!! Hann sem stóð sig með ágætum gegn svívirðilega rækilega undirbúinni, margfasa árás, strax í byrjun umræðna, gegn formanni Framsóknarflokksins! Ég held að áfallið hafi nú frekar verið Rúvara, þegar þeir komust ekki hænufet með Sigmund, en fengu á sig velforþénta ábendingu hans um, að þeir sjálfir þyrftu á því að halda að iðrast og biðjast afsökunar á glæpsamlegri* fyrirsát Rúv í sumar.

* Glæpsamleg (mitt orð) var hún sem 1) brot gegn starfsskyldum Rúvara um óhlutdrægni og hlutlægni og málefnalega efnismeðferð og 2) þar sem hún olli alvarlegri stjórnarkreppu í landinu. Það á að reka þá menn, sem ábyrgð báru á því máli öllu. Eða hvar er "óhlutdræg og hlutlæg" eftirfylgni Rúv með öllum hinum í 600 manna Panamahópnum, sem í upphafi var talinn hafa framið hin alvarlegustu brot? Af hverju hefur síðan hefur verið þagað í Rúv um þetta lið, eftir að Sigmundur Davíð einn var stjaksettur?

[Jón Valur Jensson, 24.9.2016 kl. 05:16]

Hér er við hæfi að skjóta að einni nýlegri vísu minni á netinu:

Rúvið þarf ekki þurftarfé

frá þjóð okkar lengur,

af því mér sýnist, að það sé

anzi vel haldið, en svo má ske,

að fitni enn þess fengur.

      

(Verður ekki alltaf að gera ráð fyrir því versta mögulega?)

[Sigfús Ómar Höskuldsson, 24.9.2016 kl. 10:43]

Þegar maður rennir yfir textann frá guðfræðingnum, sem greininlega skrifa í mikilli geðshræringinu, þá kemur í hugann þetta vísurbrot úr Hávamálum.

Mjög er bráður 

sá er á bröndum skal 

síns um freista frama.

Maðurinn er greinilega uppfullur af því að pára sem mest, með sem minnstu innihaldi en sem mestum svívirðingum í garð þeirra sem hann er ósammála. Svo toppar guðfræðingurinn sig með því að reka sitt bloggsvæði, hendir þar út fólki í belg og biðu sem svara honum í sömu mynt (enda fækkar þeim daglega sem lesa párið það atarna).

Hér skrifar svo guðfræðingurinn; "vinnusvikara-liðinu sem hefur tekið Rúvið ". Vona bara að e-r starfsmaður RÚV stefni nú guðfræðingnum til þess að láta hann svara fyrir þetta þvaður sitt.

[Steindór Sigurðsson, 24.9.2016 kl. 13:58]

Ég horfði á þáttinn í fyrradag, þar sem formenn, sennilega rúmlega helmings flokkana sem verða í framboði til næstu Alþingiskoninga mættu til að láta okkur vita hvernig þeir ætluðu að leysa vanda þjóðarinnar. Allir nema framsjallarni voru með lausnir á öllu og til að gera langa sögu stutta, þá gat ég ekki heyrt betur en að landið okkar verði rúmlega fullkomið, ja bara strax dainn eftir kosningar, alveg sama hvað við kjósum. Svo við getum bara verið róleg og látið það eftir okkur að fara að hlakka til.

[Jón Valur Jensson, 24.9.2016 kl. 14:45]

Vesalings Sigfús Ómar réð ekki við að fjalla málefnalega um innlegg mitt og gat því ekki einu sinni leyft sér að reyna að koma með mótrök gegn rökvísum ábendingum mínum um til að mynda ólýðræðislega starfshætti Rúvara, sem opna nánast aldrei á frjálsa umræðu almennings, heldur tíðka það að handvelja viðmælendur í þáttagerð og jafnvel oft í fréttum (Píratar t.d. verið í miklu uppáhaldi hjá þeim síðasta misserið eða lengur, en nú er það náttúrlega landsvikaflokkurinn "Viðreisn" sem fellur enn betur í kramið hjá þeim og fær ófá viðtölin, gamlir áróðursmenn eins og Ben. Jóhannesson sem barðist fyrir því að Íslendingar ættu að borga Icesave!! -- ssannanirnar um það eru fyrir hendi, verði eftir þeim leitað; og þetta er maður sem vogar sér að bjóða sig fram til Alþingis!!!).

