RÚV fær Árna Pál til að skipta um skoðun milli viðtala

RÚV-herferðin gegn forsætisráðherra tekur á sig kynlegar myndir. Árni Páll Árnason, formaður Samfylkingar, var kallaður í viðtal sl. mánudag. Þar sagði Árni Páll að ,,stóra spurningin" væri ,,hvort forystumenn deildu ekki kjörum með þjóðinni."

Gott og vel, formaður jafnaðarmannaflokks vill ekki að fólk eigi meiri peninga en nemur meðaltali. Það er sjónarmið út af fyrir sig.

Árni sagði ekki eitt aukatekið orð um mögulegt vanhæfi forsætisráðherra í viðtalinu sl. mánudag.

Í kvöld finnst RÚV kominn tími á annan snúning á forsætisráðherra og kallar Árna Pál til vitnis. Fyrirsögnin er: Allt bendi til vanhæfis forsætisráðherra.

Á mánudag dettur Árna Páli ekki í hug vanhæfi. RÚV klukkar Árna Pál á fimmtudegi og vill fá yfirlýsingu um vanhæfi. Árni Páll spilar með. Annars kæmist hann ekki í viðtal á RÚV.

 

 

Athugasemdir

[Helga Kristjánsdóttir, 25.3.2016 kl. 00:35]

Þetta er veruleikinn sem við búum við,Rúv.ræður yfir stóru fallbyssunni og fretar á óvini sína í hverjum fréttatíma.Þetta áróðurstæki Samfylkingar blæs þeim í brjóst voninni um stóra drauminn, skattfrjálsu ofurlaunin hjá ESb. Það linnir ekki skotunum á Sigmund,af því að hann er snjall og heftir framgang Samfó,eins og sjá má í könnunum.

[Jón Steinar Ragnarsson, 25.3.2016 kl. 01:54]

Hvað rukkaði Árni aftur fyrir ráðgjöf sína til sjálfs sín í síðustu ríkistjórn? :)

[Wilhelm Emilsson, 25.3.2016 kl. 05:20]

Ekki-Baugsmiðla-herferðin gegn RÚV tekur á sig kynlegar myndir.

[Hrólfur Þ Hraundal, 25.3.2016 kl. 07:55]

Tek hér undir mál Páls og Helgu.  Við sem borgum málgagn samfylkingarinnar erum  dæmd til að tapa.