Ríkið á ekki að gefa eftir læknum - og ekki setja lög

Læknar fara fram á 30 prósent launahækkun. Það er einfaldlega ekki í boði enda færi þá allt á annan endann í samfélaginu. Það á heldur ekki að setja lög á læknaverkfallið.

Læknar fara í verkfall af háttvísi til að leggja áherslu á kröfur sínar og gera ráðstafanir til að enginn í neyð bíði tjón af. Verkfall fram á vor gefur góðan tíma til að fara yfir málin og hann ætti að nýta vel.

En læknar verða að átta sig á því að það þýðir ekki að framvísa launaseðlum frá Noregi og Svíþjóð sem rök fyrir kauphækkun á Íslandi - og tilgreina aðeins grunnlaunin.  

Samningar lækna eru þess eðlis að grunnlaun segja minna en hálfa söguna. Í gegnum tíðina eru búnar til óteljandi matarholur fyrir lækna sem gera grunnlaun ómarktæk.

Læknar eru hálaunaðir ríkisstarfsmenn og verða það áfram þótt þeir fái engar launahækkanir. 

Ríkið gefi eftir í læknadeilu

Athugasemdir

[Púkinn, 30.10.2014 kl. 11:08]

Sumir læknar eru hálaunaðir - aðrir ekki.

Finnst þér eðlilegt að nýútskrifaður læknir sem hefur störf á Landspítalanum og hefur engar aðar tekjur (vinnur ekki að hluta á einkastofu t.d.) sé með mun lægri laun en nýútskrifaður viðskiptafræðingur sem hefur störf á skrifstofu spítalans á sama tíma ?

[Vilhjálmur Örn Vilhjálmsson, 30.10.2014 kl. 11:26]

Páll Vilhjálmsson, þú verður að hugsa um börn læknanna. Þau eru að dragast aftur úr öllum öðrum læknabörnum. Nýjustu fréttir herma að fátækt íslenskra læknabarna sé mest meðal velmegandi þjóða og hafi aukist mjög eftir 2008.

Hugsaðu um fátæku börnin Palli! Eiga læknaforeldrar þeirra ekki að hafa ráð á stofu í læknamiðstöðinni í Kópavogi. Eiga foreldrar þeirra ekki að eignast hlut í þessum 18.000 fermetrum???

Þú ert vondur maður, Páll!

[Eyjólfur Jónsson, 30.10.2014 kl. 11:28]

Bara að borga læknum og það straks. Það eru til peningar, fullt af peningum, það þarf bara að sækja þá!!

[rhansen, 30.10.2014 kl. 11:56]

Algjörlega sammála þer Pall ..og aldrei hefði mer dottið i hug að eg lifði það að sja Islenska lækna stofna lifi og limum fólks i hættu og leggja i verkfallsaðgerðir !!! ...það er með þetta mál eins og ótal önnur ...það vantar stærsta hluta sögunnar svo hun se RETT SÖGÐ !!!   ....og þetta er ekki til sóma heilbrigðisstett ....

[Elfar Aðalsteinn Ingvarsson (IP-tala skráð) 30.10.2014 kl. 14:31]

Bíðið við, hvað var það sem framhaldskólakennarar fengu í heildina úr síðustu samningum sínum?

[Róbert Björnsson, 30.10.2014 kl. 15:24]

Legg til að læknanám á Íslandi verði stytt í 2 ár með áherslu á nálastungur, hómópatíu og heilunar-meðferðir. Þjóðkirkjuprestar gætu svo séð um erfiðustu tilfellin á spítölunum með fyrirbænum og exorsisma.

Við það yrðu núverandi kjör heilbrigðisstarfsfólk að teljast rausnarleg og veruleikafirrta íhalds-pakkið fengi loks þá læknisþjónustu sem það á svo sannarlega skilið!

[Elle_, 30.10.2014 kl. 17:13]

Eins og Eyjólfur sagði, það á að borga læknunum og það strax.  Næst lögreglu og slökkviliði.  Það átti líka að borga kennurum miklu fyrr í staðinn fyrir að draga verkfallið sem bitnaði mest á ungmennum.

[Halldór Egill Guðnason, 31.10.2014 kl. 00:48]

Verkalýðsforystan og verkalýðsbaráttan á Íslandi snýst orið um það eitt að etja stéttum saman. Aumkunnarleg staða sem komin er upp í þessum málum og forystu verkalýðshreyfingarinnar síst til sóma, frekar en visðsemjendum þeirra og hvað þá stjórnvöldum.