Sigmundur Davíð daðrar ekki við fasisma

Einn fárra Íslendinga sem var í Frakklandi og ræddi við þarlenda um Parísaródæðið er Haraldur Sigurðarson eldfjallafræðingur. Honum segist svo frá:

Eins og kunnugt er, þá voru öfgamennirnir, sem unnu hryðjuverkin í París í síðustu viku allir á skrá hjá lögreglu, bæði í Frakklandi og í Bandaríkjunum, sem vafasamir einstaklingar. Þeim hefið til dæmis aldrei verið hleypt inn til Bandaríkjanna. Fangelsun án laga og réttar er auðvitað eitt af fyrstu skrefum til fasisma, en margir Frakkar líta ekki á það sem stórt vandamál. Þeir vilja að ríkið geri eitthvað róttækt í málinu, til að forðast slíka atburði í framtíðinni. 

Á meðan Frakkland daðrar við fasisma vegna múslímskra öfgamanna er skiljanlegt að leiðtogar Evrópuríkja sem glíma við sambærilegt vandamál flykkist til Frakklands að fá línuna.

Ísland á hinn bóginn notar fullveldi sitt til að stöðva ógnina af múslímum við landamærin. Forsætisráðherra Íslands þarf ekki að daðra við fasisma.

Þekktist ekki boð Frakka

Athugasemdir

[Wilhelm Emilsson, 12.1.2015 kl. 07:11]

Í alvöru, Páll?

En þetta er ástæðan fyrir því að ég er dyggur lesandi. Maður heldur að þú getir ekki komið manni á óvart lengur, en þér tekst það sífellt :)

Ég tek það fram að þótt ég sé hvorki aðdáandi Sigmundar Davíðs né Framóknarflokksins í núverandi mynd--ég er laumuaðdáandi Jónasar frá Hriflu--þá finnst mér tal um að Sigmundur Davíð og Framsóknarflokkurinn daðri við fasisma ósannfærandi.

[Predikarinn - Cacoethes scribendi , 12.1.2015 kl. 07:53]

Hér er merkilegur listi um hryðjuverk múslima síðan 11. september árásirnar á tvíburaturnana - allt í nafni friðsömu trúarinnar eins og mönnum er tamt að lýsa trú Múhameðs :

http://www.thereligionofpeace.com/pages/christianattacks.htm

[Ómar Ragnarsson, 12.1.2015 kl. 08:19]

Nú væri ágætt að fá það staðfest frá forsætisráðherra sjálfum að það hafi verið meðvituð notkun á fullveldi Íslands að láta ekki sjá sig í París og að tilgangurinn með fjarvistinni hafi verið að "daðra ekki við fasisma"  eins og 60 aðrir þjóðarleiðtogar og fullrúar annarra þjóða hafi gert með því að taka þátt í göngunni.

[Eiður Svanberg Guðnason, 12.1.2015 kl. 10:09]

Það er varla þess virði, Ómar minn, að leggja  orð í belg um svona rugl.

[Jón Þórhallsson, 12.1.2015 kl. 10:12]

Mun sitjandi ríkisstjórn stöðva framgöngu múslima hér á landi (Eins og væri heppilegast)

eða

skaffa þeim lóð?

http://www.t24.is/?p=5993

[Ómar Bjarki Kristjánsson, 12.1.2015 kl. 11:15]

,,Þeir þjóðarleiðtogar sem tóku þátt í göngunni voru Francois Hollande, Frakklandsforseti, Angela Merkel, kanslari Þýskalands, David Cameron, forsætisráðherra Bretlands. Matteo Renzi, forsætisráðherra Ítalíu og Mariano Rajoy, forsætisráðherra Spánar.

Allir forsætisráðherrar hinna Norðurlandanna mættu, Helle Thorning-Schmidt, forsætisráðherra Danmerkur, Stefan Löfven, forsætisráðherra Svíþjóðar, Alexander Stubb, forsætisráðherra Finnlands og Erna Solberg, forsætisráðherra Noregs.

Forsetar Rúmeníu, Úkraínu, Sviss, Kosovo, Mali, Gabon, Níger, Benín og Palestínsku sjálfstjórnarsvæðanna mættu.

Konungshjón Jórdaníu, Abdullah II og Rania mættu auk Sjeiksins af Katar, Mohamed Ben Hamad Ben Khalifa Al Thani.

Þá mættu forsætisráðherrar Póllands, Belgíu, Hollands, Grikklands, Írlands, Portúgals, Tékklands, Slóvakíu, Lettlands, Búlgaríu, Ungverjalands, Króatíu, Lúxemborgar, Möltu, Slóveníu, Albaníu, Tyrklands, Georgíu, Túnis og Ísrael

Utanríkisráðherrar Rússlands, Austurríkis, Alsír, Ísrael, Sameinuðu Arabísku furstadæmanna og Bahrein mættu 

Dómsmálaráðherra Bandaríkjanna, Eric Holder, tók ekki þátt í göngunni þó hann væri í París. Sendiherra Bandaríkjanna í París tók hins vegar þátt sem og Steven Blaney, ráðherra almannaöryggismála í Kanada.

Loks má nefna Jens Stoltenberg, framkvæmdastjóra NATO, Jean-Claude Juncker, forseta framkvæmdastjórnar Evrópusambandsins, Martin Schulz, forseta Evrópuþingsins og Donald Tusk, forseti leiðtogaráðs Evrópusambandsins."

 

http://www.ruv.is/frett/leidtogar-32-evropurikja-i-parisargongu

[Jón Ragnarsson, 12.1.2015 kl. 12:46]

Ég er búinn að lesa þetta innlegg þrisvar, og skil ennþá ekki hvað Páll er að reyna að segja. 

[Magnús Helgi Björgvinsson, 12.1.2015 kl. 21:56]

Er menn með á hreinu hvað fasismi er? Nú skv. visindavefnum er fasismi: "Fasismi er heiti á alræðistefnu í stjórnmálum sem byggir á andstöðu við lýðræði og einstaklingsfrelsi." Sé ekki hvað hryðjuverk í París og samstöðuganga gegn mismunun og hryðjuverkum hefur nokkuð að gera með fasisma! Og hvaða bull er þetta með landamærin hjá okkur? Við bönnum ekki múslimum að flytja hingað ef þeir eru fæddir og uppaldir í Evrópu og er ekki viss um að þeir séu spurðir um trúarskoðun ef þeir sækja um búsetu og atvinnuleyfi ef þeir koma utan Evrópu. Skárra væri það nú. Hér er trúfrelsi.