Nei við ESB er já við fullveldi

Ef gríska þjóðin segir nei í þjóðaratkvæðagreiðslunni hafnar hún Evrópusambandinu. Um leið segir það já við fullveldi, þótt stjórnvöld í Aþenu segja annað; að nei haldi Grikklandi í evru-samstarfinu og ESB.

Grikkland er gjaldþrota, hvort heldur innan ESB eða utan. Möguleikar Grikkja til að brjótast úr kreppunni felast í fullveldinu. Úrsögn úr ESB og nýr gjaldmiðill eru uppskriftin.

Ef Grikkir halda áfram innan ESB verður kreppan viðvarandi næstu áratugina.

Öfgahópurinn sem leiðir ríkisstjórnina í Aþenu er ekki líklegur til að móta framtíð Grikkja næstu árin, eins og sagnfræðingurinn Mark Mazower útskýrir skilmerkilega í New York Times.

Grísku hamfarirnar undanfarin hálfan áratug mun breyta Evrópusambandinu til frambúðar. Önnur tveggja leiða verður farin, að stækka og dýpka evru-samvinnuna eða að vinda ofan af samrunaferlinu.

Aukin evru-samvinna felur í sér klofning á Evrópusambandinu, þar sem þær þjóðir sem ekki eru með evru verða viðskila við evru-þjóðirnar.

Ef samrunaferlið er á enda komið er bjartsýni að trúa að umsnúningurinn verði án verulegra pólitískra og efnahagslegra vandræða.

 

 

Grikkir greiða atkvæði

Athugasemdir

[Tómas Ibsen Halldórsson, 5.7.2015 kl. 14:47]

Hafni Grikkir skilyrðum lánadrottna sinna munu vandamál þeirra aukast áður en þau munu smám saman fara batnandi.  Samþykki Grikkir hins vegar skilyrði lánadrottnanna munu vandamál þeirra eingöngu fara versnandi.