Múslímskt réttlæti: grýtt til bana vegna framhjáhalds

Í Sádí-Arabíu eru konur dæmdar til að vera grýttar til dauða, fái þær dóm fyrir hjúskaparbrot. Sádí-Arabía stundar ríkisrekna miðaldatúlkun á texta spámannsins og trúarlög eru viðurkennd landslög.

Sádar stunda skipulagðan og stórfelldan útflutning á miðaldaboðskap sem nærir trúaröfga og hryðjuverkamenn nota til réttlætingar á voðaverkum gegn saklausum. Sigmar Gabríel, varakanslari Þýskalands og leiðtogi sósíaldemókrata þar í landi, er einn af mörgum sem fordæma útflutning Sáda.

Á Íslandi ætlar góða fólkið að leyfa byggingu mosku fyrir sádí-arabískt fé, rétt eins og um væri að ræða skátaheimili.

Verður grýtt til bana fyrir hjúskaparbrot

Athugasemdir

[Mofi, 7.12.2015 kl. 16:15]

Það sem fólk virðist ekki alveg vera að skilja er að svona varúðarorð eru ekki á móti einhverjum slæmum eplum meðal múslíma heldur vegna heilu landanna sem hafa allt aðra hugmyndafræði þegar kemur að lýðræði og mannréttindum.

[Elle_, 7.12.2015 kl. 17:19]

Eins og ég skil það eru varúðarorðin ætluð öllum öðrum en þeim.  Það þýðir ekki mikið að ræða við öfgamennina sjálfa.   

[Kolbrún Hilmars, 7.12.2015 kl. 18:32]

Eru Sádar ekki viðurkenndir sem fremstir meðal jafningja í mannréttindamálum?  Svo sem staða þeirra í þeirri deild Sameinuðu þjóðanna staðfestir. 
Aðeins eðlilegt að allt gott fólk taki þá til fyrirmyndar.
Sérstaklega konur og öðruvísi.

[Ómar Bjarki Kristjánsson, 7.12.2015 kl. 18:48]

Þetta er eitt helsta bandalagsríki USA og Vesturlanda.

Auðvitað áttu Vesturlönd aldrei að haga málum þar austur frá eins og þeir gerðu.  

Eða heldur fólk kannski að Vesturlönd hafi aldrei haft nein afskipti þarna austur frá?  Skoðiði þá söguna.  Hverjir bjuggu til þessi lönd?  Afhverju eru öll þessi smáríki við ströndina?  Etc. etc.

Sádía, í örsögu, að það nær þarna yfirráðum ættbálkur sem var hugmyndafræðilega aftur í fornesku.  Síðan gerist það að olía finnst og það byggjast upp mjög sterk tengsl milli Konungsættarinnar í Sádíu og Vesturlanda og þá fyrst og fremst BNA.  Sádía var með BNA í Kalda stríðinu eins og frægt er orðið.

Að sjálfsögðu er ótækt að þetta samband BNA við Sádíu gefi sádum bara frjálst spil að öllu leiti, gerðir að leiðtogum í mannréttindarráði SÞ og ég veit ekki hvað og hvað.  Alveg ótækt.

Að sumu leiti ef horft er grannt á Sádíu, - þá er það bara álíka og horfa gegnum skráargat til Miðalda.  (Að vísu eru sádar orðnir býsna tæknivæddir.  Það gerir þetta land enn furðulegra.  Þeir eru alveg tæknivæddir og hafa heilbrigðis- og menntakerfi að vestrænni fyrirmynd í grunninn.)