Múslímavæðing Evrópu: harkan sigrar mýktina

Gagnrýnin bók á múhameðstrú er ein söluhæsta fagbókin í Noregi í ár. Höfundurinn Hege Storhaug segir í viðtali við Aftenposten: múslímsk gildi eru hörð en okkar mjúk. Hörðu gildin sigra.

Björn Bjarnason segir frá tilraunum danskra yfirvalda að halda á lofti dönskum menningarverðmætum. Góða fólkið með mjúku gildin gagnrýnir slíka tilburði með þeim rökum að dönsk menning ,,ögri" menningu innflytjenda.

Prófessor Robert Skidelsky segir meginhvata múslímavæðingar Evrópu vera vestrænt skilningsleysi á trúarfestu múslíma sem ráði ferðinni andspænis vestrænni veraldarhyggju.

Múslímar aðlagast ekki vestrænni menningu. Frjálslynda vestræna hefðin á engin svör við múslímavæðingu Evrópu. Evrópskur almenningur snýr sér til harðari pólitískra gilda sem veita þeim múslímsku viðnám. Trúarharka kallar á pólitíska hörku.

Athugasemdir

[Hörður Þormar, 26.12.2015 kl. 18:37]

Ég ætla enn einu sinni að vekja athygli á egypska rithöfundinum Hamed Abdel-Samad sem fluttist ungur til Þýskalands sem sannfærður múslimi. Hann var alinn upp í strangri trú, lærði Kóraninn utan bókar í æsku, enda var faðir hans imam.

Í Þýskalandi snérist hann til "skynsemistrúar" eins og hann orðar það og hefur skrifað nokkrar bækur þar sem hann gagnrýnir Islam mjög harkalega, auk þess sem hann hefur oft komið fram í fjölmiðlum.

Er hann einn skæðasti gagnrýnandi á Islam sem ég veit um enda hefur hann þar mikla þekkingu. Hann sýnir m.a. fram á að hryðjuverk islamista séu í fullu samræmi við boðskap og gerðir Múhameðs spámanns.

Lítið sem ekkert hefur verið fjallað um þennan mann né bækur hans hér á landi. Hafa íslenskir fjölmiðlar kannski einungis aðgang að ensku fréttaefni?

[Hrólfur Þ Hraundal, 26.12.2015 kl. 23:18]

Engin vill viðurkenna að vera áhrifagarn en reyndin er að ein kerling sem hugsar með hjartanu getur haft áhrif á fjölda mans jafn vel þó það noti heilan af og til.

 Fjölmiðlar eru verndarar innflytjenda af öðrum kynstofnum en hér voru fyrir, með fáum undantekningum og í slíkum hópi njóta hjarta hugsuðir sín vel. 

Og fjölmiðillinn sem þarf ekki að bera sig vegna ráðstjórnar tilburða manna sem þykjast vera fulltrúar Íslendinga en eru aðeins sínir eigin fulltrúar vegna þess að þeir þora ekki öðru, hann er bara fjölmiðill Icesave liðsins. 

[Jón Valur Jensson, 27.12.2015 kl. 01:49]

Það væri fengur að fá einhverja góða bók egypzka rithöfundarins Hameds Abdel-Samad þýdda á íslenzku.

En eftir Hege Storhaug eigum við nú þegar frábærlega upplýsandi bók: Dýrmætast er frelsið. Innflytjendastefna og afleiðingar hennar, í mjög góðri þýðingu Magnúsar Þórs Hafsteinssonar, fv. alþm. og sjómanns, en vel heppnaður rithöfundur er hann nú á seinni árum (ritar t.d. um skipalestirnar frá Ameríku til Rússlands, mikla dramatík, en vel unnið efni úr margvíslegum heimildum). Dýrmætast er frelsið er 359 bls. kilja sem kom út hjá Bókafél. Uglu 2008. Hjá sama forlagi er hægt að fá bókina Islamistar og naívistar, eftir mjög hæfa Dani, Karen Jespersen og Ralf Pittelkow. Kiljan sú er 264 bl.

[Jónas Gunnlaugsson, 27.12.2015 kl. 11:14]

Þakka þér góða fræðslu Páll Vilhjálmsson

Að gefa Guði á kjaftinn.

Ég fór að hugsa um þetta sem skáldið sagði um mýktina.

Hvað var mörgum börnum eytt vegna óöryggis hjá fjölskyldunum?

Er eitthvað mjúkt við það að fjárfestar á Íslandi, hirtu íbúðirnar frá fjölskyldunum með kreppufléttunni?

Er eitthvað mjúkt  við það að eyða einum fimmta eða einum fjórða af fóstrunum?

Er eitthvað mjúkt við það að Evrópsk menning, viti ekki að hún er að eyða íbúum Evrópu?

Er  eitthvað mjúkt við það að menning Evrópu sé orðin Guðlaus?

Er eitthvað mjúkt við það að önnur menning komi og fylli Evrópu af fólki?

Hefur Evrópa tínt vitinu?

Hvar eru menntastofnanirnar?

Hver er leiðin til baka, til Guðs?

Auðvitað, vita allir það.

Egilsstaðir, 27.12.2015  Jónas Gunnlaugsson

[Jón Valur Jensson, 27.12.2015 kl. 14:03]

Já, Jónas, Evrópa hefur týnt vitinu.

Og bezta leiðin til baka er sú, sem er leiðin til Guðs.