Valdefling DV og RÚV - æra blaðamanns

Stóra lekamálið er rekið af mestu offorsi af DV og RÚV. Leiðari DV í dag tekur af öll tvímæli að blaðið telur sig þess umkomið að ákveða hverjir skulu ráðherrar á Íslandi og hverjir ekki. Ritstjóri DV er nýkominn til starfa frá RÚV sem fylgir eftir DV í málinu, oft með hálfkveðnum vísum og slúðri. 

Ritstjóri DV teflir fram tveim blaðamönnum sem riddurum sannleikans í stóra lekamálinu, sem snýst jú um leka á ,,viðkvæmum persónuupplýsingum" úr innanríkisráðuneyti, eins og segir í dómi héraðsdóms.

Annar blaðamannanna sem ritstjóri DV flaggar, Jón Bjarki Magnússon, er nýverið í tvígang dæmdur í Hæstarétti Íslands fyrir ærumeiðingar, sjá hér og hér.

Setjum málin í rétt samhengi:

Gísli Freyr Valdórsson er dæmdur í héraðsdómi fyrir að bera út viðkvæmar persónuupplýsingar. Hann fær fangelsisdóm, missir vinnuna og er úthrópaður í samfélaginu. Jón Bjarki Magnússon blaðamaður DV er dæmdur ærumorðingi í Hæstarétti, ekki einu sinni heldur tvisvar. Hann er hvorki rekinn úr starfi né krafinn um opinbera afsökunarbeiðni. Nei, þvert á móti, ærumorðingi DV er gerður að alþýðuhetju.

Afsakið meðan ég æli.

 

Athugasemdir

[Baldinn, 14.11.2014 kl. 14:36]

Er ekki komið í ljós að það sem DV skrifaði var að mestu rétt og satt.  Aftur á móti hafa þín skrif mest verið bölvað bull en skíringin er kanski komin þar sem þú varst með ælupest

[Páll Vilhjálmsson, 14.11.2014 kl. 14:58]

 Baldinn, þú ert ómerkingur sem ekki þorir að koma fram undir nafni. Skammastu þín.

[Wilhelm Emilsson, 14.11.2014 kl. 18:08]

Baldinn, þú ert búinn að koma Páli úr jafnvægi. En honum fer svolítið vel að vera svona æstur.

Einn góðan koss svo getið þið sæst á ný.

Við brúsaspallinn fyrirgefst mörg sökin.

En komdu endilega fram undir nafni, Baldinn.  

[Elfar Aðalsteinn Ingvarsson (IP-tala skráð) 14.11.2014 kl. 21:49]

Já Páll, samfélagið er tilbúið að sætta sig við ýmislegt til þess að flórnum er mokað einstaka sinnum út úr þjóðfélaginu.

Er ritstjóri Morgunblaðsins ekki líka dæmdur ærumorðingi annars?

[Helga Kristjánsdóttir, 15.11.2014 kl. 03:01]

  Ég veit ekki hvað ég er búin að líta hér oft inn,til að kanna hvort einhver hefði lýst einstaklega froðu,heppnum athugasemdum. 
 

[Ólafur Ingi Hrólfsson, 17.11.2014 kl. 02:54]

Páll - hugleysingjarnir sem þora ekki að koma fram undir nafni eru eki svaraverðir. Þegar fólk gerir slíkt þá skammast það sín fyrir skoðanir sínar eða skrifar þvert á þær. - undarlega innrætt lið.

Vilhelm - rúsa SPALLINN ?

[Ólafur Ingi Hrólfsson, 17.11.2014 kl. 02:57]

gerði sjálfur innsláttarvillur -  eki á að vera ekki ´- rúsa SPALLINN á að vera brúsa SPALLINN 

[Wilhelm Emilsson, 17.11.2014 kl. 03:24]

Ekkert mál, Ólafur Ingi. Já, þetta átti að vera „brúsapallinn" hjá mér!