Forstjórafrekjan og friðurinn á vinnumarkaði

Við hrunið sló á forstjórafrekjuna sem útrásin fóstraði. Á síðustu misserum virðist þessi frekja vaxa á ný.

Forstjórafrekjan lýsir sér í sjálftekt í launum og starfskjörum. Að forstjóri í opinberu fyrirtæki geti keypt handa sér jeppa á annan tug milljóna er fáheyrt.

Það er á ábyrgð stjóra fyrirtækja, bæði opinberra og einkafyrirtækja, að halda aftur af forstjórafrekjunni. Gangi hún laus er úti um friðinn á vinnumarkaði.

 

Strætó skilar bíl framkvæmdastjóra

Athugasemdir

[Kolbrún Hilmars, 8.11.2014 kl. 16:29]

Almenn (lesist:venjuleg) einkafyrirtæki geta ekki leyft sér slíkan munað.  Aðeins þau sem eru opinber og/eða lífeyrissjóðatengd.

[corvus corax, 8.11.2014 kl. 21:52]

Það er nú reyndar furðulegt að þessi framkvæmdastjóri skuli fá að gegna þessu starfi sem hann er greinilega engan veginn fær um. Fær sér milljóna jeppa á kostnað almennings án þess að hafa til þess heimild frá yfirstjórn fyrirtækisins. Þetta er sjálftaka verðmæta og heitir á góðri íslensku þjófnaður!

[Gunnar Heiðarsson, 9.11.2014 kl. 08:40]

Kannski hefði mátt deila þeirri upphæð sem forstjórinn gaf fyrir bílinn til þeirra fyrirtækja sem reka bílana sem aka fyrir strætó. Hugsanlega gætu þá þessi fyrirtæi haft efni á að kaupa ljósaperur í bílana sem notaðir eru til verksins. Þá þyrfti maður ekki að mæta Akranesstrætónum nánast ljóslausum, í svarta myrkri á morgnana.