Múslímar hraða afkristnun vesturlanda

Múslímskur bænaprestur á Ítalíu birti mynd af nunnum að baða sig í fullum skrúða til að sýna fram á tvöfalt siðgæði þeirra sem vilja banna búrkur. Fjöldainnreið múslíma í Evrópu mun hraða afkristnun álfunnar.

Vesturlönd hófu að afkristnast með upplýsingunni og frönsku byltingunni. 19. öldin var slagsmálaöld milli veraldarhyggju og kristni í Evrópu. Eftir aftrúarvæðingu á 20. öld og tilraun með veraldleg trúarbrögð, fasisma og marxisma, naut mild kristni í formi kristilegra stjórnmálaflokka hylli áratugina eftir seinna stríð. Evrópusambandið er afurð þeirrar þróunar og það stendur á bjargbrún.

Eina raunhæfa svarið við ágengni múslímskrar trúarmenningar í Evrópu er að hraða veraldarvæðingunni og útiloka trúarleg hindurvitni frá opinberum vettvangi. Það felur í sér afkristnun.

Vill banna búrkuna að hluta

Athugasemdir

[Jón Valur Jensson, 20.8.2016 kl. 14:41]

Ertu að dæma kristindóminn sem "hindurvitni", Páll?

Úr hvaða dómarasöðli talarðu þar? Er ekki betra að reiða sig á viðnám kristins fólks gegn innrás islams í Vesturlönd? Meðal þeirra, sem hafa verið einna mest vakandi gegn (og fræðandi um) útbreiðslu islams og islamisma til Norðurlandanna, hafa verið kristnar konur, já, mjög áberandi, konur sem láta sig varða framtíð barna sinna og vilja standa vörð um kristið siðgæði og kristna trú andspænis sízt bætandi siðum múslima.

Ég mæli ekki gegn eðlilegri veraldarvæðingu eða afhelgun sumra sviða mannlífsins; í Afríku er t.d. lausn undan skurðgoðadýrkun og hræðslu við náttúruvætti og undan sjamanisma og áhrifum galdrapresta t.d. eitt af því sem viðtakendur kristinnar trúar þar upplifa sem frelsun fyrir sig -- að geta litið á náttúruna sem eðlilega sköpun Guðs, en ekki fulla af illum öndum sem friða beri með fórnum og hlýðni við galdrapresta, sem einnig stunda hindurvitna-lækningar af ýmsu tagi.

En hvað áttirðu eiginlega við með afkristnandi "útilok[un] trúarleg[ra] hindurvitn[a] frá opinberum vettvangi"? Hvaða kristin hindurvitni þykistu sjá á "opinberum vettvangi"? Ertu að tala um innra, en opinbert starf kristinna kirkna? Áttu við kennslu í kristnum fræðum og dreifingu Nýja testamentisins í skólum? Kallarðu þá boðskap og kenningu Jesú Krists "hindurvitni"? (ef þú gerir það, skaltu reyna að sanna það). Ertu kannski að ræða um útvarpsmessur? Ertu að fjalla um setningu Alþingis í Dómkirkjunni -- eða eitthvað allt annað?

Yfirleitt svararðu ekki mörgum innleggjum á síður þínar, leyfir mönnum bara umræður, og það má alveg þakka. En í þetta sinn þykir mér sem þú skuldir lesendum einhverjar frekari skýringar á því, hvað þú ert að fara með þessum orðum þínum. Vinsamlegast!

[Páll Vilhjálmsson, 20.8.2016 kl. 15:14]

Ég hefði betur sagt ,,trúarleg tákn" en ekki nota orðið ,,hindurvitni" í þessu samhengi. Ég biðst afsökunar.

[Ragnhildur Kolka, 20.8.2016 kl. 15:43]

Kristni er hverfandi á Vesturlöndum, jafnvel í Bandaríkjunum sem fram að þessu hafa staðið vaktina. Trúlausir halda því fram að siðferði geti tekið við trúar hlutverkinu en það er eins og hvert annað rugl, því án trúarsetningar flýtur siðferðið eins og korktappi í beljandi fljóti; upp og niður og út á hlið.

[Jón Valur Jensson, 20.8.2016 kl. 15:56]

Kærar þakkir fyrir svarið, Páll.

[Kolbrún Hilmars, 20.8.2016 kl. 16:08]

Kristnar nunnur eru allt annað fyrirbæri en búrkuklæddar muslimskar konur.  Þær fyrrnefndu kjósa sér sjálfar það hlutskipti en hinar ekki.  

[Salmann Tamimi, 20.8.2016 kl. 16:35]

Kolbrú hvernig veistu það? Hefur hitt múslima í burkini í sund?

