Írland og evra; fyrst þensla síðan kreppa

Evran var bein orsök þenslu bankakerfisins í aðdraganda írska hrunsins, sem varð á sama tíma og það íslenska, og evran er bein orsök fyrir varanlegri kreppu á Írlandi.

Írski hagfræðingurinn David MacWilliams segir írska hagkerfið ekki í neinum skilningi evrópskt heldur er það engilsaxneskt, með áherslu á utanríkisviðskipti við Bretland og Bandaríkin.

Evran hentar ekki Írum og enn síður Íslendingum.

Athugasemdir

[Kolbrún Hilmars, 19.3.2015 kl. 16:25]

Þensla írska bankakerfisins fyrir hrun stafaði að hluta til vegna þess að breskum innlánum var (með orðrómi?) beint að írsku bönkunum.
Ef ég man rétt þá kom það fram í bresku pressunni á árunum 2007-2008 að hvorki tyrkneskir bankar né íslenskir hefðu ríkisábyrgð sem væri innbyggð í írsku bankana vegna ESB, sem olli því að breskar inneignir leituðu í írsku bankana.  Fluttu sig jafnvel yfir eingöngu vegna þessa. 
Við íslendingar megum vera þakklát fyrir þessar upplýsingar, því annars hefði ICESAVE orðið okkur enn hrikalegra en þó varð.

[Ómar Bjarki Kristjánsson, 19.3.2015 kl. 17:18]

Það virðist vera einhver misskilningur í gangi hjá heimssýn og fleirum um Evru og upptöku Íslands á þeim gjaldmiðli í kjölfar Aðildar landsins að Evrópusambandinu.

Orsök þess að áhugi er meðal innbyggja á alvörumyn hringsnýst ekkert kringum einhverja fjármálakreppu.

Þeir innbyggjar sem vilja alvörumynt, ekki viðmið eða vaðmál, - þeir vilja bara alvörumynt!  Þetta er gömul hugmynd en að sjálfsögðu hefur þróun undanfarinna áratuga haft áhrif.  Það eru sífellt að verða  stærri gjaldmiðlasvæði.  Færri og stærri gjaldmiðlar.  Og ríki hafa fært sig inná þær lendur vegna þess, - og nú skulu menn halda sér, - að það gagnast þeim!  Heildarhagsmunum betur borgið með alvörumynt sem nær yfir landamæri og yfir stærri svæði.

Þetta ætti ekkert að vera flókið að skilja og ræða málefnalega.

Meginvandamálið við andsinna og Evrópusambandsmálið er, - að þeir eru alltaf útá túni!

Nú mætti alveg fyrirgefa mönnum að þeir vissu ekki betur, - en heldur aukast vandræðin með andsinna þegar sú grunsemd kemur upp, - að þeir viti alveg betur!  Viti betur en tal þeirra sé allt bara einhver blekkingaleikur og áróðursstarfsemi sem miðar að því einu að koma í veg fyrir Aðild að Sambandinu með öllum ráðum.  Tilgangurinn helgar meðalið.

Svona upplegg eins og andstæðingar Evrópusambandsins hafa beitt, - getur verið tvíeggjað sverð.  Mjög tvíeggjað.  

Til lengri tíma litið er alveg ljóst að gríðarlegur fjöldi kjósenda setur efst á sinn pólitíska to do lista, að kjósendur geti knúið fram þjóðaratkvæðagreiðslur og Evrópusambandsmálið blandast síðan sterklega þar inn.  ESB málið verður að skoðast í því ljósi, að óhjákvæmilegt virðist að kosningar verði um það mál á næstu misserum.

Hinsvegar tel ég affarasælast að klára þennan andskotans aðildarsamning, - og kjósa svo.

[Kolbrún Hilmars, 19.3.2015 kl. 17:38]

Ómar Bjarki, það er ekki hægt að klára neinn "andskotans" aðildarsamning því hann er ekki til.  Aðlögunarviðræður heitir fyrirbærið.  Þetta áttu nú reyndar að vita. 
Það átti alltaf að hefja ferlið með þjóðaratkvæðagreiðslu og þú ættir frekar að skammast útí eigin liðsmenn fyrir að klúðra málinu fyrir þér.

[Ómar Bjarki Kristjánsson, 19.3.2015 kl. 23:10]

Nei.  Það er nefnilega ekki rétt.  Það var alveg rökrétt á sínum tíma 2009 að fela málið í hendur þingræðisins og þingræðið valdi Aðildarviðræður og Aðildarsamning upp á borðið, - og síðan kosið á grunni hans eftir upplýsta umræðu um efnið.  Aðildarviðræður hefðu sennilegast verið samþykktar í slíkri þjóðaratkvæðagreiðslu en það spilaði margt inní.  Td. að Alþingiskosningar voru nýafstaðnar og Aðildarumsókn kom uppúr kjörkössunum.  Það var líka talið óheppilegt fyrir samningsstöðu Íslands að kosið væri á þann hátt fyrir fram um inngöngu í Sambandið.  

Nú, lýðræðið fékk sinn framgang en hvað skeður?  Jú, hægri-öflin með krafti frá sérhagsmunaklíkum ákváðu að taka málið í pólitíska gíslingu.

Það hefur orðið þróun frá 2009.  2009 voru þjóðaratkvæðagreiðslur ekki komnar á það flug sem árin á eftir leiddu í ljós.  Það hefur komið í ljós á undanförnum árum, að gríðarstuðningur er við þá grunnhugmynd að kjósendur eigi að geta krafist þjóðaratkvæðagreiðslna um mál og þá nánast hvaða mál sem er.

Í ljósi ofanlýstrar þróunnar, - þá er afar líklegt að Evrópusambandsmálið komi til kasta þjóðarinnar á næstu misserum eða árum.

Fyrst hægriöflin og sérhagsmunaklíkur ásamt þjóðbelgingum, ákváðu að taka málið í gíslingu, - nú, þá verður þjóðin að leysa hnútinn.  Það verður ekki gert nema með þjóðaratkvæðagreiðslu.

Andsinnar fullyrða, að nánast allir séu á móti þessum Aðildarviðræðum við Sambandið.  Afhverju þá ekki að láta það koma í ljós?  Við eru menn hræddir??