Kúltúrmunur hægri- og vinstrimanna staðfestur

Til skamms tíma réðu efnahagsmál mestu um hvort fólk skipaði sér til hægri eða vinstri í pólitík. Í einfaldaðri mynd þá stóð efnafólk til hægri í pólitík en það efnaminna til vinstri. Baráttan stóð um breiðu millistéttina; stjórnmálaflokkar sem náðu eyrum hennar áttu vísa fylgisaukningu.

Efnahagsmál skipta minni máli milli hægri- og vinstristjórnmála á seinni tíð. Meira ber á kúltúrmun, þar sem vinstriflokkar hallast til frjálslyndis en hægriflokkar til íhaldssemi.

Skoðanakönnun mmr á afstöðu til tilbeiðsluhúsa sýnir glöggt menningarmun eftir stjórnmálaskoðunum. Kjósendur Sjálfstæðisflokks og Framsóknarflokks eru hlynntir þjóðkirkjunni en andvígir byggingu mosku. Kjósendur vinstriflokkanna þriggja (Samfylkingar, Vg og BF) sýna þjóðkirkjunni minni stuðning en hægrimenn og eru hlynntari byggingu mosku.

Kjósendur í lægri tekjuhópum eiga meiri samleið með hægriflokkunum í menningarlegu tilliti, skv. könnuninni. Þeir efnameiri eru hlynntari mosku - og ætli þar sé ekki komið kósí-fólkið sem á peninga og kýs Bjarta framtíð. 

Á næstu árum mun pólitík meira snúast um gildismat en efnisleg verðmæti. 

Athugasemdir

[Ragnhildur Kolka, 9.10.2014 kl. 12:58]

Hárrétt greining hjá þér. Það er af sem áður var þegar vinstriflokkarnir eignuðu sér lítilmagnann, þótt annað slagið muni þeir eftir honum. Fylgi þeirra liggur nú hjá menntaelítunni sem dýrkar Dawkins og atvinnuleysið í ESB.

[Jón Þórhallsson, 9.10.2014 kl. 13:27]

Miðjuflokkurinn minn:

http://thjodarskutan.blog.is/blog/thjodarskutan/entry/1391968/

Hægri?

http://www.t24.is/?p=5993

Vinstri?

http://www.mbl.is/frettir/innlent/2013/09/19/bygging_mosku_samthykkt/

[Kolbrún Hilmars, 9.10.2014 kl. 15:48]

Að hluta til rétt greining.  Kjósendur í lægri tekjuhópum njóta lítils þegar vinstrið stjórnar því meiri áherslu leggur það á að rýra kjör þeirra "betur settu" en að bæta kjör hinna.   Við höfum launataxtana því til sönnunar.

Gildismat og menningarleg viðhorf fólks eru svo hvorki flokks- né tekjubundin.  En efnisleg verðmæti, svo sem örugg afkoma og þak yfir höfuðið, verða áfram eftirsóknarverð.  Fyrir allar stéttir.

[Ásgrímur Hartmannsson, 9.10.2014 kl. 16:39]

"vinstriflokkar hallast til frjálslyndis en hægriflokkar til íhaldssemi."

Oh do tell.

Ég heyri aldrei annað frá vinstrimönnum en: "við getum ekki leyft þetta!" "Þetta þarf að banna," "af hverju hugsar enginn um börnin?" & "það þarf strangari reglur um þetta."

Frjálslyndi? Það er ekki rétta orðið.

Þetta mosku-dæmi hefur ekkert með frjálslyndi að gera. Þeir hafa bara einfaldlega séð að Islam er fasismi, þó í annarri mynd sé, með trúar-yfirbragði, og það höfðar til leftista.

[Steinarr Kr. , 9.10.2014 kl. 18:56]

Vinstri menn eru ekki frjálslyndir, þeir eru stjórnlyndir. Annars er Ásgrímur með þetta.

[Elle_, 9.10.2014 kl. 22:42]

Já að meðaltali eru svokallaðir vinstrimenn forræðishyggjumenn og ofurstjórnsamir, þ.e. VG eins og þeir eru nú og urðu 2009.  Hinir svokallaðir vinstriflokkarnir eru bara innantómir, hinn eldri er ofbeldisflokkur og eftirherman er ekki neitt, galtómur. 

[Kommentarinn, 10.10.2014 kl. 09:34]

Páll hittir naglann á höfuðið í þessu. Fólk er ekki alltaf að átta sig á að það er ekki hægt að raða niður öllum stjórnmálaskoðunum á einvíðan ás frá vinstri til hægri.

Andstæðurnar Frjálslyndi og íhaldsemi komast ekki alltaf fyrir á þessum ás og því gjarnan gripið til þess að nota tvo ása eða kross. Í USA er skiptingin þannig að hægri flokkurinn er íhaldsamur en sá vinstri frjálslyndur enda kalla þeir hvorn annan conservatives og liberals. Hér á íslandi er þessu skipt á fleiri flokka þannig að vinstri grænir eru íhaldsamir í flestum málum en samfylkingin frjálslyndari. Hægriflokkarnir hér eru hinsvegar báðir íhaldsamir þó að það sé stór frjálslyndur armur í sjálfstæðisflokknum, eða var amk. Það er enginn frjálslyndur hægriflokkur á íslandi.

[Kommentarinn, 10.10.2014 kl. 10:25]

Píratar og BF er frjálslyndustu flokkarnir sem eru í boði á íslandi en Píratar eru gott dæmi um galla einvíða vinstri-hægri ássins. Píratar eru á sama tíma lengst til hægri og lengst til vinstri allt eftir málaflokkum.

[Ívar Pálsson, 10.10.2014 kl. 11:55]

Hvernig er hægt að kalla það frjálslyndi þegar hverjum einasta þætti mannlegrar tilveru á að vera stýrt af "frjálslyndum" armi flokkanna, sem er einmitt neyslustýringar- fanatíkar sem krefjast miðstýringar 500 milljóna einstaklinga undir yfirskini frjáslyndis, en er endalaus sósíal- demókratismi. Raunverulega frjálslynt fólk og flokkar aðhyllast frelsi einstaklingsins til orðs og athafna. Þannig er frjálshyggjan. NB: ekki ný-frjálshyggjan sem er ekki til.

[Kommentarinn, 10.10.2014 kl. 14:05]

Samf og BF eru ekkert sérstaklega frjálslyndir og sérstaklega ekki m.t.t. markaðarins en þeir eru þó almennt frjálslyndari í samanburði við B og D. Það segir okkur ýmislegt um þá. SUS og Heimdallur eru reyndar mjög frjálslyndir hópar en það er eins og þeir verði allir meðvirkir íhaldinu með aldrinum.

[Kommentarinn, 10.10.2014 kl. 14:13]

Síðan getur flokkur getur verið frjálslyndur í sumum málum en ihaldssamur í öðrum sbr. Repúblikanar í USA eru frjálslyndir í markaðsmálum en íhaldsamir í öðrum t.d. samfélagsmálum. Íhaldsemin trompar samt alltaf frjálslyndið hjá þeim t.d. vilja þeir ekki opna landamærin fyrir óheftu vinnuafli að sunnan þó að frjáls markaður myndi hleypa þeim öllum inn.