Múslímsk hraðferð fjöldamorðingja

Glæpamenn með sjálfsmorðshneigð fá innblástur úr múslímatrú til fjöldamorða. Hófsamir múslímar viðurkenna þetta sjúklega einkenni múslímatrúar. Maajid Nawas biður fólk að horfast í augu viðurstyggðarinnar sem mælir fjöldamorðum bót.

Múslímski hryðjuverkamaðurinn í Nice er með sömu einkenni og ýmsir aðrir múslímskir fjöldamorðingjar. Glæpamenn sem komnir eru í öngstræti með líf sitt sækja sér háleit markmið í múslímatrú og tryggja sér sælu í paradís með fjöldamorðum.

Fjöldamorðinginn í Nice skipulagði ódæðið á yfirvegaðan hátt. Samkvæmt FAZ fór hann tvisvar í könnunarleiðangur um strandgötuna þar sem hann á Bastilludag keyrði niður yfir 300 manns og drap 84. Mohamed Lahouaiej-Bouhlel vissi að hann kæmist ekki lífs frá verknaðinum og gerði m.a. þær ráðstafanir að senda peninga, sem enginn vissi að hann ætti, til fjölskyldu sinnar í Túnis.

Í fréttaskýringu Guardian kemur fram að Hollande Frakklandsforseti setti á laggirnar sérstakt ráðuneyti til að hjálpa fórnarlömbum múslímskra hryðjuverkamanna. Hlutfall múslíma af íbúum Frakklands er um tíu prósent. Þau 90 prósent Frakka, sem ekki eru múslímar, fá sérstakt ráðuneyti fórnarlamba múslímskra hryðjuverkamanna. Á meðan láta flestir múslímar eins og ekkert hafi í skorist - og sumir eru svo ósvífnir að kalla múslímatrú friðelskandi.

Öfgamaður á nokkrum mánuðum

Athugasemdir

[Ómar Ragnarsson, 17.7.2016 kl. 13:10]

Muhammad Ali var svo "ósvífinn að kalla músímatrú friðelskandi" þegar fangelsisdómur yfir honum vegna neitunar að gegna herþjónustu af trúarástæðum var tekinn fyrir hjá Hæstarétti Bandaríkjanna. 

Hæstiréttur féllst á rök Alis og sýknaði hann. Geturðu útskýrt hvers vegna hann gerði það?

[Jón Bjarni, 17.7.2016 kl. 13:25]

Svo var þessi maður lítið annað en þunglyndissjúklingur með lífið á hælunum sem sá þarna tækifæri og greip það. Mætti ekki í Mosku, borðaði svínakjöt og drakk ásamt því að neita eiturlyfja

[Ásgrímur Hartmannsson, 17.7.2016 kl. 14:43]

 Ég er að bíða eftir að Frakkar geri eitthvað til að stemma stigu við þessari bylgju trukkaofbeldis sem nú gengur yfir landið.

Það er fjöldinn allur af þessum drápsvélum úti um allt hja´þeim, og hvaða bjáni sem er hefur að þeim aðgang.