Þjóðin kýs Pírata, lata og stefnulausa

Píratar eru stjórnmálaaflið sem þjóðin þarf á alþingi. Þeir eru latir og ekki með neina stefnu nema í smæstu málum. Ef Píratar væru í meirihluta á alþingi þá yrði fátt gert nema föndrað við smámál eins og höfundarrétt. Þingmenn mættu í vinnuna eftir hádegi endurnærðir eftir tölvuleiki næturinnar.

Ef alþingi hreyfir ekki við stórmálum er meiri friður. Fólk yrði laust við afskiptasemi þeirra 63 sem eru á framfæri þjóðarinnar í einni deild við Austurvöll.

Meiri þingleti og minni pólitík er það sem þjóðin óskar sér. Enda eru Píratar með mest fylgi allra stjórnmálaflokka.

Píratar mæta verst

Athugasemdir

[Jack Daniel's, 20.5.2015 kl. 11:24]

Þetta er lygi Palli og það veistu vel.
Þrír þingmenn í átta fastanefndum komast einfaldlega ekki yfir allar nefndarsetur.

Hvað varðar bullið um stefnuleysið, þá hefur þú enn ekki drullast til að kynna þér stefnumálin út frá umræðum á píratavefnum og í kosningakerfinu hjá þeim, auk heldur allra þeirra hópa sem eru á fésinu.

Eina sem þú gerir er að éta upp þvæluna og lygar moggans og dreifa þeim áfram í vanþekkingu þinni og blindu.

[Jóhann Elíasson, 20.5.2015 kl. 12:48]

Óskaplega er nú ódýrt, svo ekki sé nú meira sagt, að skýla sér á bak við manneklu.  Píratar eru langt frá því að vera eini fámenni þingflokkurinn á Alþingi.  Til að koma með dæmi má nefna Frjálslynda flokkinn og þrátt fyrir að vera fámennir voru þeir með ágætis mætingu á nefndafundi og ekki man ég til þess að þeir vældu yfir manneklu.  Píratar nenna ekki að sinna vinnunni sinni og bera við fámenni í stað þess að viðurkenna letina og lágkúruna..

[Predikarinn - Cacoethes scribendi , 20.5.2015 kl. 13:00]

Góður pistill kæri Páll.

Rétt hjá þér Jóhann að Jack hefur lítið vit á flestu og tekur undir letivælafsökun letingjanna í Pítötum sem virðast ekki nenna að sinna þingstörfum eins og flestir aðrir þingmenn þó gera.

Það hefur líka sannast á Jack að hann hefur mikið vit á nánast engu en ekkert á flestu því miður fyrir hann.

[Jack Daniel's, 20.5.2015 kl. 13:49]

Þið eruð alveg fádæma mikil fífl og auglýsið það alveg með neonskiltum.

Frétt á Rúv um málið:

http://ruv.is/frett/famenni-pirata-skyrir-slaema-maetingu

Þrír þingmenn Pírata skipta á milli sín setu átta fastanefndum auk forsætisnefnd, Íslandsdeild Alþjóðaþingmannasambands, þingskapanefndar og fleiri nefnda.

Greint var frá því í Morgunblaðinu í morgun að þingmenn Pírata hefðu versta mætingu í sex af átta fastanefndum. Fréttin hefur vakið sterk viðbrögð og hafa margir gagnrýnt hana.

Katrín Júlísdóttir, þingmaður Samfylkingarinnar er þeirra á meðal. Hún segir á Facebook-síðu sinni að ekki sé sanngjarnt að stilla þessu upp líkt og er gert í úttekt Morgunblaðsins. Þrír þingmenn þurfi að skipta með sér setu í öllum nefndum og taka ákvörðun útfrá málum hvenær þau mæta í hvaða nefnd. Hún segir að lítið megi út á bregða hjá þingmönnum Samfylkingarinnar, sem eru níu.

Í fréttinni er bent á að Jón Þór Ólafsson, þingmaður Pírata, hafi mætt á tvo fundi af þrjátíu í umhverfis- og samgöngunefnd. Fréttastofa hefur ekki náð tali af Jóni Þór vegna málsins en á vefsíðu Pírata kemur fram að þegar umhverfis- og samgöngunefnd fundar þurfi Jón einnig að sitja fundi fjárlaganefndar og efnahags- og viðskiptanefndar. Þar kemur einnig fram að Birgitta Jónsdóttir þurfi að sitja fundi stjórnskipunar- og eftirlitsnefndar og utanríkismálanefndar á sama tíma. Þingmenn Pírata þurfi því að forgangsraða tíma sínum og ákveða hvaða fundi skal mætt í eftir dagskrá hverju sinni.

 

Kanski þið skiljið þetta betur núna?

[Jón Ragnarsson, 20.5.2015 kl. 13:53]

Og núna steinþegir bloggherinn á mbl.is

http://www.mbl.is/frettir/innlent/2015/05/20/urfa_ad_vera_a_morgum_fundum_i_einu/

[Jack Daniel's, 20.5.2015 kl. 14:01]

http://www.mbl.is/frettir/innlent/2015/05/20/urfa_ad_vera_a_morgum_fundum_i_einu/

Meira að segja mogginn hefur komið með feita skýringu á þessu máli og leiðrétt áburðinn og lygarnar.

