Íslenska leiðin til bjargar alþjóðhagkerfinu

Íslendingar ættu að vita það manna best að peningar snúast um traust. Krónan hefur látið á sjá vegna þess að við sem samfélag höfum ekki staðið vörð um grundvöll krónunnar og leyft innistæðulausa prentun á peningum með tilheyrandi vantrausti og verðbólgu.

Hvort það sé huggun harmi gegn, skal ósagt, en í alþjóðlegri umræðu hagspekinga er látið eins og hægt sé að peningaprenta sig úr vanda núllvaxtar. 

Í Telegraph segir Jeremy Warner að stórkanónur hagfræðinnar ráðleggi núna að fleyja peningum úr þyrlu til að auka eftirspurn í hagkerfum og ræsa þannig heimshagkerfið sem er í lamasessi.

Undir þessum kringumstæðum gæti íslenska krónan orðið traustasti gjaldmiðillinn í veröld víðri.

Veitir seðlabönkum of mikil völd

Athugasemdir

[Sigurjón Jónsson, 14.10.2014 kl. 09:33]

Það er alveg ljóst, eins og ég hef bent á alveg frá því að kreppan hófst, að eina leiðin til að minnka skuldirnar í heiminum er að keyra upp verðbólguna.

Með því rýrna allir sjóðir og lánin rýrna líka.

Þetta hljómar illa , en þetta er eina leiðin.

[Guðmundur Ásgeirsson, 14.10.2014 kl. 13:22]

"leyft innistæðulausa prentun á peningum með tilheyrandi vantrausti og verðbólgu"

Það er alveg í lagi að nota réttu orðin yfir þetta: verðtrygging útlána.

[Sigurjón Jónsson, 14.10.2014 kl. 13:32]

Einmitt ekki Guðmundur, það verður að taka verðtrygginguna úr sambandi. með aukinni verðbólgu tapar fólk innistæðum sínum og lánastofnanir verða að tapa samsvarandi. Annars verður engin lausn.

Vantraustið skiptir engu í þessu sambandi, það er ekkert traust hvort eð er á lánastofnunum og hagfræðingum.

Það þarf að höggva á hnútinn og það gerist ekki nema með rýrnun verðmætis peninga.