Engin verðbólga, full atvinna - en samt væl

Kaupmáttur eykst hröðum skrefum þegar engin er verðbólgan. Atvinnuleysi er lítið sem ekkert en það þrýstir launum upp á við - veldur launaskriði.

Undir þessum kringumstæðum þykjast sumir forkólfar verkalýðshreyfingarinnar ætla að herja á ríkisstjórnina, í stað þess að rúlla út rauða teppinu og þakka Sigmundi Davíð og Bjarna Ben. trausta stjórn á þjóðarskútunni.

Vælið í ASÍ gagnvart ríkisstjórninni stafar kannski af því að verkalýðshreyfingin á í gegnum lífeyrissjóði drjúgt í stærstu fyrirtækjum landsins. Óraunhæfar launakröfur gætu þýtt skertar lífeyrisgreiðslur. En þá er um að gera að láta ríkissjóð blæða.

 

Verðbólga ekki minni í tvo áratugi

Athugasemdir

[Jack Daniel's, 20.12.2014 kl. 10:47]

Og þú trúir þessu bulli?
Minn kaupmáttur hefur ekkert aukist og á enn eftir að minnka með aðgerðum stjórnvalda.

[Guðmundur Ásgeirsson, 20.12.2014 kl. 13:52]

Verðhjöðnun rokkar feitt. Að minnsta gerir hún það á Íslandi alveg eins og í öllum öðrum löndum heimsins með jafn útbreidda verðtryggingu!

Hvað ætli forsvarsmönnum ASÍ sem fundu því allt til foráttu að frysta vísitöluna haustið 2008 til að vernda heimilin, finnist um að núna þegar vinstri stjórnin þeirra er ekki lengur að handstýra vísitölunni upp á við sé hún einmitt frosin? Getur verið að enginn hlutaðeigandi einstaklinga viti einu sinni hvað er mikið af peningum í umferð sem mynda þessa verðbólgu, eða hvernig þeir verða til og hvað áhrif verðtryggingin hefur á það?

Getur verið þeir sem skammta sér ofurlaun fyrir að "gæta hagsmuna alþýðu" fálmi bara í myrkri og hafi ekki enn fundið ljósarofann?

Ég ætla allavega að halda heilög fyrstu verðbólgulausu jólin frá því að ég fæddist sem var skömmu áður en tvö núll voru felld brott af krónunni.

[Predikarinn - Cacoethes scribendi , 20.12.2014 kl. 15:26]

Jack Daniels

Það hlaðast upp vísbendingar um margra mánaða skeið að þú sért einn þeirra sem geta ekki lesið sér til gagns samanber PISA könnunina.

Þá ertu lítið ftyrir að byggja mál þitt upp með staðreyndum eins og dæmi hafa sýnt. Hér er engin undantekning á því.

[Gunnlaugur I., 20.12.2014 kl. 20:52]

Jack Daniels, finnst betra að vaða vinstri elginn og neita staðreyndum af því að það hentar honum og hans steinrunna vinstri veruleika.

Neitar að horfast í augu við gríðarlegan uppgang efnahagslífsins sem kemur öllum til góða, almennu launafólki og ekki hvað síst þeim lægst launuðu.

En honum og ASÍ forystunni svíður þetta gríðarlega mikið og því berja þau hausnum við steininn !

[Óskar Helgi Helgason (IP-tala skráð) 20.12.2014 kl. 21:50]

Sæll Páll - sem og aðrir gestir þínir !

Predikari og Gunnlaugur I., !

Svona - ykkur til nokkurrar hugfróunar: vil ég ''gleðja'' alla þá / sem sjá veröldina í Svart / Hvítu einungis: með því: að minn gamli og góði fornvinur, Jack Daniel´s hefir aldrei tyllt sér á bekki vinstra hyskisins fremur en miðju- moðs klúbbs, vina ykkar.

Jack (Hrafnkell): er fyrst og fremst liðsmaður mannúðar og réttlætis / og margfalt mildari að öllu upplagi en ég undirritaður og aðrir Falangistar (liðsmenn: Francós Ríkismarskálks Spánar - og þeirra Gemayel feðga (Kristinna Maroníta) í Líbanon) - en jafnframt er Jack mun umburðar lyndari að öllu upplagi / en ég til að mynda: jafnframt.

Og - Keli mætti vera hálfu harðorðari í garð þeirra himpigimpa en hann er (Jóhönnu og Steingríms J. / svo og Sigmundar Davíðs og Bjarna), sem farið hafa hér með Eldum skemmdarverkanna: undanfarin liðlega 5 ár / og var nú af nægu að taka - árin og áratugina þar á undan, einnig.

Þannig að: vindhögg ykkar félaga í garð Kela vinar míns / missa svo gjörsamlega marks, piltar.

Með beztu kveðjum sem oftar - af Suðurlandi /