Femínismi hækkar sjálfsmorðstíðni

Vélrænt jafnfrétti, sem engan greinarmun gerir á konum og körlum, eykur sjálfsmorðstíðni, eins og best sést á tölfræði frá Norðurlöndum. Á þessa leið varar forsætisráðherra Tyrkja, Ahmet Davutoglu, við jafnrétti, samkvæmt Díe Welt.

Í frétt þýsku útgáfunnar er vefengt að orð Tyrkjans standist skoðun. Vitnað er í sjálfsmorðstíðni í Noregi og Svíþjóð.

Á hinn bóginn er tilfellið, segir í þýsku fréttinni, að trúuð samfélög, t.d. í Suður-Evrópu og ríki múslíma, sýna lægri sjálfsmorðstölur en veraldleg samfélög á Norðurlöndum þar sem trúin er einkamál og samfélagslegt aukaatriði.

Durkheim fjallaði um sjálfsmorð fyrir öld og greindi þá þegar mun á sjálfsmorðum meðal mótmælenda annars vegar og hins vegar kaþólikka. Í löndum mótmælenda er litið svo á að sjálfsmorð sé einkamál, samanber dánartilkynningu í norsku blaði þar sem fjölskylda kveður eiginmann og föður með þeim orðum að hann hafi þjáðst í þögninni og taki með sér í gröfina svörin við spurningum ástvina. Í trúarlegu tómi er kveðjan rökrétt. Trúaðir taka annan pól í hæðina og þvertaka fyrir rétt einstaklingsins að fyrirfara sér.

Trúaðir kaþólikkar og múslímar fremja síður sjálfsmorð af tveimur ástæðum. Í fyrsta lagi vegna trúarlegrar fordæmingar á athæfinu og í öðru lagi sökum þess að trúin eykur samheldni fjölskyldunnar og gefur öllum hlutverk, karli, konu og börnum.

Trúaðir múslímar og kaþólikkar líta á femínisma sem tilræði við samfélagið.

Athugasemdir

[Ásgrímur Hartmannsson, 7.12.2014 kl. 14:05]

Mig reyndar er farið að gruna að trúaðir skrái sjálfsmorð frekar bara sem slys, ef það er hægt, eða klóra yfir þau einhvernvegin öðruvísi.

Vegna þess að skömmin er lifenda.

[Jón Þórhallsson, 7.12.2014 kl. 15:55]

Sæll Páll ert þú og framsóknarflokkurinn þinn ennþá fylgjandi því að 2 karlar megi giftast?