Að trúa á morð, 1914 og 2014

Fyrir hundrað árum hófst fyrri heimsstyrjöld með því að stærstu Evrópuríkin ákváðu að vegna smáríkis í suðausturhluta álfunnar, Serbíu, skyldu vopnin tala frá Ermasundi til Úralfjalla. Í flestum löndum sameinuðust stjórnmálamenning og dægurmenning í stríðsákafa.

Stríðslöngun er fyrirbrigði sem gýs upp við kringumstæður velmegunar. Vestur-Evrópuríki í byrjun 20. aldar nutu meiri og almennari lífsgæða en fyrr þekktist. Engu að síður tóku ungir menn tækifærinu fagnandi að skrá sig í herinn til að drepa aðra unga menn.

Evrópskir fjölmiðlar í dag, t.d. Spiegel og BBC, segja frá þúsundum múslíma í Evrópu sem skrá sig í stríð í Mið-Austurlöndum þar sem einn meiður múslímatrúar, kenndur við súnní, lætur sér ekki vel líka að beygja sig undir veraldlegt vald.

Stríðsgleðin ágústdagana 1914 breyttist fljótt í blóðvættar forarvilpur í Flandri. Eftir fjögurra ára stríð var heimurinn ekkert betri en tíu milljónum ungra manna fátækari. Hætt er við að átökin í Mið-Austurlöndum skili engu nema ótímabærum dauða ungra manna.

 

 

 

 

Athugasemdir

[Jón Bjarni, 16.11.2014 kl. 20:49]

Lagðir þú ekki til ákveðna lausn um daginn... bomba þetta bara með kjarnorkusprengju?

[Gestur Páll Reynisson, 16.11.2014 kl. 22:06]

Var nasisminn afleiðing velmegunar í Þýsklandi?

[Jón Valur Jensson, 17.11.2014 kl. 00:51]

Ofmælt er, að eymdin hafi verið mest í Þýzkalandi um og eftir 1930. Langtum FÆRRI byggingar og mannvirki höfðu verið eyðilögð í því landi en í Frakklandi í Fyrri heimsstyrjöld.

Menn verða að gera sér grein fyrir spillingaráhrifum rangra hugmynda, haturs- og lygaáróðurs, en allt þetta fer gjarnan saman. Það var, með öðrum orðum, alls ekki einber ökónómía sem var völd að valdatöku nazista, nánast með mkanískum hætti, heldur var það huglægi þátturinn sem í raun var sterkastur.

Jafnvel hér, á okkar fámenna landi, eiga menn ekki endalaust að tuða í tilbúinni óánægju (sem nálgast fljótt sefasýki) gegn stjórnvöldum, krónunni, sjávarútveginum eða t.d. Framsóknarflokknum, sem aldrei lofaði 300 milljörðum króna í skuldaleiðréttingu almennings, en er þó að gera eitthvað verulegt í því máli núna.

En ég hlakka til að sjá Sigmund Davíð hrinda því í framkvæmd, sem hann ætlaði sér í raun og veru með afganginn af 300 milljörðunum -- landinu öllu til gagns, gegn hrægammasjóðunum. -->  http://kjarninn.is/leidrettingin-sattmali-kynsloda-eda-greidsla-fyrir-valdataumana --- og hér: http://kjarninn.is/leidrettingin-sattmali-kynsloda-eda-greidsla-fyrir-valdataumana (2,39 mín. búturinn úr viðtali tveggja í Kastljósi við Sigmund Davíð 10. apríl 2013).

[Jón Valur Jensson, 17.11.2014 kl. 00:53]

... nánast með mekanískum hætti ...