Ánægja og andstyggð - tilfellið Gunnar Smári

Jákvætt fólk vinnur betur úr vandamálum en neikvætt. Ástæðan er sú að jákvæður hugur skynjar tækifæri og finnur úrlausnir. Neikvæð afstaða torveldar skilning og kæfir í fæðingu hugmyndir til bóta.

Eftir hrun var andstyggðin allsráðandi í samfélaginu. Oft var sama fólkið, sem lét öllum illum látum eftir hrun, og hafði farið giska hratt um gleðinnar dyr í útrásinni. Stórir draumar urðu að ösku í hruninu.

Gunnar Smári Egilsson er dæmi um hrunkvöðul sem varð að hamfaraspámanni eftir 2008. Gunnar Smári var aðalhöfundur að fjölmiðlaveldi Jóns Ásgeirs Jóhannessonar Baugsstjóra. Hann stýrði m.a. útrás í Englandi og Danmörku þar sem milljarðar króna, m.a. í eigu lífeyrissjóða, brunnu upp á loftkastalabáli Gunnars Smára.

Þrátt fyrir að sjö ár séu frá hruni er Gunnar Smára enn djúpt sokkinn í heimsósómann og dælir reglulega út tilkynningum um hve allt er handónýtt og ömurlegt. Hann ætlaði að stofna stjórnmálahreyfingu um að Ísland yrði fylki í Noregi en virðist hættur við það í bili, þegar hann sá að eftirspurnin var ekki fyrir hendi. En trúr andstyggðinni klifar Gunnar Smári á því að við höfum það skítt.

Sumum líður ekki vel nema í óánægju.

„Ísland er bara nokkuð gott“

Athugasemdir

[Sigurður Helgi Magnússon (IP-tala skráð) 28.5.2015 kl. 13:38]

Og þar ferð þú sjálfur fremstur í flokki. Virðist hata allt og alla sem ekki eru sammála þér.

[Helga Kristjánsdóttir, 28.5.2015 kl. 14:29]

Sigurður! Betra er heima í góðum flokki,en útrásar óánægju fokki.

[Heimir Lárusson Fjeldsted, 28.5.2015 kl. 16:43]

Sá ágæti drengur Gunnar Smári er afturhaldið uppmálað eins og hannaður af Samfylkingunni, eða öfugt?

[Jónas Ómar Snorrason, 28.5.2015 kl. 19:02]

Ef sagt er frá staðreyndum sem fólk er ekki sammála, er samt sem áður staðreynd, ekki hugarburður, þá er ráðist á sendiboðann. Rörsýni fólks á sér engan endi, því alltaf er hægt að bæta lengd rörsins, en um leið smækkar sjóndeildarhringurinn. Það er það sem er að gerast hjá síðuhöfundi, Heimir og Helga fljóta með.

[Guðjón Sigurbjartsson, 29.5.2015 kl. 05:34]

Hér veður þú ómálefnalega í manninn".  Alger óþarfi.  Hann skrifaði einmitt ljómandi málefnalega grein nýlega um þjóðarframleiðslu á mann hér og í samanburði við önnur lönd. Forsenda þess að byggja upp er að viðurkenna vandann og fá  botnspyrnu.  Fögnum heldur þeim sem leggja það á sig.