Sigfús lætur sem ég skrifi með litlu innihaldi, en þótt það eigi einmitt við um hann sjálfan, á það einmitt alls ekki við um mig, en hann kaus að leggja ekki í rök mín, heldur reyna ad hominem-aðferðina og lýgur þá eins og venjulega til um að ég "hendi út fólki í belg og biðu" á vefsíðu minni, þótt slíkt komi ekki fyrir mánuðum saman; en sumum innleggjum kasta ég út, fari þau gróflega gegn áberandi auglýstum skilmálum innleggja.

Þessir tveir S-arar hér á undan mér eru jafnan með sinn Jóhönnu- og Steingríms-þæga bullukollaáróður og sennilega báðir í Samfylkingunni og mjög áfram um að Ísland verði að tannhjóli í risaregluverki evrópsks stórveldis. Þar er þá allur þeirra trúverðugleiki, gangist þeir við þessu!

[Sigfús Ómar Höskuldsson, 24.9.2016 kl. 15:45]

Hr guðfræðingur, er þetta þá málefnlegra...;"Þessir tveir S-arar hér á undan mér eru jafnan með sinn Jóhönnu- og Steingríms-þæga bullukollaáróður og sennilega báðir í Samfylkingunni og mjög áfram um að Ísland verði að tannhjóli í risaregluverki evrópsks stórveldis." ?

Það þýðir lítið að rökræða við menn og konu sem ávallt, alltaf, svara einmittt málefnlegri gagnrýni, athugasemdum sem þeim hinum sömu líkar ekki og eiga ekki svör við, einmitt þá með því að hjóla beint í þann sem skrifar, ef ekki það, þá sett út á stafsetningu.

Jón Valur, við þig er ekki hægt að rökræða, þú tekur engum rökum, bara þínum eigin og þeim sem eru þér sammála.

Við erum nokkir á þessu ári sem þú ert búinn að henda út, þá vegna rökþrota hjá þér og að menn hafa svarað þér í sömu mynt og þú atyrðir þína skoðunarandstæðinga. Mér var vikið út vegna stuðnings við okkar frábæra Forseta. Sigurði Grétarssyni var hent úr e-ð fyrr vegna andmæla við margvíslegar athugasemdir. Á ég að finna þá fleiri ? 

[Eggert Guðmundsson, 24.9.2016 kl. 19:05]

 Það er greinilegt að flestir þeir sem hér skrifa hafa ekki kynnt sér Wintris málið og tilurð þess.

Sigmundur D. sagði satt í RUV þegar hann sagði að hann héfði aldrei átt þetta félag í Panama. 

Mér sýnist að fólk vilji líta framhjá þeirri staðreynd að það hafi verið gerð árás á æðsta ráðamann íslenska Ríkisins með hjálp RÚV

[Jón Valur Jensson, 24.9.2016 kl. 19:47]

Rétt hjá þér, Eggert.

En SÓH heldur áfram sínum ódýra rógburði og ekki meira að marka hann en þegar hann herjaði á vefsíðu mína. Ein lygin hjá honum er sú, að honum hafi verið hent út af vefsíðu minni vegna stuðnings hans við Guðna Th. Hann lýgur því. Hann einfaldlega braut þar gegn skilmálum innleggja. Og mál annars samfóista, SMG, fylgismanni palestínskra öfgasamtaka, getur Sigfús ekkert fullyrt um, en ég hafði fengið gagnrýnar athss. frá SMG hátt í áratug án þess að ég kastaði honum út.

[Sigfús Ómar Höskuldsson, 25.9.2016 kl. 11:39]

Þetta skrifaði guðfræðingurinn á sitt blogg svæði þann 25 maí: "Litla þolinmæði hef ég agnvart þínum einföldu, síendurteknu vígorðum í þágu Guðna Th. á þessum vettvangi." Skömmu síðar var búið að henda mér út. E-ð sárnaði líka guðfræðingnum að ég hermdi upp á hann, hans eigin orð um að það hefði verið réttlætanlegt að launamenn hefðu mátt taka á sig lækkun gengisins 2008, það hefði verið betra en að taka upp evru. Þannig stóð og stendur guðfræðingurinn með auðvaldinu og um leið kröfuhöfum á land og lýð. Aumt er það.

Hér eru því hrakin orð guðfræðingsins um "lygar" mínar. 

Guðfræðingurinn á einfaldlega að skammast sín, bæði fyrir það og sífelldar árásir á þá sem honum er ósammála.