[Theódór Norðkvist, 20.8.2016 kl. 16:40]

Öfugt við Pál, þá fullyrði ég að einmitt afkristnun Evrópu og Vesturlanda, sé helsta ástæðan fyrir því að frumstæðir heiðingjar (múslimar) hafi flætt yfir álfuna í milljónatali.

Þær þjóðir Vesturlanda, sem hafa helst byggt á kristnum grunni, hafa notið blessunar Guðs, framar allar aðrar þjóðir, síðustu öldina. Því verður ekki neitað. Fráhvarf frá gildum kristninnar hefur breytt þeirri góðu stöðu og skapað þau vandamál sem við stöndum frammi fyrir í dag.

Alltaf þegar Ísrael Gamla testamentisins yfirgaf Guð, hleypti Hann grimmum þjóðum á þá, eða réttara sagt hætti að halda verndarhendi yfir Gyðingunum og gefa þeim sigur gegn óvinum sínum.

Kristnir menn eru í þeirri stöðu sem Gyðingar voru í þá, nokkurs konar útvaldur lýður Guðs. Meðan þeir hlýða Guði, njóta þeir velgengni, ef þeir óhlýðnast, eru þeir í basli. Eins og segir t.d. í Sálmi 81:14-15:

Ó, að lýður minn vildi heyra mig, Ísrael ganga á mínum vegum, þá,skyldi ég skjótt lægja óvini þeirra, og snúa hendi minni gegn fjendum þeirra.

[Kolbrún Hilmars, 20.8.2016 kl. 16:49]

Salmann, ég hef hvorugan hópinn hitt í sundi.  Hins vegar eru nunnur þekktar hér norður frá og aldagömul söguleg staðreynd í kristninni; þær konur sem draga sig frá veraldlegu bjástri líkt og tíbeskir munkar.
Hitt hef ég ekki heyrt að múslimskar konur geti lýst yfir slíkri einangrun og sjálfstæði með búrkunni á sama hátt.  Geta þær það? 

[Hörður Þormar, 20.8.2016 kl. 21:15]

Fyrir nokkru sá ég heimildaþátt um Martein Lúter og varð mér mjög brugðið við. Þar var dregin upp mynd af gráðugum og drykkjusjúkum hrotta sem hvatti til manndrápa og svo hryllilegra pyndinga að ekki er eftir hafandi.  Meðal fórnarlamba voru bæverskir bændur sem gerðu uppreisn gegn kúgurum sínum, og ekki má gleyma gyðingunum. En auk þess beitti hann sér fyrir ofsóknum gegn friðsömum söfnuði "Endurskírenda" og formælti vansköpuðum og þroskaheftum sem hann kallaði "djöfulsins afkvæmi".

Eftir lýsingum að dæma þá var Lúter miklu grimmari maður heldur en ,t.d. Múhameð. Munurinn er sá að allt það sem Múhameð sagði eða gerði er talið óskeikult og skyldugt til eftirbreytni, en ég held að varla nokkur "lúterskur" maður muni vilja rifja upp hatursræður Lúters, þeim er bara "sópað undir teppið".

En eitt er ekki af Lúter skafið, hann var duglegur og kjarkmikill, og hann kunni að koma fyrir sig orði á þýskri tungu.

 Flest eða öll ummæli Lúters í þættinum eru með tilvitnunum, en hann er á þýsku. Hann tekur u.þ.b. 45 mín.  Luther einmal anders - Die Dunkle Seite Martin Luthers - Dokumentation

[Salmann Tamimi, 20.8.2016 kl. 23:18]

Konur í íslam vill ekki einangrun, þær vilja taka þátt í lifinu alveg eins og karlmenn. En þær kæra sig ekki að vera berar eða halfberar á almenna færi. Þær kæra sig ekki að þeirra líkama verða til sýnis 

[Jón Valur Jensson, 20.8.2016 kl. 23:32]

Báðu þær þig að tala hér fyrir sína hönd, Salmann?

[Salmann Tamimi, 20.8.2016 kl. 23:34]

Kolbrún, þetta er réttindi kvenna í íslam

https://www.theodysseyonline.com/5-rights-islam-gave-women-before-western-feminism

[Salmann Tamimi, 21.8.2016 kl. 00:09]

Jon valur ég þekkja islam og múslima ekki eins og þú

[Helga Kristjánsdóttir, 21.8.2016 kl. 00:27]

Hver byrjaði að nefna múslima í sundi? Salmann það er mikill munur á berum og hálfberum konum og síðan kappklæddum,hverra trúar sem þær eru. Ég elska minn leiðtoga sjálfan Jésús Krist.

[Hörður Þormar, 21.8.2016 kl. 09:39]

Salman Tamini, hér er viðtal við Hamed Abdel-Samad. Ég þori að fullyrða að hann þekkir islam eins vel og þú: Islam Facing Modernity