Lítið fylgi Pírata

Píratar eru óhreinatauskarfa íslenskra stjórnmála. Með því að styðja Pírata í skoðanakönnun lýsir fólk yfir vantrausti á stjórnmálum eins og þau eru stunduð af ráðsettu flokkunum.

Fylgisaukning Pírata er yfirlýsing nær fjórðungs kjósenda að þeim sé nóg boðið.

Eiginlega er mesta furða að fylgi Pírata sé ekki meira.

Píratar stærstir

Athugasemdir

[Jónas Ómar Snorrason, 19.3.2015 kl. 11:37]

Alveg sammála Páll, Píratar hafa lítið fylgi, bara rúm 20% á meðan framsóknarflokkurinn hefur heil 9-10% og fullkomlega skiljanlegt að hann sé í forsæti fyrir núverandi ríkisstjórn. 

[Jack Daniel's, 19.3.2015 kl. 11:48]

Enn lýsir þú yfir því Páll, hvað þú ert illa upplýstur.
Píratar stækka af því þeir hafa verið heiðarlegir í sínum málflutningi og þeir vilja koma völdum til kjósenda í landinu.
Fólk er orðið leitt á því að láta hugsa fyrir sig og taka ákvarðanir fyrir sig sem eru þvert ofan í það sem lofað hefur verið.

Þeir sem hafa kynnt sér grunnstefnu pírata og stefnumálin hjá pírötum, sem eru stöðugt í skoðun og uppfærslu vegna breyttra aðstæðna í þjóðfélaginu, þá er engin furða að fólk sækist í stjórnmálaafl sem heiðarlegt, gegnsætt og óspillt með öllu.

[Guðmundur Ásgeirsson, 19.3.2015 kl. 12:21]

Píratar eru ekki Besti flokkurinn.

[Jónas Ómar Snorrason, 19.3.2015 kl. 12:31]

Svona til upplýsingar fyrir Pál blaðamann, þá hefur fylgið enn minnkað, er komið yfir 24%, en er samt stærsti flokkurinn. En góðu fréttirnar fyrir þig, að framsókn fer upp í heil 11% 

[Jón Valur Jensson, 19.3.2015 kl. 12:42]

Ráðandi flokkar "Skjaldborgarleikhússins" misstu helming fylgis síns í kosningunum 2013 og Samfylkingin þó langmest, féll úr 29,8% kjörfylgi 2009 niður í 12,9% 2013. Samt vill hún öllu stjórna, með yfirgangi sérstaklega í ESB-málinu, og nýtur til þess stuðnings Baugsmiðlanna gömlu, nánar tiltekið ESB-innlimunarsinnans Jóns Ásgeirs Jóhannessonar, sem stjórnar af loftinu í Skaftahlíð (fyrir ofan 365 miðla) fjölmiðlaveldi konu sinnar og velur jafnan ESB-sinna í ritstjórastól Fréttablaðsins (Þorstein Pálsson, Ólaf Þ. Stephensen, Sigurjón M. Egilsson, sem virðist jafnvel vera þeirra svæsnastur) -- og Heimi Má Pétursson á Stöð 2 og Bylgjunni. Svo gengur áróðurinn endalaust, m.a. með sífellt endurteknum fullyrðingum vikum og mánuðum og árum saman um meint kosningasvik Bjarna og Sigmundar Davíðs að halda ekki þjóðaratkvæðagreiðslu; en sömu fjölmiðlar þögðu hins vegar um greypileg kosningasvik Steingríms J. og stjórnarskrárbrot (á 48. gr.) á grunni þeirra svika með atkvæðum VG í þágu Evrópusambands-umsóknar Össurar (sem svo bætti við freklegu broti gegn 16.-19. gr. stjórnarskrárinnar með því að bera þingsályktunina ekki undir forsetann, eins og skýrt er kveðið á um þarna í stjórnarskránni).

