Blýantsnagarar og kennarar - ekki sama fólkið

Stór hluti opinberra starfsmanna er kennarar. Aðhald með mætingu kennara er eðli málsins samkvæmt mun strangara en með opinberum starfsmanni á skrifstofu. Kennari sem verður ber að óeðlilegum fjarvistum og óstundvísi er ekki langlífur í starfi.

Ótækt er að allir opinberir starfsmenn liggi undir grun um að hyskni. Verður að gera kröfu til frekari sundurliðunar.

Mestar líkur á fjarveru í starfi er hjá opinberum starfsmönnum sem eru óþarfir. Nánari greining gæti nýst til að frelsa hluta vinnuaflsins frá óþurftarstarfi og í leiðinni sparað almenningi skattfé.

Opinberir starfsmenn oftar í fríi

Athugasemdir

[Magnús Helgi Björgvinsson, 20.5.2015 kl. 16:41]

Ætli að það spili ekki inn í þetta að um helmingur ríkisstarfsmanna eru heilbrigðisstarfsmenn og vaktavinnufólk Skilst að um 25% starfsmanna ríkisins vinni á Sjúkrahúsum. Það er bara held ég ómögulegt að það fólk sé að mæta veikt í vinnu! Minnir að ríkisstarfsmenn séu um 20 þúsund og þar af séu um 5 þúsund sem vinna bara á Landspítala. Og því er hægt að reikna með að um hlemingur ríkisstarfsmanna séu að vinna á sjukrahúsum, heilsugæslu, öðrum sjukrastofnunum og fleira. Þannig að þessi dómharka hér að ofan er eins og margt ekki byggt á staðreyndum. Þ.e. að kennarar séu öllum starfsmönnum fremri.

[Helga Kristjánsdóttir, 20.5.2015 kl. 23:07]

Gott kvöld Magnús!Það þarf örugglega að bæta mætingar og skreppur hjá allt of mörgum gegnum tíðina og ekkert nema rétt að það sé kannað.--- En varðandi kennara er vinna þeirra þannig að foreldrar virka sem eftirlitsaðilar. Varla kæmust kennarar upp með að mæta seint og illa hjá þeim yngstu,hvað þá í framheldsskólum þar sem þeir þurfa að vera mjög vel undirbúnir í tímum og nemendur fljótir að átta sig ef svo er ekki.Það má alveg taka fram að kennurum er annt um nemendur sína,það hef ég marg oft séð,umhyggja þeirra er aðdáunarverð.

[Elfar Aðalsteinn Ingvarsson (IP-tala skráð) 21.5.2015 kl. 00:27]

Ég veit ekki með ykkur en í gegnum öll mín skólastig þá voru alltaf nokkrir svartir sauðir að kenna sem höfðu nokkuð glopótta mætingu og áttu það til að mæta hífaðir í tíma.

[Helga Kristjánsdóttir, 21.5.2015 kl. 02:04]

  Ég þarf að fara svo langt aftur í tíma að það er sársaukafullt,að minnast.það er að skólastjóri lamdi í höfuð drengs sem gæti hafa verið með athyglisbrest sem þá var ekki þekktur. Fyrir framan alla í bekknum og sagði gæturðu ekki komið þessu í hausinn á þér,eða grófara man ekki orðrétt.Afhverju létum við þetta viðgangast ég fer með þá samvisku í gröfina. En það var ekki venja að börn væru að ybba sig við kennara.