Byltingar-Jóhanna og barnið Árni Páll

Stjórnarskráin er ,,baráttan um Ísland" segir Jóhanna Sigurðardóttir í ræmu um síðustu daga fyrstu hreinu vinstristjórnar lýðveldisins. Orðfærið er þrungið byltingarmóði.

Bylting er þegar gömlu valdakerfið er sópað í burtu og nýju kerfið komið upp. Vinstrimenn ætluðu sér að bylta lýðveldinu og setja á fót einstefnuríki góða fólksins, þar sem ein samræmd skoðun ríkti í hverju máli - að viðlögðu einelti og félagslegri útskúfun.

Árni Pál Árnason tók við keflinu af Jóhönnu sem formaður Samfylkingar. Hann lýsir einstefnuríkinu með þessum orðum

Og mér finnst á köflum hafa gætt í umræðum um þetta mál á síðustu misserum einhverrar rétttrúnaðarherferðar - að annað hvort skrifi þú upp á heilan pakka gagnrýnislaust eða þú ert svikari, þjóðníðingur eða handbendi ráðandi afla. Þetta er bara óboðleg umræða [...] Þar sem sumir eru góðir og aðrir vondir.

Byltingin gerir ekki málamiðlanir. Maður er með eða á móti byltingu; þess vegna étur hún börnin sem hika og taka ekki af skarið.

Á meðan Árni Páll er étinn horfir Jóhanna á og nýtur ríflegra eftirlauna frá lýðveldinu sem hún vildi kollsteypa.

Athugasemdir

[Ómar Ragnarsson, 16.10.2015 kl. 12:57]

"Byltingin" með stjórnarskránni nýju var ekki meiri en það, að reynt var að hafa til fyrirmyndar það besta úr stjórnarskrám landa í Norður-Evrópu, svo sem Finnlands og Þýskalands.

[Halldór Egill Guðnason, 17.10.2015 kl. 01:36]

Valdaafsal á fullveldinu var líka eitt af smáatridunum í nýju stjórnarskránni, sem var nú svosem ekkert til ad hafa á ordi, en samraemist ad sjálfsögdu stjórnarskrám landanna í "kringum okkur", eins Finnlandi og Thýskalandi, svo einhver séu nefnd. Smámunir sem varla tekur ad nefna, eda hvad?

Gódar stundir, med kvedju ad sunnan.