Krónan, lágt atvinnuleysi og súr vínber Egils Helga

Íslenska krónan var traustasti bakhjarl endureisnarinnar eftir hrun. Krónan tók höggið og efnahagskerfið fékk haldið uppi atvinnu, og gerir enn.

Langt skeið með lága verðbólgu sýnir að krónan er stöðug þegar stjórnun efnahagsmála er í traustum höndum.

Drög að kjarasamningum leggja grunn að jöfnum og traustum lífskjarabata almennings. Ekki eru þó allir ánægðir með bættan hag almennings.

Egill Helgason, sem oft túlkar sjónarmið vinstrimanna, segir vínberin súr.

 

Lengsta stöðugleikaskeiðið lengist

Athugasemdir

[Ómar Ragnarsson, 27.5.2015 kl. 14:53]

Þú talar um krónuna eins og einhvert afrekströll sem hafi tekið ómakið af þjóðinni við að taka á sig afleiðingar Hrunsins. Mig langar til að benda á að fall krónunnar var ekki bara tala í línuriti heldur stórfelldasta kjaraskerðingin í einu höggi, sem dæmi eru um síðan árið 1967. 

Það var þjóðin sem tók á sig höggið, ef einhver skyldi hafa gleymt því eða vilja skrifa nýja sögu sem fría þá ábyrgð sem ollu falli krónunnar. 

[Heimir Lárusson Fjeldsted, 27.5.2015 kl. 15:37]

Samfylkingarfólk kann ekki að meta þessi skrif þín Páll eins og sjá má.

[Eggert Sigurbergsson, 27.5.2015 kl. 15:46]

Ómar, þú talar eins og ástandið 2008 hafi bara verið í fínu og flottu lagi. Við vorum heimsmeistarar í viðskiptahalla (21% á ári) fyrir hrun og óhjákvæmilegt að það yrði að verða stórfeld leiðrétting fyrr en seinna.

Það eru tvær leiðir til að leiðrétta ósjálfbæran viðskiptahalla.

Fyrri leiðin (ytri gengisfelling) er að láta gengið falla eða fella gengið á þann stað að ekki verði ósjálfbær halli. Þessi leið bitnar á öllum hvort sem þú ert launamaður, bótaþegi eða fjármagnseigandi.

Seinni leiðin er svokölluð innri gengisfelling en þá eru launalækkanir, niðurskurður á kostnaði við launþega og beinum uppsögnum ásamt niðurskurði á velferðarbótum og eftirlaunum. Þessi leið bitnar misjafnlega á hópum í samfélaginu en þó síst á fjármagnseigendum og þeim sem hafa "örugga" innivinnu og geta skammtað sér laun eftir behag.

Þegar kemur að því að varðveita atvinnustigið í þjóðfélagslegum áföllum, og þá sérstaklega stóráföllum, þá er eigin gjaldmiðill töfraverkfæri.

http://en.wikipedia.org/wiki/Devaluation

http://en.wikipedia.org/wiki/Internal_devaluation

[Rafn Guðmundsson, 27.5.2015 kl. 20:55]

mín skoðun og sennilega margra annara er að ef við hefðum EKKI haft þessa ónýtu krónu á hefði skaðinn orðið miklu minni.  

[Eggert Sigurbergsson, 28.5.2015 kl. 04:53]

Án EES hefðu ekki orðið til sjóhengjur, ICESAVE og fjármagnshöft. EES samningurinn er bleika fílahjörðin í postulínsbúðinni. Svisslendingar hafa það bara ágætt án þessarar fílahjarðar og Norðmenn íhuga að kveðja þessa fílahjörð fyrir fullt og allt enda meiri skaði en gagn af henni í dag en áður.