Engin Viðreisn hjá Þorsteini

Í kvöldfréttum RÚV á miðvikudag var plöntuð frétt um að flokkur Sveins Andra Sveinssonar og Benedikts Jóhannessonar, Viðreisn, muni bjóða fram í þingkosningum 2017. Fréttin var gróðursett í RÚV til að styrkja stöðu Ragnheiðar Ríkharðsdóttur í baráttunni um ráðherradóm í Sjálfstæðisflokknum.

Þorsteinn Pálsson er samverkamaður Benedikts og Sveins Andra í Viðreisn. Ætla mætti að hann nýtti tækifærið á opnum fundi að auglýsa nýja stjórnmálaaflið. En Þorsteinn þagði þunnu hljóði um Viðreisn sem kvöldið áður fékk 15 sek. kynningu í þjóðarútvarpinu.

Líkleg skýring á þögn Þorsteins um Viðreisn er að þegar hann tók til máls um umræðuhefðina í íslenskum stjórnmálum var búið að ákveða að Ólöf Nordal yrði innanríkisráðherra.

Það er svo önnur pæling hvers vegna RÚV beitir sér í innanflokkserjum í Sjálfstæðisflokknum með jafn óskammfeilnum hætti og raun er á.  

Nárotta sem þurfti að kaghýða

Athugasemdir

[Ómar Ragnarsson, 5.12.2014 kl. 13:45]

Það vill svo til að á útmánuðum 2007 voru tvö ný framboð hugsanleg, framboð aldraðra og Íslandshreyfingin. Greinilegt var að fjölmiðlar vildu fylgjast vel með og blaða- og fréttamenn hringdu daglega til að kreista fram nýjar fréttir og helst að verða fyrstir með þær, enda ævinlega frétt ef nýtt framboð bætist við, - eða það sýndist mér þá. 

En er svo að skilja á umræðunni hér að fjölmiðlar eigi að forðast að sækjast eftir slíkum fréttum vegna hættunnar á því að sá  sem komi fyrstu með þær, sé talinn þar með orðinn að áróðurstæki fyrir viðkomandi framboð. 

[Helga Kristjánsdóttir, 5.12.2014 kl. 15:24]

 Endilega koma með fréttir sem tilkynna framboð Esb,sinna 2017,þannig er Rúv og verður ekki viðreist til hlutleysis. Best væri að það hætti starfsemi,það væri mikill léttir.