Þrátt fyrir allan áróðurinn hefur Samfylkingunni ekki tekizt að endurvinna traust kjósenda, "bati" hennar birtist í því að hafa lyft sér úr tæpum 13 í rúm 16%.

Og nú er þessi ungi og lítt reyndi flokkur Pírata farinn að ná til ótrúlega margra, sem ímynda sér, án þess að hafa kynnt sér málin, að þessi flokkur fylgi lýðræði og vilji láta fólkið ráða, en 82% Íslendinga vilja halda í Reykjavíkurflugvöll, ólíkt Pírötum, sem vilja taka þátt í því með Gnarr, Degi B. og VG að eyðileggja flugvöllinn. Jafnvel 73% Reykvíkinga vilja halda honum, en hvað varðar "lýðræðismennina" í Pírötum um það?!

Og Píratar voga sér að vitna í undirskriftasöfnun öfugmælasamtaka ("Já Ísland") í fyrra þar sem 53.555 manns vildu að utanríkisráðherrann drægi til baka þingsályktunartillöguna um að draga til baka Evrópusambands-umsóknina. Þetta eru reyndar ekki nema rúm 23% kjósenda á kjörskrá (voru 227.843 árinu áður, 27. apríl 2013). En þessum sömu Pírötum er alvg nákvæmlega sama um undirskriftasöfnun flugvallarvina, sem náðu hátt í 70.000 undirskriftum til varnar Reykjavíkurflugvelli.

Þetta segir mikið um Píratanna "lýðræðisást"!

[Jón Valur Jensson, 19.3.2015 kl. 12:49]

Hér var vikið að kosningasvikum Steingríms J. Sigurðssonar 2009.

Sjáið þetta afhjúpandi hálfrar mínútu myndband, daginn fyrir kosningarnar 2009:

https://www.youtube.com/watch?v=AIBuEnFQ6ac

Þar segir orðrétt:

• Sigmar í Kastljósi: "Kemur það til greina, Steingrímur, bara svo að ég spyrji þig, kemur það til greina að hefja undirbúning að því að sækja um, strax núna eftir kosningar? ..."

• Steingrímur: "Nei."

• Sigmar: "... vegna þess að þannig hefur Samfylkingarfólkið talað ..."

• Steingrímur: "Nei."

• Sigmar: "... að þetta byrji í sumar?"

• Steingrímur: "Nei."

• Sigmar: "Hvenær getur þetta byrjað?" 

• Steingrímur: "Það samrýmist ekki okkar stefnu, og við hefðum ekkert umboð til slíks, og þó við reyndum að leggja það til, forystufólkið í flokknum, að það yrði farið strax í aðildarviðræður, gagnstætt okkar stefnu í maí, þá yrði það fellt í flokksráði Vinstri grænna. Þannig að slíkt er ekki í boði."

Spyrjum okkur: Héldu "365 fjölmiðlar" og Ríkisútvarpið uppi hvassri, síendurtekinni gagnrýni á Steingrím J. Sigfússon og eftirapara hans fyrir þau greypilegu kosningasvik að taka síðan fullan þátt í Evrópusambands-umsókn Samfylkingarinnar fljótlega eftir kosningarnar?

Nei, minnist þess nokkur? Hver hefur nokkurn tímann heyrt þessi orðaskipti í Kastljósi daginn fyrir kosningarnar 2009 endurtekin í dagskrá Fréttastofu Rúv, hvað þá vikum og mánuðum og jafnvel árum saman?

Hlutdrægni Fréttastofu Rúv (og vitaskuld fjölmiðla ESB-mannsins Jóns Ásgeirs Jóhannessonar) er AUGLJÓS, því að hitt gátu þeir: endurtekið í sífellu orð Bjarna Ben. og Sigmundar Davíðs, í og úr samhengi, þar sem þeir virtust tala gegn eigin nýlegu flokkssamþykktum.

Sjálfstýriapparatið á Fréttastofu Rúv birtir bara það sem því sýnist. Viðkomandi starfsmenn þar hafa með þessu verið að vinna í þágu erlends stórveldis, ekki íslenzks almennings, sem á þó þetta sama Ríkisútvarp!

