Týnda hægrið er aula hægrið - flytur Benedikt J. til útlanda?

Benedikt Jóhannesson er ESB-sinni sem hrökklaðist úr Sjálfstæðisflokknum og ætlar að stofna flokk með því framtíðarnafni ,,Viðreisn". Skýrsla samin fyrir Benedikt fær umfjöllun í samfylkingarútgáfunni Kjarnanum undir fyrirsögninni Týnda hægrið með þessari skilgreiningu

einn hópur sem finnur sér hvergi heimili í því þjóðfélagi sem er í þróun hér á landi og það eru hófsamir hægri menn og allt að því jafnaðarmenn – „týnda hægrið.“

Hæfilegra nafn á þennan hóp er aula hægrið sem ekki getur gert upp á milli þess að kjósa Sjálfstæðisflokk, Samfylkingu eða Bjarta framtíð.

Sérstaklega fyndið atriði í skýrslunni, sem huldufyrirtækið Verdicta er skráð fyrir, er hótun um landflótta tvístígandi miðaldra fólks.

Þá segir að þessi hópur fólks íhugi í auknum mæli að flytjast af landi brott, því þeim finnist margt í stjórnun landsins andstætt þeirra grunngildum um hvernig landið eigi að þróast.

Þvílíkur missir það yrði fyrir okkur að miðaldra fólk í leit að lífsfyllingu skuli hverfa af landi brott. Við sofnum ekki vært í nótt með þessa ógn yfir okkur. Og hvaða land ætli sé framtíðarland íslenska aula hægrisins?

 

 

 

 

Athugasemdir

[Predikarinn - Cacoethes scribendi , 14.1.2015 kl. 21:02]

Það segir þú satt kæri Páll !

Ég mun ekki sofa rótt vegna þessa á næstunni - líklega missa mikinn svefn.

En farið hefur fé betra ef af verður að þessir villuráfandi sauðir flytjist í ESB-sæluna.

[Wilhelm Emilsson, 14.1.2015 kl. 21:36]

Ég er kannski með aulahúmor, en mér fannst þetta fyndið hjá ykkur, félagar 

En ef það er ekki pláss fyrir miðaldra sjálfstæðisfólk í leit að lífsfyllingu í Óskalandi Páls og Predikarans er ekki skilgreiningin á landinu orðin svolítið þröng? 

[Ragnhildur Kolka, 14.1.2015 kl. 22:54]

Það fer eins fyrir Þeim sem hóta síendurtekið og drengnum sem hrópaði "úlfur, úlfur". Að endingu hlustar enginn. 

Það væri meiri mannsbragur að því að framkvæma en væla þetta í sífellu.

[Jóhann Elíasson, 14.1.2015 kl. 22:58]

Benedikt hlýtur að fara til Þýskalands eða einhvers annars ESB-ríkis.Það hang allir aðrir en Þjóðverjar á horriminni í ESB "sælunni" svo Benni rugl hlýtur að fara til Þýskalands......

[Halldór Egill Guðnason, 15.1.2015 kl. 01:12]

Mikið væri nú gott ef umræðan þróaðist aðeins frá því "að taka menn niður" og yfir í það að ræða málefnin með rökum. Það getur hver sem er stundað skítkast, en það að kasta skít í einhvern sem kastaði skít í þig, gerir umræðuna skítlega og að lokum ómarktæka eða öfgafulla, í besta falli. Þess lags þras gagnast engum og endar með tómri vitleysu.

Góðar stundir, með kveðju að sunnan.