Múslímar afhjúpa mótsögn okkar

Veraldlegt samfélag, þ.e. samfélag þar sem trúin er einkamál hvers og eins, líkt og tíðkast á vesturlöndum, fær ekki staðist án tjáningarfrelsis.

Án tjáningarfrelsis væru önnur mannréttindi einskins virði. Eina leiðin til að komast að niðurstöðu um mannréttindi í veraldlegu samfélagi er með opinberri umræðu.

Tjáningarfrelsi felur í sér að einstaklingurinn ber ábyrgð á orðum sínum fyrir veraldlegum lögum og dómstólum. Háð og ádeila eru ómissandi þáttur í orðræðunni sem er undirstaða veraldlega samfélagsins.

Múslímar skilja ekki háð og ádeilu enda vestrænt lýðræði framandi þorra þeirra.

Að ímynda sér, eins og fjölmenningarsinnar gera margir, að múslímasamfélag fái þrifist í vestrænu samfélagi er beinlínis rökleg mótsögn.

Blóðbaðið í París skerpir á þeirri bláköldu staðreynd múslímatrú, eins og hún er skilin og iðkuð af ótölulegum fjölda, er ósamrýmanleg veraldlegu samfélagi.

Það sem verra er: veraldlegt samfélag getur ekki bannað tiltekna trú. Slíkt bann er í algerri mótsögn við þau gildi sem veraldlegt samfélag stendur fyrir.

Afturhvarf frá veraldlegu samfélagi, t.d. í átt að kristinni bókstafstrú, er ekki raunhæfur valkostur. Trúarsannfæring sprettur ekki upp úr valdatafli veraldarhyggju og öfgatrúar. 

Bjargir veraldlega samfélagins eru fáar. Nema, vel að merkja, þegar veraldlega samfélagið er rekið innan þjóðríkis, líkt og á Íslandi, þar sem fullvalda samfélag tekur ákvörðun um hvort og á hvaða forsendum skuli breyta samsetningu þegnanna. 

 

 

 

Ritstjóri og þrír teiknarar létust

Athugasemdir

[Þorgeir Ragnarsson, 7.1.2015 kl. 18:52]

Vel sagt.

[Wilhelm Emilsson, 7.1.2015 kl. 22:07]

Páll skrifar: „Bjargir veraldlega samfélagins eru fáar. Nema, vel að merkja, þegar veraldlega samfélagið er rekið innan þjóðríkis, líkt og á Íslandi, þar sem fullvalda samfélag tekur ákvörðun um hvort og á hvaða forsendum skuli breyta samsetningu þegnanna."

Þetta er svolítið loðið. Ef Páll hefur tíma gæti hann gefið okkur dæmi um hvers konar breytingar á „samsetningu þegnanna" hann á við?  

[Andrés.si, 8.1.2015 kl. 00:26]

Ertu ekki kennari sem kennir börnum sögu? 

[Páll Vilhjálmsson, 8.1.2015 kl. 08:03]

Wilhelm, tilvitnuð efnisgrein reynir að koma þeirri hugsun til skila að fullvalda veraldlegt þjóðríki, t.d. Ísland, er í betri færum en sambandsríki eins og Evrópusambandið að ákveða m.t.t. aðstæðna sinna hvort og hvernig landamærin skuli opnuð öðrum og þá hverjum og á hvaða forsendum.

[Wilhelm Emilsson, 8.1.2015 kl. 08:06]

Takk fyrir athugasemdina, Páll. Ég skil merkinguna betur núna.

[Hjálmtýr V Heiðdal, 8.1.2015 kl. 11:46]

Eru múslimar á Íslandi samsekir í morðunum í París Páll? Eru þá kristnir menn  samsekir í árásarstríði BNA í Írak/Afghanistan? Það má ráða af orðum þínum að næsta skref sé að banna Islam á Íslandi. Er það rétt mat?