Múslímatrú gefur glæpamönnum tilgang

Hryðjuverkamennirnir í Brussel voru ,,góðkunningjar lögreglunnar" - menn sem voru réttir og sléttir þjófar og glæpamenn áður en þeir drápu í nafni trúar. Múslímarnir sem réðust inn á ritstjórnarskrifstofur Charlie Hebdo voru með sama bakgrunn; glæpamenn sem snerust til öfgatrúar og myrtu saklaust fólk.

Múslímski Daninn, Omar El-Hussein, sem sallaði niður saklaust fólk á götum Kaupmannahafnar er sama manngerðin. Fyrst glæpir, síðan trúarleg morð.

Múslímatrú brúar bilið á milli þjófa og morðingja. Múslímatrú gefur misheppnuðu fólki tækifæri til sjálfsupphafningar með fjöldamorðum á vantrúuðum.

Allir múslímsku morðingjarnir, sem taldir eru upp hér að ofan, eru fóstraðir og aldir upp í vestrænum ríkjum, Danmörku, Belgíu og Frakklandi. Múslímar komast upp með að viðhalda og rækta trúarmenningu sína í nafni fjölmenningar. Þar með girða þeir fyrir aðlögun að vestrænum lífsháttum. Og til að gera illt verra bjóða múslímar upp á trúarlega réttlætingu fyrir morðum á vantrúuðum,  þ.e. öllum sem ekki eru múslímar.

Múslímaklerkar vítt og breitt um Evrópu réttlæta og hvetja til hryðjuverka. Reynslan sýnir, núna síðast í Brussel, að trúin er múslímskum glæpamönnum hvatning til að leika guð: ákveða hverjir skulu deyja.

 

Bræður sprengdu sig upp

Athugasemdir

[Jón Bjarni, 23.3.2016 kl. 12:12]

Hér er listi yfir hryðjuverk í Evrópu frá árinu 1970

https://www.statista.com/chart/4093/people-killed-by-terrorist-attacks-in-western-europe-since-1970/

Hvaða trú gaf tilgang fyrir hryðjuverkum í Bretlandi á áttunda og níunda áratugnum Páll?

https://www.statista.com/chart/4094/number-of-persons-killed-by-terrorist-attacks-in-iraq-afghanistan-pakistan-et-al/

Hér er svo listi yfir hryðjuverkaárásir frá 2001.. hverrar trúar eru flest fórnarlömb þessara árása?

[Páll Vilhjálmsson, 23.3.2016 kl. 13:24]

Talandi um lista. Hér er listi úr FAZ um hryðjuverk Ríkis íslams,

http://www.faz.net/aktuell/politik/kampf-gegen-den-terror/is-gepraegte-terroranschlaege-13996446.html#

[Benedikt Halldórsson, 23.3.2016 kl. 23:12]

Milli seinni heimsstyrjaldar og Írönsku byltingarinnar voru engar sjálfsvígsárásir í heiminum, aðeins hefðbundin hryðjuverk. Markmið hryðjuverkamanna var og er að drepa og komast sjálfir lífs af. Aðeins mánuði eftir valdatöku Ayatollah Khomeinis er talið að fyrsta sjálfsvígsárásin hafi átt sér stað. Fyrst í Líbanon og svo Íran-Írak stríðinu. Komeini sannfærði (shita) múslíma um að sjálfsvíg (í göfugum tilgangi) væri í raun ekki sjálfsvíg en fram að þeim tíma töldu múslímar að Kóraninn bannaði sjálfsvíg. Með klókindum og propaganda sannfærði hann múslíma (fórnarlömb sín) um að dauðinn væri í raun ekki dauði (undir vissum kringumstæðum). Hann byggði upp dauðamenningu píslarvættis sem heimurinn á ekkert svar við nema þá helst að stinga hausnum í sandinn. Þúsundum barna var fórnað fyrir þessa dauðans uppfinningu Komeinis sem smátt og smátt breiddist út eins og eldur í sinu út um allan hin múslímska heim.

Seinna tóku Palestínumenn (sunni múslímar) að beita þessu vopni með "góðum" árangri og fá mikinn og góðan stuðning á vesturlöndum! Smátt og smátt urðu sjálfsvígsárásir beittasta vopn múslímskra hryðjuverkasamtaka út um allan heim. Án trúar myndi engin sprengja sig í loft upp. Aðeins sannfæring um eilíft líf fær fólk til að drepa sig og aðra í leiðinni. 

Lögregla og yfirvöld ráða ágætlega við hefðbundin hryðjuverk en standa ráðþrota gagnvart trúarlegum sjálfsvigsárásum vegna þess að elítan vill ekki tengja Íslam við sjálfsvígsárásir! Þær skulu skilgreindar sem hryðjuverkaárásir og ekkert annað.