Jón Ásgeir Jóhannesson, hvers hjarta slær ekki bara uppi á lofti í gamla Lídó-húsinu, aðsetri 365, heldur líka í Brussel, sá maður á hins vegar Ingibjörgu Pálmadóttur, sem á 365 fjölmiðla, og þess vegna eru allir skriffinnar og launaðir skrafarar þar látnir vinna í þágu Evrópusambands-"hugsjónar" Jóns þessa!

[Jónas Ómar Snorrason, 19.3.2015 kl. 13:11]

Þetta er nú með kristilegri hugvekjum síðan á dögum Rannsóknarréttarins Jón Valur. Megir þú hafa þökk fyrir!

[Jón Valur Jensson, 19.3.2015 kl. 13:12]

Einhverjum sýnist kannski, að hér hafi ég farið út fyrir efnið, en áhrif viðskiptamógúla í gegnum fjölmiðlaveldi er svo sannarlega fyrirbæri sem víða erlendis er fylgzt með og reynt að takmarka með sanngjörnum hætti.

Þyki einhverjum sem rangt sé að nefna hér persónur Jóns Ásgeirs og Ingibjargar, þá hafa þeir trúlega lítt fylgzt með gagnrýni á veldi fjölmiðlakónga eins og Williams Hearst, Axels Springer og Ruperts Murdoch. Hvergi hefur þeim verið hlíft í slíkri umræðu, enda er réttilega talað um fjölmiðlana sem "fimmta valdið".

Hér á landi er Ríkisútvarpið partur af þessu fimmta valdi, en hefur oft og iðulega brugðizt; það á að stafa í þágu almennings, en flytur oft áróður sem hugnast vinstri sinnuðum fréttamönnum.

Þá hafa 365 miðlar óheyrilega mikil áhrif, sennilega meiri en nokkur sjálfstæð fjölmiðlasamstæða erlendis nema í Moskvu og Pjongjang (Norður-Kóreu). Bleðill, sem dreift er ókeypis (með stuðningi fyrirtækja JÁJ+IP) fyrir hvers manns dyr, Esb-Fréttablaðið, hefur haft mjög óholl áhrif, sérstaklega eftir bankakreppuna, þegar margir fóru að spara sér að kaupa aðra fjölmiðla. Setja ætti lög um eftirlit með fjárreiðum slíks blaðs. Þjónusta þess í þágu erlends stórveldis (sem er hátt í 1600 sinnum fjölmennara en Ísland) gerir slíka lagasetningu bæði eðlilega og knýjandi.

[Jón Valur Jensson, 19.3.2015 kl. 13:20]

Reyndar er talað um veldi fjölmiðla sem "fjórða valdið", ekki fimmta. Það grir þýðingu þeirra engu minni!

[Eggert Sigurbergsson, 19.3.2015 kl. 13:26]

Froðufylgi, ekki eru liðin tvö ár síðan Framsókn mældist með 32,7% fylgi. Það er margföld staðreynd að eina könnunin sem er marktæk er framkvæmd á fjögurra ára fresti. Þetta snýst um hver er sigurvegarin kosninganna en ekki skoðanakannana eins og margoft hefur komið í ljós.

[Jón Ragnarsson, 23.3.2015 kl. 18:54]

"Einhverjum sýnist kannski, að hér hafi ég farið út fyrir efnið, en áhrif viðskiptamógúla í gegnum fjölmiðlaveldi er svo sannarlega fyrirbæri sem víða erlendis er fylgzt með og reynt að takmarka með sanngjörnum hætti."   

Eins og t.d. Morgunblaðsins, sem var hreinlega keypt af útgerðinni til að hafa áhrif.  Svo var fyrrverandi formaður Sjálfstæðisflokksins keyptur til að endurskrifa söguna. Enda heyrist ekki múkkk frá Morgunblaðinu um samþjöppum í fjölmiðlum og útgerð.