Mótmælandi staðfestir greiningu Brynjars

Brynjar Níelsson birti greiningu á óreiðufólkinu sem elur á óeiningu og ófriði í samfélaginu. Kunn klappstýra óreiðufólksins á blogginu, G. Pétur, staðfestir greiningu Brynjars.

G. Pétur spyr hvort íslensku þjóðinni sé viðbjargandi. Tilefnið er að laugardagsmótmælin á Austurvelli fóru út um þúfur vegna fámennis. Líkt og Brynjar rekur þvælir G. Pétur aðskiljanlegustu málum í einn graut, gerir ekki greinarmun á þingkosningum og forsetakjöri og lætur eins og þingkosningar strax sé lausnarorðið fyrir öll mannanna mein.

G. Pétur er dæmigerð útgáfa: blaðamaður á Þjóðviljanum, fréttamaður á RÚV og núna opinber starfsmaður. Honum finnst allt í lagi að vera á framfæri þjóðarinnar sem hann níðir skóinn af.

Lokaorðin hans í bloggpistlinum eru þessi: ,,Ef þjóðin vill þetta hinsvegar, hvað er þá til ráða? Flytja úr landi?"

Farið hefur fé betra.

Athugasemdir

[Magnús Helgi Björgvinsson, 7.5.2016 kl. 23:54]

Eru kennarar ekki líka á framfæri þjóðarinnar og þar á meðal G.Pétri sem Páll  ert að nýða skóinn af? Finnst nú ekki gáfulegt að opinber starfsmaður skuli láta svona eins Páll út í aðraa opinbera starfsmenn. Held að G. Pétur megi nú hafa skoðanir alveg eins og Páll Vilhjálmsson sem hamaðist gegn fyrri ríkisstjórn verandi opinber starfsmaður þá væntanlega.

[Ragnhildur Kolka, 8.5.2016 kl. 00:38]

Páll er þjóðhollur maður sem aldrei myndi gera sig sekan um innantómar hótanir. Hann flúði ekki land meðan óþurftastjórn Jóhönnu sat hér við völd heldur beit í skjaldarrendur og stóð af sér storminn.

[Helga Kristjánsdóttir, 8.5.2016 kl. 00:56]

En aðrir leita heim eftir fordæmingar á þjóð sinni. Smiður búsettur um þó nokkurn tíma á Spáni,flutti til Noregs og hefur ekki fengið vinnu þar síðan fyrir jól.Kominn heim í bullandi vinnu og lítur hýru auga á landsbyggðina. 

[Elle_, 8.5.2016 kl. 10:29]

Hinn vegvillti G. Pétur fór mikinn og kallaði forsetann lygara og aftur lygara.  Næst var hann kominn í dómarasæti yfir heilum fjölskyldum, manni væri alls ekki sætt í embætti vegna ættmenna sem eigi peninga í útlöndum.  Galið.