Nató í stríðsleik við Rússa

Nató, með Bandaríkin í fararbroddi, taldi sig réttborið til heimsyfirráða eftir fall Sovétríkjanna. Þrátt fyrir ófarir í Írak 2003 lærði Nató/Bandaríkin ekki af reyslunni og hóf ágenga útrás í Úkraínu sem gagngert var stefnt gegn Rússum.

Rússar, sem eftir fall Sovétríkjanna, áttu nóg með sig og voru til friðs urðu að svara ágengni Nató/Bandaríkjanna við landamærin sín. Hluti af svarinu er færa víglínuna til mið-austurlanda þar sem staða Nató/Bandaríkjanna er veik, einmitt vegna mistakanna í Írak fyrir tylft ára.

Mið-Austurlönd verða fyrirsjáanlega vettvangur þar sem stórveldin reyna fyrir sér í staðgenglastríðum. Óuppgerðar sakir í trúarátökum múslíma, einkum shíta og súnna, auðveldar stórveldunum að leita sér bandamanna. Tvö meginríki, Íran sem er land shíta, og Saudi-Arabía, land súnna, keppa um forræðið. Rússland og Íran eru í bandalagi en Sádar fá stuðning Nató/Bandaríkjanna.

Því miður fyrir almenning í mið-austurlöndum eru allar líkur á að ástandið í heimshlutanum versni nokkuð áður en það skánar.

Rússar valda vandræðum

Athugasemdir

[Ragnar Kristján Gestsson, 8.10.2015 kl. 09:08]

Mér þykir það líka verra hvernig öll umfjöllun af átökum USA og Rússa hallar á Rússana.  Nú ertu blaðamaður Páll, hvernig er það, hvernig stendur á þessari einhliða umfjöllun stéttarinnar?  Er ekki einhver siðaprótokóll sem hvetur blaðamann til hlutlausrar umfjöllunar og að skoða báðar hliðar málsins?

Í raun sorglegt hversu einhliða tenglasafnið hjá press.is er, allt vestrænar stöðvar með svipaða (lesist ´eins´) nálgun og efnisval.

[Páll Vilhjálmsson, 8.10.2015 kl. 10:01]

Sammála, umfjöllunin er vilhöll Bandaríkjunum. Ég er að tvær ástæður séu fyrir því. Í fyrsta lagi er keyrð grimm áróðursstefna gegn Rússum almennt og Pútín sérstaklega. Í öðru lagi eru vestrænir fjölmiðlar, allt frá dögum kalda stríðsins, hneigðir til að trúa öllu illu upp á Rússa.

[Halldór Egill Guðnason, 10.10.2015 kl. 01:57]

Fjölmiðlar, ef hægt er að kalla þá sem slíka, eru búnir að drulla upp á bak í nánast allri umræðu, um nánast alla hluti, síðastliðin ár. Leikskólavæðing og heilaþvottur fjölmiðlafólks, sem rekin er af eigendum fjölmiðla, er komin út á hálan ís. Einn daginn springur þetta í andlit okkar allra. Það er hreint og klárt óþolandi hvernig fjölmiðlar eru að standa sig. Þar ægir saman illa upplýstu fólki og "Google translate" og " Copy Paste" aulum.

Góðar stundir, með kveðju að sunnan.