Ríkið ráðist á náttúruna til að forða umhverfisslysi

Náttúran gefur og tekur. Fáir ættu að vita það betur en Íslendingar. Öld fram af öld var hér ýmist hallæri eða góðæri eftir duttlungum náttúrunnar. Í meðalárum sagði fátt af náttúrulegum öfgum, eðli málsins samkvæmt.

Það telst varla umhverfisslys þegar náttúrulegar breytingar verða á straumvatni. Nema, auðvitað, ef í hlut eiga hagsmunaaðilar er tapa á náttúrulegum sveiflum.

Ríkinu er ætlað að grípa inn í náttúrulega ferla til að tryggja afkomu veiðifélags. Nokkuð langt gengið þar í ríkisvæðingu náttúrunnar.

Lækir eru að þorna upp

Athugasemdir

[Þorsteinn H. Gunnarsson, 13.5.2016 kl. 10:36]

Ætli það sé ekki best að leyfa náttúrinn að ráð sér sem mest sjálfri, ef maðurinn hefur ekki verið með íhlutun á svæðinu?

Öðru máli gegnir við Mývatn, þó engin viti raunverulega hvað er að gerast þar, Þó leiða megi getum að því að ástæðan sé með einhverjum hætti tengd fótsporum mannsins.

Ég held að náttúran aðlagi sig alltaf og hún er síbreytileg.

[Aztec, 13.5.2016 kl. 12:20]

Þorsteinn, það sem hefur gerzt við Mývatn, er að skólpi hefur verið veitt óhreisuðu í vatnið árum saman, eins og alls staðar annars staðar á Íslandi. Annars staðar í Evrópu er skólpvatn hreinsað kemískt og líffræðilega, en hér á landi eru aðeins klósettpappír og túrtappar síað frá, restinni af skólpinu, fullu af mannaskít og öðrum óþverra dælt í vötn, læki og firði. Í þessu tilviki eru Íslendingar mestu umhverfissóðar á Vesturlöndum. Engin furða þótt Mývatn sé orðið að baneitraðri og súrefnissnauðri þörungasúpu.

45 árum eftir að Ómar Ragnarsson sýndi í sjónvarpinu hvernig fjaran við Skerjafjörðinn væri full af skólpi hefur enn ekkert gerzt. Allir firðir, vötn og lækir nálægt byggð á Íslandi eru menguð og ekkert er að gert, en svokallaðir umhverfisverndarsinnar fá móðursýkiskast ef hróflað er við urði og grjóti einhvers staðar á hálendinu. Stórfurðulegt.

- Pétur D.

[Ragnhildur Kolka, 13.5.2016 kl. 13:24]

Sama forræðishyggjan þarna á ferð og sem meinar landeigendum að taka gjald fyrir átroðning ferðamanna til að verja eigur sínar, nema með öfugum formerkjum.

"ríkið, ríkið ríkið þér lútum vér."