Konum fjölgar í læknastétt og launin lækka

Kennarastéttin lækkaði í launum þegar konur urðu þar í meirihluta. Sama gerist hjá læknum. Um aldamót voru konur um 20 prósent lækna en hljóta núna að vera fast að helmingur.

Lögmálið um að kvennastéttir beri minna úr býtum en karlastéttir er meitlað í stein.

Vörubílstjórar og smiðir fá æ hærri laun en læknalaun lækka.

Sigurveig: Ekki bjartsýn fyrir fundinn

Athugasemdir

[Gunnar Heiðarsson, 27.10.2014 kl. 19:44]

Inntak þessa bloggs hjá þér á auðvitað að vera að kvennastéttir eigi erfiðara uppdráttar en karlastéttir, þegar kemur að kjarabótum. Í sjálfu sér má taka undir það.

Að taka vörubílstjóra og smiði sem dæmi um þetta er aftur umhugsunarvert og illmögulegt að sjá hvert samhengið þar á milli er, hjá þér Páll.

Byrjunarlaun vörubílstjóra eru 216.500 kr/mán. eða heilum 1.500 kr. yfir lágmarkslaunum. Þeir sem endast í þessu starfi í 7 ár eða lengur, eiga hins vegar rétt á starfsaldursuppbót upp á  7.428 kr/mán.

Þessi hópur fékk launahækkun upp á 2,8% í síðustu kjarasamningum, eða sem svarar tæpum 6.000 kr/mán.

Það hljóta að vera einhverjar aðrar svokallaðar karlastéttir sem betur eru fallnar til nota í þessum samanburði þínum.

[Páll Vilhjálmsson, 27.10.2014 kl. 20:49]

Sennilega er þetta rétt hjá þér Gunnar. Þó með þeim fyrirvara að ASí-taxtar eru lágmarkstaxtar sem nær alltaf eru yfirborgaðir þegar þokkalega árar í atvinnumálum.

En ég tók dæmi um vörubílstjóra og smiði þar sem fáar konur eru í þessum starfsgreinum og átti vitanlega við hlutfallslega hækkun þeirra m.v. lækna.

[Elle_, 27.10.2014 kl. 22:28]

Er það ekki bara týpískt í landinu að lækka og lækka laun lækna eftir því sem ábyrgðin, álagið og stressið eykst á þá?  Í lögreglu og slökkviliði eru yfirgnæfandi menn, á Íslandi með skammarleg laun miðað við ábyrgð, álag, hættu og stress, og miðað við vestræn lönd. 

Við verðum endilega að missa allt hæfasta fólkið úr landi.

[Helga Kristjánsdóttir, 28.10.2014 kl. 03:24]

Öll vinna er nær 100% val og/eða geta. Kannski missum við einhverja úr landi,en ég fagna einum sérstaklega úr vinahópi barna minna nágranni og skólabróðir þeirra. Unir hag sínum vel hér eftir áralangt sérfræðinám í læknavísindum,bæði í BNA. og Kanada.

[Elle_, 28.10.2014 kl. 14:30]

Stór hluti af lærðu fólki flúði land og fór úr landi samt, þar með talið stór hluti lækna.  Það var það sem ég var að vísa í.  Það koma alltaf einhverjir aftur til landsins.  Það væri nær að landsölumennirnir færu en þeir vilja mest bara vera og vinna við að gefa fullveldið erlendum veldum.

[Helga Kristjánsdóttir, 28.10.2014 kl. 17:05]

....Og það ætlum við að hindra með öllum ráðum alla vega neðan ég tóri!! Kannski lengur !??!