Össur gæti sokkið með ESB-umsókninni

ESB-umsóknin er nátengd Össuri Skarphéðinssyni enda var hann utanríkisráðherra vinstristjórnar Jóhönnu Sig. sem keyrði umsóknina í gegnum alþingi 16. júlí 2009.

Kunnir vinstrimenn, m.a. úr Samfylkingunni, s.s. Stefán Ólafsson, Jón Baldvin Hannibalsson og núna Baldur Þórhallsson þvo hendur sínar af ESB-umsókninni.

Árni Páll Árnason formaður Samfylkingar er tvístígandi yfir stöðu mála og er farinn að gagnrýna einarða ESB-sinna fyrir eintrjáningshátt.

Samfylkingin stendur frammi fyrir því vali að púkka upp á ESB-umsókn Össurar og sitja þar með uppi með ónýtt mál sem skilgreinir flokkinn og í leiðinni útilokar hann frá samstarfi eða láta umsóknina og Össur lönd og leið.

 

Athugasemdir

[Ásthildur Cesil Þórðardóttir, 9.3.2015 kl. 14:47]

Ekki syrgi ég þá stöðu sem komin er upp í ESB vitleysunni, en ég verð að viðurkenna að ég myndi sakna Össurar úr stjórnsýslunni.  Mér hefur alltaf þótt pínulítið vænt um karlinn og finnst hann skemmtilegur maður og hann hefur reyndar hjartað á réttum stað.

[Predikarinn - Cacoethes scribendi , 9.3.2015 kl. 23:16]

Það kemur á óvart að dr. Össur aka Skeggi skuli ekki skrifa hér gegn góðri greiningu þinni kæri Páll!