Endurlífgaði Sigmundur Ernir látinn mann?

Íslendingar falla ekki af þjóðskrá nema þeir hrökkvi upp af. Sigmundur Ernir Rúnarsson fyrrum þingmaður Samfylkingar og núverandi stjóri útgáfunnar Hringbrautar er með á sínum snærum pistlahöfund, Ólaf Jón Sívertsen, sem ekki finnst í þjóðskrá.

Í bloggi er vakin athygli á því að Ólafur Jón segist sprelllifandi og í góðu sambandi við lausmáluga embættismenn þótt ekki sé hann að finna á þjóðskrá.

Sigmundur Ernir virðist samkvæmt ofanrituðu endurlífga dauðan mann. Væri ekki nær lagi að virkja krafta Sigmundar Ernis í þágu heilbrigðisvísindanna?

Fimm Íslendingar ranglega taldir af

Athugasemdir

[Ómar Ragnarsson, 21.7.2015 kl. 17:15]

Þess eru ótal dæmi að fólk, sem tekið hefur sér listamannsnafn, sé sprelllifandi þótt nafnið finnist ekki í þjóðskrá. 

Bogomil Font hefur til dæmis verið iðinn við tónlist í aldarfjórðung án þess að það nafn hafi fundist í þjóðskrá. 

Erlendis eru dæmin óteljandi. Nina Simone var sprelllifandi að syngja og spila á píónó þótt það nafn væri ekki að finna í þjóðskrá. 

[Páll Vilhjálmsson, 21.7.2015 kl. 17:36]

Munurinn á Bogomil Font og Nina Simone annars vegar og hins vegar Ólafi Jóni Sívertsen er að þau fyrrnefndu voru holdi klædd en sá síðastnefndi er grunaður draugur.