Stór-Evrópa er pólitískur ómöguleiki

Aðeins 19 ríki af 28 Evrópusambandsríkjum notar evru sem lögeyri. Tillaga Hollande forseta Frakklands um að evruríkin komi sér upp sameiginlegri ríkisstjórn er tillaga um að kljúfa Evrópusambandið.

Ríki sem standa utan evru-samstarfsins eru t.d. Bretland, Danmörk, Svíþjóð og Pólland. Þessi ríki eru ekki á leiðinni í Stór-Evrópu evruríkjanna. Ríki sem standa utan evrunnar telja sig heppin að vera ekki þátttakendur í þessari vanhugsuðu tilraun með einn gjaldmiðil fyrir ólík hagkerfi.

Tillaga Hollande er til marks um örvæntinguna sem gripið hefur um sig á evru-svæðinu. Kreppunni í Grikklandi er hvergi nærri lokið. Lítill hagvöxtur í mörgum evru-ríkjum og slæm skuldastaða stærri ríkja, eins og Frakklands, mun auka á vandann sem fyrir er.

Pólitískur vilji til Stór-Evrópu er lítill sem enginn í ríkjum evru-svæðisins. Þvert á móti eflast öfl andstæð auknum samruna víða í Evrópu. Þýskir fjölmiðlar hafa varla fyrir því að ræða tillögu Frakklandsforseta.

Stór-Evrópa er rökrétt framhald evruvæðingu 19 af 28-ríkjum ESB. En Stór-Evrópa er pólitískur ómöguleiki um fyrirsjáanlega framtíð.

 

Sameiginleg ríkisstjórn evruríkja

Athugasemdir

[Jón Ingi Cæsarsson, 20.7.2015 kl. 10:27]

Kallinn bara farinn að nota frasa leiðtogans mikla :-)

[Ásthildur Cesil Þórðardóttir, 20.7.2015 kl. 11:43]

Þetta er löngu ljóst.  Ég þekki dálitið til í Austurríki og þar eru menn ekki að fara að afhenda yfirráð landsins til EBB.