Er Páll og restin af hundahjörðinni líka tilbúin að sýna að þeir séu menn meiri og draga ásakanir sínar til baka?

[Jón Bjarni, 20.5.2015 kl. 14:08]

Vandræðalegt hjá þér Páll.. svo ekki sé nú meira sagt.. 

Jón Þór er í þremur nefndum sem hittast allar á sama tíma. Hann hefur sótt 25 fundi af 30 sem þessar þrjár nefndir hafa haldið á sama tíma

Eru einhverjar líkur á því að þú takir þetta bull þitt til baka?

[Predikarinn - Cacoethes scribendi , 20.5.2015 kl. 14:26]

Meðvirkni Jacks með letiblóðunum og afsökunarvælinu í Pírötum sem virðast ekki nenna að vinna er æpandi- og hann hnykkir á bullinu meira að segja.

[Predikarinn - Cacoethes scribendi , 20.5.2015 kl. 14:28]

WEkki virðist Jón Bjarni heldur skilja þingnefndastörfin frekar en Jack - er Jón Bjarni liðsforingi Pírata ?

[Jack Daniel's, 20.5.2015 kl. 14:32]

 Predikari andskotans mættur eina ferðina enn, en það er ljóst að hann hefur lesið bibblíuskræðuræfilinn sinn bæði aftur á bak og á hvolfi, því ekki fer hann eftir kenningum þessa "trúarrits" síns.

Engu er likara en heimskan sé gegnumgangandi hjá þessu helv... trúarnöttaraliði sem hugsar og talar með rassgatinu.

Predikarinn er búinn að hafa heilar 18 mínútur til lesa eina staðreynd hér að ofan sem er að af 30 fundum í nefndum sem Jón Þór er í, hefur hann mætt á 25 þeirra.

Predikarinn er góður og gegn þræll og hundspott auðvaldsins og gmammar samkvæmt því.

[Jón Bjarni, 20.5.2015 kl. 14:57]

Hvað við staðreyndina að hann er búinn að mæta í 25 af mögulegum 30 sem hann átti tök á að mæta í án þess að vera á fleiri en einum stað í einu skilur þú ekki Predikari?

[Hörður B Hjartarson, 20.5.2015 kl. 15:20]

    Þú Páll og aðrir "ritsnillingar" hér á mbl.is þurfið ekki að hafa áhyggjur eftir næstu kosningar , því þá verður búið að klóna þessa "letingja" , eins og þú velur að kalla þá .

   Kannski það sé þitt eigið eðli; að vera latur að eðlisfari , en að taka undir svona lygar , eins og hér á við , það verður þér og þínum einvörðungu til minnkunnar .

[Guðmundur Ásgeirsson, 20.5.2015 kl. 19:58]

Lausnin er einföld: Að kjósa fleiri pírata á þing, nægilega marga svo þeir geti sent fulltrúa sinn á alla fundi sem haldnir eru. Það er það eina sem gæti komið til móts við þessar gagnrýnisraddir.

[Jósef Smári Ásmundsson, 20.5.2015 kl. 22:19]

Þjóðin er bara einfaldlega hætt að NENNA að kjósa hina flokkana. Tek svo undir með síðasta ræðumanni þar sem ég nenni ekki að ræða meira svona ómerkilegt mál.

[Helga Kristjánsdóttir, 20.5.2015 kl. 23:35]

Er verið kjósa Jósef? Og letin ræður för! 

[Baldinn, 21.5.2015 kl. 09:10]

Þetta er eina síðan á landinu sem bergmálar.  Þegar Páll hefur skrifað einhverja vitleysu að þá  mætir litli Predikarinn og bergmálar Pál.  Hvorugur ykkar veður í vitinu svo það er ekki mema von að þið skiljið hvers vegna fólk hallast að Pírötum í dag.

[Steinarr Kr. , 21.5.2015 kl. 09:42]

Hefur einhversstaðar komið fram að Ratar hafi beðið um breytingar á föstum fundartímum nefnda, til að geta betur ráðið við verkefnið?  Ef ekki, af hverju hafa þeir ekki beðið um það?

[Hans Miniar Jónsson., 21.5.2015 kl. 11:56]

*dæs*
Píratar hafa beðið endurtekið um það að nefndarfundir séu ekki svo harðlæstir og lokaðir nema rætt sé um viðkvæm mál svo að varaþingmenn geti setið fundi þannig að það sé hægt að mæta betur. Alþingi hefur ekki viljað gefa þann möguleika.

Píratar vilja mæta, en þeir geta ekki beygt rúm og tíma. 

[Steinarr Kr. , 21.5.2015 kl. 14:44]

Og ætla varaþingmennirnir að gera þetta í sínum frítíma?  Erum við ekki að greiða nægilega mikið í laun þarna á Alþingi?