Bretar hætta í ESB - spurning um útfærslu

Ef evran fellur, þá fellur Evrópusambandið. Til að bjarga evrunni verður Evrópusambandið að stórauka miðstýringuna á ríkisfjármálum ríkjanna 18 sem búa við gjaldmiðilinn. Bretland er ekki eitt af þessum 18 ríkjum og mun yfirgefa Evrópusambandið á næstu árum.

Eftir útgöngu Breta, sem ómögulegt er að segja til um hvenær verður og ekki heldur hvernig, verður Evrópusambandið meginlandsbandalag stórríkja undir forystu Frakka og Þjóðverja. Á tímum Napoleón í byrjun 19. aldar náðu Frakkar forræði yfir Vestur-Evrópu um hríð. Þjóðverjar stjórnuðu sama svæði í upphafi seinna stríðs. Í báðum tilfellum stóðu Bretar utan og tóku þátt í að leysa Evrópu undan viðjum harðstjóra.

Á meginlandinu er gert hróp að Bretum fyrir að beygja sig ekki undir vald Brussel, París og Berlín. Hvorki atyrði né blíðmælgi breyta hlutlægum staðreyndum: evran sundrar Evrópusambandinu sökum þess að hún krefst miðstýringar á ríkisfjármálum aðildarríkja.  

Vill að Bretar gerist aðilar að EES

Athugasemdir

[Helga Kristjánsdóttir, 27.11.2014 kl. 07:34]

  Góðu genin Breta,falla svo vel að hugmyndum okkar og efla gömul góð samskipti við þá. Gamla stórveldið getur lært af ungu eyþjóðinni í vestri.