Fasismi Jóns Orms og fáfræðin sem fylgir

Viðskiptaþvinganir Nató-ríkjanna gagnvart Rússlandi miða að því að veikja rússnesk stjórnvöld. Ráðandi öfl í Nató, Bandaríkin og stóru ESB-löndin, telja sig vita hvað Rússum sé fyrir bestu og ætla sér að eiga þar hlut að máli.

Í Úkraínu eru stjórnvöld Nató að skapi. Þau skipa líka vestræna ráðgjafa, til dæmis herskáan bandarískan þingmann og fyrrum forsetaframbjóðanda, John MacCain. Til að verða embættismenn í Úkraínu þurfa menn ekki að vera úkraínskir, það nægir að vera stuðningsmaður Nató. Þannig er Mikheil Saakashvili, fyrrum forseti Georgíu, orðinn æðsti embættismaður úkraínsku stjórnarinnar í Odessa, sem er mikilvæg hafnarborg við Svartahaf.

Til að réttlæta afskipti vestrænna ríkja af innanríkismálum fullvalda þjóða er búinn til áróður um að Pútín forseti og ráðamenn í Moskvu séu almennt vont fólk. Jón Ormur Halldórsson stjórnmálafræðingur kallar Pútín og félaga ,,hálffasíska" í viðtali á Eyjunni.

Jón Ormur étur upp orðræðu sem er samin gagngert til að réttlæta yfirgang Nató-ríkja í Austur-Evrópu. Orðræðan gengur út á að Nató sé heimil íhlutun í stjórnmál ríkja í álfunni í krafti sigursins í kalda stríðinu.

Þeir sem kunna eitthvað fyrir sér í stjórnmálafræði vita að það endar yfirleitt með ósköpum þegar eitt ríki ætlar sér að ákveða stjórnskipun annars ríkis. Nýjustu dæmin standa í ljósum logum í Mið-Austurlöndum.  

Tilraun Nató-ríkjanna að skipuleggja eftir sínu höfði hvernig Rússar haga sínum málum verður dýrkeypt í töpuðum mannlífum. Við Íslendingar eigum að halda okkur fjarri þeim skollaleik og gjalda varhug við þeim sem hvetja til blóðbaðs.

Hagsmunir fara ekki alltaf saman

Athugasemdir

[Jón Þórhallsson, 17.8.2015 kl. 16:13]

Þó að maður sé ekki fylgjandi stefnu rússa í Úkraínu að þá eru of stórir hagsmunir tengdir viðskiptum okkar við útflutning á makríl til rússlands; til að henda þeim út um gluggann með einu pennastriki.

http://thjodarskutan.blog.is/blog/thjodarskutan/category/3211/

--------------------------------------------------------------

Þó myndi ég styðja viðskiptabannið ef að rússar gerðu eitthvað á kostnað þeirra landa sem að eru í NATÓ.

[Ásgrímur Hartmannsson, 17.8.2015 kl. 18:23]

"Við Íslendingar eigum að halda okkur fjarri þeim skollaleik..."

Of seint núna.

Það tíðkast á íslnadi, að miða vel og vandlega áður en menn skjóta sig í fótinn.

[Kristján P. Gudmundsson, 18.8.2015 kl. 03:48]

Ég vissi ekki, Jón Ormur Halldórsson væri fasisti ! En ég vil Rússum vel því að þeir hafa hjápað okkur á dögum kalda stríðsins forðum daga.

Með bloggvinar kveðju,

kristjan9