Bjarni Ben, RÚV og hjónaband í helvíti

RÚV sýndi í gærkvöldi áróðursþátt gegn krónunni. Bjarni Benediktsson fjármálaráðherra setti af því tilefni inn færslu á fésbók sem fylgir hér að neðan.

Áróðurinn gegn krónunni byggir á þeirri forsendu að Íslendingar væru betur settir með evru í stað krónu. Í Bretlandi er umræða um hvort landið skuli halda áfram aðild að Evrópusambandinu. Einn þeirra sem tekur þátt í umræðunni, og vill að Bretar hafni ESB-aðild, er Roger Bootle. Hann vekur athygli á þeirri staðreynd að jafnvel þeir sem vilja Bretland áfram í ESB vilja alls ekki taka upp evruna.

Ástæðan er sú, segir Bootle, er að evran er hjónaband búið til í helvíti. Ábyrgaðlausir embættismenn í Brussel bjuggu til evruna í því skyni að þvinga fram pólitískan samruna Evrópuþjóða. Evran verður aldrei starfhæfur gjaldmiðill nema innan vébanda Stór-Evrópu, þar sem saman fer miðstýring ríkisfjármála og einn gjaldmiðill. Evran mun einfaldlega ekki standast sem gjaldmiðill án Stór-Evrópuríkis. Spurningin er aðeins hvenær og hvernig evran splundrast.

Ísland með sjálfstæðan gjaldmiðil, krónuna, stendur öllum evru-ríkjum framar í ríkisfjármálum af þeirri ástæðu að krónan endurspeglar íslenska hagkerfið; hún hækkar og lækkar í takt við íslenskt atvinnulíf. Krónan er ómissandi til að bregðast við aðstæðum hér á landi. Evran getur aldrei orðið slíkur gjaldmiðill.

Fésbókar færsla Bjarna Ben í tilefni af áróðursþætti RÚV um krónuna:

,,Það er sérstök upplifun að sitja hér á Alþingi í kvöld á sunnudagskvöldi þar sem við tökum stórt skref í átt til losunar hafta. Í matsalnum er hægt að horfa á þátt Ríkisútvarpsins um íslensku krónuna. Svo virðist sem mörg viðtöl í þættinum séu tekin fyrir einhverjum misserum, jafnvel árum, en að uppistöðu til voru viðmælendur með þann boðskap að krónan væri okkar bölvun.

Með öllu skorti á að sýna þann ávinning sem sjálfstæði í gjaldmiðilsmálum hefur fært okkur:

1. Samkeppnisstaða Íslands varð betri eftir hrun með veikari gjaldmiðli. Hinn valkosturinn hefði verið stórkostlegt atvinnuleysi.
2. Neyðarlögin hefðu verið óhugsandi án sjálfstæðis í gjaldmiðilsmálum og afar mikilvægt var að standa utan ESB og evru. Þetta var grundvöllur þess hvernig við tókum á föllnum fjármálafyrirtækjum.
3. Hrein erlend staða þjóðarbúsins hefur ekki verið betri í áratugi.
4. Hér er atvinnuleysi um 3%, hvergi lægra í Evrópu.
5. Við upplifum nú lengsta samfellda hagvaxtarskeið seinni tíma.
6. Skuldir ríkisins fara ört lækkandi.
7. Skuldir heimilanna hafa ekki verið lægri síðan fyrir aldamót.
8. Verðbólga er 1,6%.
9. Hér er umtalsverður viðskiptajöfnuður og gjaldeyrisforði mikill að byggjast upp.
10. Kaupmáttur launa hefur vaxið um 11% síðasta árið.

Ég spyr mig að því hvort hér hafi önnur hlið málsins verið dregin upp á Ríkisútvarpinu og næst komi þátturinn Hin hliðin."

Hvað felst í aflandskrónulögunum?

Athugasemdir

[Helga Kristjánsdóttir, 23.5.2016 kl. 13:42]

Úr dagbókarfærslu Bjarna Benedikts:                                      "Svo virðist sem mörg viðtöl í þættinum

séu tekin fyrir einhverjum misserum,jafnvel árum" 

Metnaðarfullt framtak ríkisútvarpsins!!!!

[Hrossabrestur, 23.5.2016 kl. 20:29]

Það er með ólíkindum hvað þessi stofnun RUV kemst upp með einhliða áróður, og ótrúlegt hvað stjórnvöld virðast kjarklaus að fást við þetta lið sem þar veður óneitanlega uppi í einhliða áróðri og árasum á fólk sem ekki er ekki á sömu pólitísku línu.

[Sigfús Ómar Höskuldsson, 23.5.2016 kl. 22:23]

Nú úr þvi að ég er her, þá er eðlilegt að þakka höfundi fyrir að ná markmiði sínu, að koma í veg fyrir, með,fulltingi ráðherra frelsisflokksins,að múlbinda starfsfólk RÚV. Vel gert Páll.

Að öðru, merkilegt hvað margir kjósa að pára hér í nafnleysi og öðrum feluleik.

liklega þora menn og konur ekki að koma hér undir nafni, enda skrýtin æfingastaður.

RÚV er flott.

Lengi lifi Guðni TH.

[Helga Kristjánsdóttir, 23.5.2016 kl. 23:19]

 Það er þá rökrétt að fullyrða að blessað Rúfið dregur ykkar taum Sigfús, annars værirðu ekki að dásama það?-- Það eru ótal ástæður fyrir leynd bloggara með heiti sitt,en þori að fullyrða að hræðsla við ykkur er alls engin ástæða. 

Hvað brennur svona á þér með ehv. múlbindingu starfsfólks RÚV?Játa fávísi mína í þeim efnum.