Guðni Th. á hálum ís: álitsgjafi er lélegur forseti

Guðni Th. Jóhannesson var kosinn forseti vegna þess að hann var snjall álitsgjafi og háði árangursríka kosningabaráttu í vörn fyrir pólitískar yfirlýsingar er hann hafði áður gefið.

Það er ekki snjallt hjá Guðna að snúa vörn í sókn eftir forsetakjörið og taka upp fyrri ósiði í póltískum hráskinnaleik.

Ef Guðni Th. ætlar ekki að vera síðasti forseti lýðveldisins væri honum sæmara að tileinka sér virðingu fyrir ríkjandi stjórnskipum og halda kjafti um þau mál sem honum koma ekki við.

Mátti reyna að leita annarra leiða

Athugasemdir

[Jónas Ómar Snorrason, 3.7.2016 kl. 08:15]

Vona að að svona tal verði ekki forsmekkurinn að tali þínu um Guðna í framtíðini Páll. Þér færi það afar illa á alla vegu.

[Theódór Norðkvist, 3.7.2016 kl. 09:02]

Af hverju telurðu að Guðni Th hafi verið snjall álitsgjafi og háð árangursríka kosningabaráttu í vörn fyrir fyrri pólitískar yfirlýsingar? Hann ýmist laug, sneri út úr eigin orðum, kvartaði undan ósanngirni, eða lét ekki ná í sig, í "vörn" sinni vegna yfirlýsinga um Icesave, þorskastríðin, eða innflytjendamál. Eins og svo oft áður voru kjósendur nógu vitlausir til að kjósa hann, að því er virðist af einhverjum blindum trúarhita.

[Sandy, 3.7.2016 kl. 09:52]

Ég get verið sammála því að betra er að gæta tungu sinnar,við eigum fullt af orðum í íslenskri tungu sem ná yfir sömu meiningu en eru ekki eins áberandi ljót. Hins vegar er ég sammála Páli í því að ef Guðni vill láta skrá sig í söguna sem góður forseti þá tekur hann ekki svo afgerandi afstöðu með hópi fólks sem hindrar lögregluna í sínum störfum.

Eftir því sem ég kemst næst var búið að úrskurða í málefnum þessara hælisleitenda og því er spurningin sú, hvernig þessum presti dettur í hug að læsa sig inni í kirkjunni þó það sé með stuðningi biskups og koma þannig í veg fyrir að lögreglan geti unnið sín störf.Ég myndi mæla með að ef prestur og biskup vilja stunda trúboð ættu þær að velja annan stað til þess.

[Elle_, 3.7.2016 kl. 11:39]

Páll skrifaði: "Ef Guðni Th. ætlar ekki að vera síðasti forseti lýðveldisins -"

Presturinn í Laugarneskirkju verndar lögbrjóta.  Og ekki í fyrsta sinn.  Vonandi verður presturinn sjálfur fjarlægður úr kirkjunni af yfirvöldum.

[Helga Kristjánsdóttir, 3.7.2016 kl. 20:02]

Tek undir það Elle mín,þú ert alltaf svo réttsýn.

[Skeggi Skaftason, 5.7.2016 kl. 00:04]

Hugguleg kveðja frá einni helstu málpípu vonda fólksins á Íslandi sem segir að nýkjörinn foresti eigi að halda kjafti.

Liggur svona andskoti illa á ykkur eftir stórtap ykkar frambjóðanda?

[Anna Sigríður Guðmundsdóttir, 5.7.2016 kl. 01:32]

Kirkjan á að vera skjól fyrir alla, og yfir allar deilur hafin.

Hlutverk kirkjunnar er að vera verndari friðar og kærleika, óháð pólitík og stjórnmálavalds-skoðunum. Eða því hef ég alla tíð trúað.

Hvers virði er kirkjan, ef hún veitir ekki öllu ólíku og illa stöddu fólki vernd og skjól? Verðbréfa-kaupmanna-svikanna kauphallarskjól kannski?

Guð hjálpi ólíku fólki heimsins.

M.b.kv.

[Elle_, 5.7.2016 kl. 15:23]

Hví erum við með lög, Anna Sigríður?  Það er fráleitt tal að kirkjan eigi að vernda alla og líka lögbrjóta sem brjóta á öðrum.