Forstjóralaun ASÍ

Verkalýðshreyfingin er ásamt Samtökum atvinnulífsins meira og minna ráðandi í atvinnulífinu frá því eftir hrun í gegnum lífeyrissjóðina. Á þessum tíma er búið að ákveða kaup og kjör æðstu stjórnenda helstu fyrirtækja landsins - mörgum sinnum.

Að Alþýðusambandið skuli núna, sex árum eftir hrun, klóra sér í rassgatinu og velta fyrir sér hvort það eigi að setja þak á laun stjórnenda, sem lífeyrissjóðir ákveða, er sorglegur brandari.

ASÍ er með skoðun á launum kennara og hvað aðrar starfsstéttir hins opinbera eiga að bera úr býtum; ASÍ rekur sína eigin utanríkisstefnu, vill Ísland í ESB, - en er til þessa dags ekki með neina skoðun á því hvað forstjórar fyrirtækja í eigu verkalýðshreyfingarinnar skuli vera með í laun.

ASÍ er sorglegt fyrirbæri.

 

 

Ræða þak á laun stjórnenda

Athugasemdir

[Þorgeir Ragnarsson, 22.10.2014 kl. 11:16]

Ágætir punktar.

[Helga Kristjánsdóttir, 22.10.2014 kl. 12:25]

Ragnar Þór Ingólfsson,er í stjórn ASÍ,hann á margar mjög góðar greinar hér á blogginu frá 2012 og fyrr. Nú býður hann sig fram gegn Gylfa,ef satt reynist sem ég heyrði.. Vonandi ljá aðilar honum brautargengi,hann er maðurinn sem launþegar þarfnast.