Vinstriflokkarnir: útlend hraðbraut inn í landhelgina

Vinstriflokkarnir og Viðreisn vilja setja fiskveiðiauðlindina í alþjóðlegt uppboð. Færeyingar gerðu tilraun með slíkt uppboð og niðurstaðan liggur fyrir. Alþjóðlegt uppboð á fiskveiðiheimildum þýðir hraðbraut útlendinga inn í fiskveiðilandhelgina.

Vinstriflokkarnir reyndu síðasta kjörtímabil, í tíð ríkisstjórnar Jóhönnu Sig., að færa landhelgina undir yfirráð Evrópusambandsins. Nú skal selja landhelgina til hæstbjóðenda.

Næstu þingkosningar snúast um efnahagslegt fullveldi Íslands. Þar verða skýrir valkostir.

Vonir landsstjórnar brugðust

Athugasemdir

[Kolbrún Hilmars, 3.8.2016 kl. 14:13]

Færeyingar hafa nú sannað það hvað gerist ef lifibrauðið er selt hæstbjóðanda.  Á endanum verða alltaf þeir ríku ríkari og voldugri - en eflaust yrði það landanum nokkur sárabót ef þeir væru bara erlendir. 
Það er eitthvað svo íslenskt að vilja alltaf vera  blankur og undirdánugur. :)

[Sigfús Ómar Höskuldsson, 3.8.2016 kl. 17:43]

Erfitt að sjá hvert höfundur eru að fara með þessu pári sínu. Það má skilja það þannig að svo lengi sem Hansakaupmennirnir séu "íslenskir" þá sé það betra en ef þeir sem gætu átt vöndinn komið frá "útlöndum" þá séu þeir verri. Mikilvægt að höfundur ( sá hinn sami sem kom í veg fyrir ásamt öðrum til, að starfsmenn RÚV gæti tjáð sig á netinu, að mínu mati) átti sig á því að þeir sem nýta auðlindir þjóðar í dag eru ekkert sérlega ærlegir eða "góðir" við íslenska neytendur eða starfsmenn, að mínu mati. Eins er fiskverði hér á landi haldið uppi af fákeppni og því mun það ekki skipta máli fyrir hinn íslenska "matardisk" hvort ýsan er veidd af spænskum togara, í eigu og rekstri hollensks aðila eða að dallurinn sé frá Akureyri. Hér er því höfundur fastur í heimahögum , að allt sé bezt á stórasta landinu. Því fer hinsvegar fjarri, enda sjá það allir sem vilja sjá. Höfundur gæti verið staurblindur að mínu mati.

[Rauða Ljónið, 3.8.2016 kl. 23:47]

http://bjarnijonsson.blog.is/blog/bjarnijonsson/entry/2177545/

[Rauða Ljónið, 3.8.2016 kl. 23:48]

"Færeyingar hafa staðið í dýrkeyptri tilraunastarfsemi með fiskveiðistjórnunarkerfi sitt.  Þeir reyndu sóknarmarkskerfi um hríð, en það leiddi til ofveiði og mikils útgerðarkostnaðar, auk þess sem viðskiptavinir sátu alloft á hakanum vegna ójafns frálags útgerðanna.

Nú hafa Færeyingar farið inn á nýja braut í þessum efnum að sögn Torheðins J. Jensens á www.vp.fo.  Öll varnaðarorð hérlendra manna og gagnrýni á hugmyndir um s.k. "uppboðsleið" fyrir aflaheimildir hafa rætzt samkvæmt frásögn Torheðins. 

Fjársterkir aðilar hirtu aflaheimildirnar á uppboðunum, og þau reyndust "hraðbraut" fyrir erlent auðvald inn í færeyska sjávarútveginn.  Engin nýliðun átti sér stað, því að þeir, sem hrepptu aflaheimildirnar, stunda allir fiskveiðar nú þegar á grundvelli eigin aflaheimilda. 

Hér er tilvitnun í Torheðin:

"Það, að þetta mikla söluandvirði [3,65 DKK/kg af makríl - innsk. BJo] endi allt í ríkiskassanum, verður aðeins staðreynd í skamman tíma, því að þegar þeir fjársterkustu hafa sigrazt á veikari félögunum, hverfur uppboðsverðið aftur niður í lægri fjárhæðir, því að enginn verður til að bjóða á móti."

Þetta er ógeðslegt kerfi spákaupmennsku, og færeyska ríkið mun ekki ríða feitu hrossi frá þessum viðskiptum, því að það fær ekki tekjuskatt af þeim erlendu fyrirtækjum, sem hrepptu hnossið, og vinnan við aflann kann að flytjast frá Færeyjum í einhverjum mæli.  Frá sjónarmiði fjölbreytilegs og sjálfbærs sjávarútvegs og frá langtímasjónarmiðum um tekjur hins opinbera af auðlindinni, sem koma víða að, ef allt er með felldu, þá er þetta dauðadæmt fyrirkomulag.

Uppgjör útgerðar, sem keypti aflahlutdeild á téðu makrílsuppboði, lítur þannig út, samkvæmt Torheðni:

• Sölutekjur skips:   6,50 DKK/kg (116 ISK/kg)

• Kvótakaup:          3,65 DKK/kg = 56 % af söluverði

• Laun:               1,95 DKK/kg = 30 %

• Olía:               0,25 DKK/kg =  4 %

• Rek.,afsk.,o.a.     0,65 DKK/kg = 10 %

Síðasti liðurinn í þessu tekju- og kostnaðaryfirliti gefur til kynna mikið tap á rekstrinum, sem helgast af því, að til kvótakaupanna fer a.m.k. tíföld sú upphæð, sem nokkur glóra er í.  Lítil útgerð, sem þannig mundi haga sér, færi strax á hausinn.  Eins og Torheðinn segir, munu hákarlarnir strax lækka sig, þegar þeir hafa drepið af sér samkeppnina.  Þess konar hugmyndafræði á engan rétt á sér í íslenzkan sjávarútveg né annars staðar.  Þessi tilraunastarfsemi var óþörf og skaðleg, en fróðlegt verður að fylgjast með framhaldinu.
http://bjarnijonsson.blog.is/blog/bjarnijonsson/entry/2177545/#comment3629728