Píratar fá fokk-fylgið

Á hverjum tíma er í samfélaginu hópur fólks sem finnst allt í fokki og staða sín sérstaklega. Þetta fólk veitir óánægju sinni útrás með því að velja fyrir okkur hin ókræsilegasta kostinn sem í boði er hverju sinni.

Óánægjufylgið gerir sjaldnast út um kosningar, þó það komi fyrir, sbr. kosningasigur Jóns Gnarr á sínum tíma, en mælist iðulega í skoðanakönnunum. Útlátalaust er að segja hvurn fjandann sem vera skal lendi maður í úrtaki.

Fokk-fylgið mun ekki endast Pírötum fram að næstu kosningum.

Píratar í stórsókn

Athugasemdir

[Ómar Ragnarsson, 3.3.2015 kl. 08:15]

Mikið er nú þægilegt að afgreiða þá, sem eru ekki á sömu línunni og gamla flokkakerfið sem "ókræsilegt" undirmálsfólk. Þetta var strax sagt um Píratana vorið 2013 þegar þeir fengu aðeins örfá prósent í fyrstu skoðanakönnununum, og fylgi þeirra hefur vaxið jafnt og þétt síðan þá. 

Þeir tapa stórum hluta þessa fylgis í venjulegu kosningum, af því að þeirra heimavöllur til upplýsingaöflunar og skoðanaskipta er netið og netheimar og ný kynslóð hefur flest sitt þaðan. 

Það er hættulegt að afgreiða þetta unga og vel menntaða fólk sem ókræsilegt rusl. 

[Kristján G. Arngrímsson, 3.3.2015 kl. 09:11]

Svo má ekki gleyma þeim "sem finnst allt í fokki og staða sín sérstaklega" og veitir óánægjunni útrás í bloggi eins og skolpi í ræsi.

[Páll Vilhjálmsson, 3.3.2015 kl. 09:31]

Ómar, ég notaði hvorki orðið undirmálsfólk né rusl um Pírata, sagði þá aðeins ókræsilegasta kostinn enda eru þeir það að mínu mati. Það er löng saga af flokkum sem skjótast upp á stjörnuhiminn stjórnmálanna í skoðanakönnunum og brotlenda í kosningum.

Kristján, þú kemur reglulega hér inn á þetta blogg með nákvæmlega engar efnislegar athugasemdir. Leiðist þér ekki að verða í hlutverki geldingsins sem gerir ekki annað en að öfundast út í þá sem geta?

[Kristján Jón Sveinbjörnsson, 3.3.2015 kl. 09:35]

Það er veikleikamerki að afgreiða Pírata fyrirfram með þessum hætti,veruleikinn er sá að  til dæmis yngra fólkið lætur ekki bjóða sér sömu pólitikina og fyrri kynslóðir hafa gert og Píratar virðast ná til þess með sínum málflutningi og sannfærandi vinnubrögðum og það á mannamáli,internetið er alvöru vettvangur fyrir umræðu og skoðanaskipti. Spyrjum að leikslokum.

[Kristján G. Arngrímsson, 3.3.2015 kl. 09:47]

Jú, Páll, ég skal viðurkenna að það er ljótt af mér að koma hingað og vera með athugasemdir um þig - því að ég skal viðurkenna að athugasemdir mínar eru um þig en ekki það sem þu skrifar. Og maður á ekki að ráðast á þá sem liggja vel við höggi. Ég bið þig afsökunar á því.

En svo ég taki efnislega afstöðu svona í lokin þá er ég sammála Ómari í fyrstu athugasemdinni.

Láttu þér líða vel.

[Wilhelm Emilsson, 3.3.2015 kl. 09:48]

Ef það er rétt að stór hluti þeirra sem styðja Pírata hafa ekki fyrir því að mæta á kjörstað þá dæmir sá hópur sig sjálfkrafa úr leik.

[Ómar Bjarki Kristjánsson, 3.3.2015 kl. 10:14]

Er þetta ekki bara óbólusetti vagninn að skila sér í hús?

[Kristján Jón Sveinbjörnsson, 3.3.2015 kl. 11:08]

Gott hjá þér: Leiðist þér ekki að verða í hlutverki geldingsins sem gerir ekki annað en að öfundast út í þá sem geta?

Fyrst þú ert kominn á persónulegar nótur,þá passar þessi setning ansi vel við þig sjálfan vitandi af velgengni Pírata.

Einhverra hluta vegna er þessi velgengni Pírata að koma við þig persónulega og ég hef rekið mig í einhver kaun á þér,en þarna sannast aftur að þessir "gömlu" ráðast alltaf á persónuna þegar liggur þvert í þeim.

En hvar er efnið í þinni persónulegu "athugasemd" við mig?

Svo er annað sem gömlu hundarnir hafa notað í gegnum tíðina en það er ritskoðun,ef Páll þolir ekki skoðanir og skrif annarra en sjálfs síns þá má alltaf blokkera á bloggið.

Áfram Píratar!

[Kristján Jón Sveinbjörnsson, 3.3.2015 kl. 11:11]

Hérna eru góð skrif:

http://www.jonas.is/piratar-stydja-folkid/

[Páll Vilhjálmsson, 3.3.2015 kl. 11:28]

Kristján Jón Blöndal, ég var að svara Kristjáni G. Arngrímssyni hér að ofan, m.a. með þeirri líkingu sem þú tekur til þín. Þegar ég svaraði nafna þínum þá hafðir þú ekki enn tekið hér til máls.

Ég þekki engan Pírata persónulega og er þ.a.l. ekki að herja á þá sem einstaklinga heldur stjórnmálaafl.

[Ásgrímur Hartmannsson, 3.3.2015 kl. 16:57]

Margir eru nú verri en píratar.  Finnst mér opersónulega þeir skárri en helmingurinn af þessum, ef ekki þriðjungurinn.

Annars er lítil raunveruleg reynzla af þeim.

Þetta er ekkert neikvætt.

[Jack Daniel's, 3.3.2015 kl. 17:43]

Margur ber nú hundurinn hegðun eigenda sinna vitni og á það vel við um Pál Vilhjálmsson sem gjammar aðeins eftir skipun eigenda sinna og flokkslínu sjallalallaflokksins.

Aumara gerist það varla.

[Guðmundur Ásgeirsson, 3.3.2015 kl. 21:53]

Síðuhöfundur haldinn misskilningi.

Fokk fylgið mælist nú vera um 26,1%.

Það er þeir sem segja fokk jú við almenning.